Edukira joan

Susan Karike

Wikipedia, Entziklopedia askea
Susan Karike
Bizitza
Jaiotzako izen-deiturakSusan Hareho Karike
Jaiotza1956ko maiatzaren 7a
Herrialdea Papua Ginea Berria
HeriotzaPort Moresby General Hospital (en) Itzuli, 2017ko apirilaren 11 (60 urte)
Jarduerak
Lan nabarmenak

Susan Hareho Karike Huhume (Mei'i, 1956ko maiatzaren 7a – Port Moresby, 2017ko apirilaren 11) gineaberriar etxekoandrea izan zen, Papua Ginea Berriko bandera nazionala diseinatu zuena.

Bizitza[aldatu | aldatu iturburu kodea]

1971ko otsailaren 12an, Karikek 15 urte zituela, Erdialdeko probintziako Yule uharteko Konstituzio Garapenerako Hautaketa Batzordeak Misio Katolikoko Eskola bisitatu zuen[1][2][3]. Papua Ginea Berrirako bandera berri baten aurreproiektua zuen jada, Hal Holman artista australiarrak diseinatu zuena[2]. Hala ere, banderaren kolore-paleta berri bat sortzeko eskatu zieten ikasleei[1]. Karikek ez zuen uste urdina, horia eta berdea kolore nahiko tradizionalak zirenik[4], eta bandera zatituta zegoen marra bertikalak ere ez zitzaizkion gustatu[5]. Lerro diagonal bat eta kolore gorria, beltza eta horia erabili zituen, baita Hegoaldeko Gurutzearen eta paradisuko hegaztiaren motiboak ere[3]. Banderaren diseinu berria koadernotik erauzitako orri batean marraztu zuen[6]. 1971ko martxoaren 1ean aurkeztu zen batzordean eta 1971ko martxoaren 4an Papua Ginea Berriko bandera gisa onartua izan zen formalki[3].

Bandera nazionalaren koloreak diseinatu arren, Karikeren lorpena ez zen aintzat hartu bere bizitzan zehar. Ez zuen gobernuaren pentsiorik jaso eta pobrezian bizi zen[7]. Nanny Huhumerekin ezkondu zen, eta lau seme-alaba eta hamabi biloba izan zituen harekin[8][9].

2017ko apirilean hil zen istripu zerebrobaskular baten ondorioz[8][9] . Lehen Ministroaren bulegoak estatuko hileta bat agindu zion familiari baina bertan behera utzi zuen[10], eta eta 2017ko uztailaren 28an bakarrik lurperatu zuten[8][9].

2017an, Papua Ginea Berriko Museo Nazionala eta Arte Galeria berritu zuten eta galeria berri bati Karikeren izena jarri zioten[3].

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. ↑ a b (Ingelesez) «Susan Karike Gallery» Papua New Guinea National Museum & Art Gallery (Noiz kontsultatua: 2024-06-06).
  2. ↑ a b (Ingelesez) «Tribute for woman who designed PNG flag» RNZ 2017-04-13 (Noiz kontsultatua: 2024-06-06).
  3. ↑ a b c d (Ingelesez) «The Papua New Guinea Crest and Flag» PNGAA (Noiz kontsultatua: 2024-06-06).
  4. ↑ (Ingelesez) Crossette, Barbara. «The talk of Port Moresby; the queen, Betsy Ross and Papua New Guinea» The New York Times 1986-05-10 (Noiz kontsultatua: 2024-06-06).
  5. ↑ (Ingelesez) Lavari, Lemach. «Designers of our symbol of unity» The National 2017-04-21 (Noiz kontsultatua: 2024-06-06).
  6. ↑ (Ingelesez) «Tribute for woman who designed PNG’s flag» Cook Islands News 2017-04-15 (Noiz kontsultatua: 2024-06-06).
  7. ↑ (Ingelesez) «Tribute to Susan Karike» Post Courier 2017-04-12 (Noiz kontsultatua: 2024-06-06).
  8. ↑ a b c (Ingelesez) Mariori, Bradley. «National flag still belongs to Susan, husband says» The National 2019-09-17 (Noiz kontsultatua: 2024-06-06).
  9. ↑ a b c (Ingelesez) «PNG's National flag designer passes on» One PNG 2017-04-11 (Noiz kontsultatua: 2024-06-06).
  10. ↑ (Ingelesez) «Flag designer Susan Karike abandoned by Government» Post Courier 2017-07-04 (Noiz kontsultatua: 2024-06-06).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Susan_Karike&oldid=9814534"(e)tik eskuratuta