Zlatan Ibrahimović
Zlatan Ibrahimović (føddur 3. oktober 1981) er ein svenskur fótbóltsleikari, sum í løtuni (2013) spælir sum álopsleikari við franska Ligue 1 felagnum Paris Saint-Germain og á svenska landsliðnum, har hann eisini er liðskipari. Hann byrjaði sína fótbóltslívsleið í svenska felagnum Malmö FF, meðan Roland Andersson var venjari har. Hann fekk so sáttmála við Ajax og gjørdist eitt kent navn, venjari var Ronald Koeman. Seinni fekk hann sáttmála við italska felagið Juventus, hann varð seldur til Juventus fyri 16 milliónir €. Í 2006 skrivaði hann undir sáttmála við rivalarnir hjá Juventus, FC Internazionale, har hann vann heiðurslønir sum t.d. Oscar del Calcio og svenska Guldbollen, hetta tíðarskeiðið spældi hann 88 dystir við Internationale og gjørdi 57 mál. Hann varð valdur til UEFA ársins lið bæði í 2007 og 2009. Á sumri 2009 varð hann seldur til Barcelona fyri 69 €, sum er næst hægsta upphæddin, ið nakar fótbóltsleikari er blivin seldur fyri. Í 2009 til 2011 spældi hann við FC Barcelona, tó var hann lántur út til A.C. Milan, har hann helt fram við kontrakt í 2011-12.
Frá 2001 til mars 2013 hevði hann spælt 87 A-landsdystir fyri Svøríki og skorað 39 mál.
Í 2012 var hann av enska blaðnum The Guardian á einum topp-100 lista mettur at vera fimmt besti fótbóltsleikari í heiminum.[1]
Heiður
Feløg
- Ajax
- Eredivisie (2): 2001–02, 2003–04
- KNVB Cup (1): 2001–02
- Johan Cruijff Shield (1): 2002
- Juventus
- Serie A (2): 2004–05, 2005–06 (misti tó báðir prísirnir aftur orsakað av italisku fótbóltsgøluni Calciopoli 2006)
- Internazionale
- Barcelona
- La Liga (1): 2009–10
- Supercopa de España (2): 2009, 2010
- UEFA Super Cup (1): 2009
- FIFA Club World Cup (1): 2009
- AC Milan
- Serie A (1): 2010–11
- Supercoppa Italiana (1): 2011
- Paris Saint-Germain
Sum einstaklingur
- Golden Foot (1): 2012
- UEFA Euro Team of the Tournament (1): 2012
- UEFA Ársins lið (2): 2007, 2009
- UEFA Euro 2012 Man of the Match: Svøríki móti Fraklandi
- UEFA Euro 2008 Man of the Match: Grikkaland móti Svøríki
- UEFA Euro 2004 Man of the Match: Italia móti Svøríki
- UEFA Champions League 2012-13: Hægsta Assists (hjálpti við til at fáa mál við avlevering)
- Ligue 1 Ársins leikari: 2013[2]
- Serie A Toppskorari (2): 2009, 2012
- Serie A Ársins útlendski leikari (4): 2005, 2008, 2009, 2011
- Serie A Ársins fótbóltsleikari (3): 2008, 2009, 2011
- Supercoppa Italiana 2011: Man of the Match
- Serie A Besti mánaðarleikari: Januar 2012
- Guldbollen (7): 2005, 2007, 2008, 2009, 2010, 2011, 2012
- Radiosportens Jerringpris (1): 2007
- Ársins ítróttarfólk í Svøríki (2): 2007, 2010