Sant-Etiève

Sant-Ètièno

Équél articllo est ècrit en arpitan gagâs / ORB lârge.

Por los articllos homonimos, vêde Sant-Etiève.

Sant-Etiève
[sã.ˈtʃjeː.və], [sã.ˈtsjeː.və]
Difèrentes vuves de la viala de vers Sant-Etiève.
Blâson
Gentilyiço	Gagâs, GagâsseouÈstèfanouès, Èstèfanouèsaen arpitan Stéphanois, Stéphanoiseen francês
Noms arpetans
Ôtros noms arpitans	Sant-Ètièno [sã.t‿e.ˈtjɛ.nə] et des vês Sent-Tiève [sɛ̃.ˈtʃjeː.və]
Noms ètrangiérs
Nom latin (racena)	Sānctus Stĕphănus dē Fūrănŏ
Nom francês	Saint-Étienne [sɛ̃.t‿e.tjɛn]
Nom occitan	Sant Estève [sant.es.ˈtɛ.βe]
Administracion
Règion culturâla	Arpetania
Règion historica	Jarês(dins lo Forês)
Payis	France
Règion	Ârvèrgne-Rôno-Ârpes
Dèpartament	Lêre (prèfèctura)
Mètropola	Sant-Etiève Mètropola (sièjo)
Arrondissement	Sant-Etiève (chèf-luè)
Sendeco Mandat	Gaèl Pèrdriâl (DFD) 2020-2026
Code postâl	42000, 42100, 42230
Code comena	42218
Dèmografia
Populacion municipâla	172 718 hab. (2021 )
Densitât	2 160 hab./km2
Populacion agllomèracion	374 068 hab. (2021)
Geografia
Coordonâs	45° 26′ 05″ bise, 4° 23′ 25″ levant
Hôtior	Min. 422 m Max. 1 117 m
Supèrficie	79,97 km2
Tipo	Grand centro urben
Unitât urbèna	Sant-Etiève (viala-centro)
Sôl d’atraccion	Sant-Etiève (comuna-centro)
Èlèccions
Dèpartamentâles	Cantons de vers Sant-Etiève-1, Sant-Etiève-2, Sant-Etiève-3, Sant-Etiève-4, Sant-Etiève-5 et Sant-Etiève-6 (burél centralisior)
Lègislatives	1ére circonscripcion, 2nda circonscripcion
Localisacion
Geolocalisacion sus la mapa : Ârvèrgne-Rôno-Ârpes Sant-Etiève Geolocalisacion sus la mapa : Lêre Sant-Etiève Geolocalisacion sus la mapa : France Sant-Etiève Geolocalisacion sus la mapa : France Sant-Etiève
Lims
Seto Vouèbe	saint-etienne.fr

Sant-Etiève [sã.ˈtʃjeː.və] (Saint-Étienne [sɛ̃.t‿e.tjɛn] en francês, Sant Estève [sant.es.ˈtɛ.βe] en occitan) est una comuna francêsa et arpitana du Jarês dedins lo Forês historico, que sè trôve dins lo quârt sud-èste de la France, en règion Ârvèrgne-Rôno-Ârpes. V-o est lo chèf-luè du dèpartament de Lêre et lo sièjo de la mètropola èstèfanouèsa.

Avouéc 172 718 habitants en 2021, el est la 14^éma comuna la ples poplâ de France (2016) et la 2^nda comuna d’Ârvèrgne-Rôno-Ârpes. Sant-Etiève Mètropola constitue per sa populacion (400 813 habitants en 2021) la 3^éma mètropola règionâla aprés la mètropola de vers Grenoblo-Ârpes et la mètropola de vers Liyon. La comuna est âssé u bél mié d’un vâsto sôl urben de més de 520 640 habitants en 2017, la diéx-sèptiéma de France per sa populacion, que rassemble 117 comunes.

Grant-tiemps conessua coma étant la viala francêsa « de l’ârma, du vèlô et du ruban » et pués un important centro d’èxtraccion charbonosa, Sant-Etiève est y-ora engagiêe dedins un vâsto programo de rènovacion urbèna que vise a menar la transicion dês l’èstado de citât endustrièla héretâ du XIX^émo siècllo tant qu’a-n iquél de « capitâla du dèsigno » du XXI^émo siècllo. Équèla dèmârche at étâ reconessua avouéc l’entrâ de Sant-Etiève dins la baragne de les viales crèatives UNÈSCÔ en 2010. La viala vêt y-ora un renovèlament, avouéc l’enstalacion du quartiér de veyes Châtélcrox, du centro comèrciâl Steel et du quartiér crèatif Manufactura.

Los habitants de la viala s’apèlont los Gagâs [lu ɡa.ˈɡa] et les Gagâsses [le ɡa.ˈɡaːs] ou los Èstèfanouès [lu.z‿es.te.fa.ˈnwɛ] et les Èstèfanouèses [le.z‿es.te.fa.ˈnwɛːz].

Urbanismo

Anèccions

La viala s’est agrandia a plusiors reprêses depués lo comencement du XIX^émo siècllo, en anèxant tot plen de comunes :

• en 1855, Montôd, Outra-Férens et Vâlbenête (avouéc équèlos novéls tèrritouèros, la supèrficie de la viala pâsse de 256 a 3 986 hèctâres, por una populacion de 94 432 habitants) ;
• en 1969, Sant-Vetor (pas atenanta u résto de vers Sant-Etiève, câs prod râro en France) ;
• en 1970, Tèrranêre ;
• en 1973, Rochetalyê (avouéc l’èstatut de comuna associyêe et 757 habitants en 1999).

Populacion et sociètât

Los habitants de la viala s’apèlont los Gagâs [lu ɡa.ˈɡa] et les Gagâsses [le ɡa.ˈɡaːs] ou los Èstèfanouès [lu.z‿es.te.fa.ˈnwɛ] et les Èstèfanouèses [le.z‿es.te.fa.ˈnwɛːz] (les Stéphanois et les Stéphanoises en francês).

Cultura locâla et patrimouèno

Èvènaments

• 10 et 11 de septembro 2016 : 37^éma Féta entèrnacionâla de l’arpitan.

Hèraldica

Lo blâson de vers Sant-Etiève.

Vêre âssé

Liems de defôr

• Lo seto de la viala de vers Sant-Etiève

Notes et rèferences

Vocabulèro

— Enfocajon, somèro et rèferences

1. Varianta gagâsse [vøːv] de « viues » fpl.
2. Varianta gagâsse [aʀ.pi.ˈtã] de « arpetans » a mpl.
3. « des vês » [də.ˈveː] loc adv est la façon de parlar gagâsse por « des côps » loc adv.
4. Varianta gagâsse [ɡʀã] de « grant » a m.
5. Varianta gagâsse [by.ˈʀɛ] de « burô » m.
6. Varianta gagâsse [ljɔ̃] de « lims » mpl.

Rèferences

— Principâles

1. Prononciacion en arpitan gagâs retranscrita d’aprés la nôrma AFE.
2. (fr) Pierro Duplèx, La Clà do Parlâ Gaga, Sant-Etiève, Imprimerie Urbain Balay, 1896, remprèssion, Hachette Livre / BnF, pp. 261, 389 et 397. Liére en legne dessus Gallica.
3. (fr) Ugèno Veyes, Le Dialecte de Saint-Étienne au XVII^e siècle, Paris, Honoré Champion, 1911, remprèssion, Marselye, Laffitte Reprints, 1978, pp. 12 et 60 [→ Santsyéve]. Liére en legne.
4. (fr) Florence Charpigny, Anne-Marie Grenouiller, Jian-Baptista Martin, Marius Champailler, paysan de Pélussin, Èx-en-Provence, Édisud, 1986, pp. 132 et 136 [→ Sant-Étyène].
5. (fr) Domenico Stich, Francoprovençal. Proposition d’une orthographe supra-dialectale standardisée [PDF], Tèsa de doctorat, Univèrsitât Paris-Sorbona, 2001, p. 501.
6. (fr) Domenico Stich, Dictionnaire francoprovençal-français et français-francoprovençal, Tonon, Le Carré, 2003, pp. 75, 174 et 406.
7. (fr) Grande encyclopédie du Forez et des communes de la Loire. La Ville de Saint-Étienne, Le Cotél, Horvath, 1984.

— Toponimiques

1. (fr) Jian-Èdmê Duforn, Dictionnaire topographique du Forez et des paroisses du Lyonnais et du Beaujolais formant le département de la Loire, Mâcon, Protat, 1946, col. 866-867.
2. (fr) Èrnèst Nègro, Toponymie générale de la France. Étymologie de 35.000 noms de lieux. Volume III. Formations dialectales (suite) et françaises. Errata et addenda aux trois volumes, Geneva, Droz, 1998, p. 1447, n^ô 26384.