羅宋湯
閱讀設定
羅宋湯(俄文、烏克蘭文:Бοpщ,波蘭文:Barszcz)係一種東歐或中歐嘅濃菜湯。「羅宋」呢個名據說係嚟自Russian soup嘅中文音譯(羅宋即Russian,源自早年上海嘅洋涇濱英文,[lúsòŋ]),Russian Borscht(Borshch)係另一常用嘅名。
所有羅宋湯都用甜菜湯做底,然後可以加入第啲蔬菜。最簡單嘅羅宋湯只有甜菜、食鹽、糖、胡椒粉同一啲檸檬汁。其他經常加入嘅蔬菜包括包心菜、番茄、薯仔、芹菜同洋蔥。成分每個地方都有唔同。波蘭人經常加包心菜同薯仔,烏克蘭人就加番茄。間中又會加牛腩或用清牛肉湯做嘅。成湯之後凍熱飲都得。歐洲同美洲人經常加一啲酸性稀奶油。
正宗嘅羅宋湯(俄文:Бοpщ)係指嚟自俄羅斯嘅紅菜湯,近住俄羅斯嘅東歐國家好似波蘭、烏克蘭都流行呢種鮮甜濃郁嘅雜菜湯。亞洲嘅唔少西餐廳亦有供應。