冷衫(Laang5-1saam1)(注意「冷」嘅變調),又叫羊毛衫(joeng4mou4 saam1)、羊毛冷衫(joeng4mou4 laang5-1saam1),係用冷織嘅厚衫,主要用來畀人抵冷,冚住人身同埋臂(有時亦會畀第啲動物着),通常着喺裇衫或T-裇之外。多數冷衫用綿羊毛織,亦有羊駝毛嘅;但而家,綿、合成纖維或者撈埋嘅都有。
冷杉係用手洗,跟住再用除塵轆去保養。
冷衫所以叫冷衫,係因為佢係冷天着嚟保暖嘅衫。冷衫係由毛冷球毛線編織成嘅毛織品。亦有一種講法,「冷」係法文 laine(羊毛;法文讀音:[lɛn])嘅音譯。
冷衫分機織成衣同人手針織兩大類,尤其係後者,由女友親手編織嘅示愛毛衣,又叫做「溫暖牌」冷衫。
傳說,動物毛線冷衫經水洗會縮水,化學纖維冷衫易走樣。