折射

折射嘅呈現

液體嘅光線折射

光透過玻璃嘅折射

折射（粵拼：zit3 se6，英文：refraction），又叫做屈折，係種光學現象，指一種波動（例如光）由一種介質射入另一種介質嗰陣改變方向。咁如果有條木棒插入水，睇落會以為佢喺水面屈咗。

折射之所以會發生，係源於光喺唔同介質裡便會以不同嘅速度前進。當一束光以一定嘅角度射入密度比較大嘅介質嗰時，佢會減慢速度並且向住法線嗰邊彎曲。而相反，當佢進入密度比較低嘅介質嗰時，佢會加速而且偏離法線噉彎曲。束光折射嗰時彎曲得有幾勁，視乎兩種介質之間嘅折射率。

折射定律

折射中，入射角 i 同折射角 r 符合折射定律（英文：Snell's Law）：佢哋嘅正弦比等於呢兩種介質之間嘅折射率：

${\frac {\sin i}{\sin r}}=n$

相關現象

睇埋：光學

想像一束光通過三稜鏡，三稜鏡同空氣嘅折射率唔同，光線會跟住三稜鏡嘅形狀同方向偏轉。喺多數材料當中，唔同頻率嘅光（即係唔同色嘅可見光）折射率都唔同，於是束光就分開做唔同色嘅光線，形成所謂嘅色散現象。呢種現象據講係由艾碩·牛頓發現嘅。

喺某啲介質當中，介質嘅密度會慢慢噉變化，令到光線嘅行進軌道變咗曲嘅噉。例如喺炎熱嘅天氣當中（想像烈日下嘅撒哈拉沙漠），唔同高度嘅空氣密度明顯有異，從而令到光線變成以曲線前進，形成海市蜃樓嘅現象。

睇埋

• 折射定律
• 反射
• 透鏡