אריה לייביש ליפשיץ
רבי אריה לייביש ליפשיץ זצ"ל, (ה'תקכ"ז - י"ז טבת ה'תר"ו), רב אין ווישניצא, דער אריה דבי עילאי, באקאנט אלס רבי לייביש חריף.
אפשטאם
רבי לייביש איז געבוירן אין יעראסלאוו אין יאר ה'תקכ"ז (אומגעפער) צו זיין פאטער הרב חיים ליפשיץ, אן אייניקל פון הרב נתן נטע שפירא, דער מגלה עמוקות.
רבנות
אין יאר ה'תר"ס איז רבי לייביש געווארן רב אין קרעשוב, נאכהער אין בילגוריי, אין יאר ה'תקס"ח ווען זיין שווער דער ישמח משה איז געווארן רב אין אוהעל האט רבי לייביש איבער גענומען דאס רבנות אין שינאווא, אין יאר ה'תק"ץ איז רבי לייביש אויפגענומען געווארן רב אין ווישניצא און אירע אומגעגנט (אריין רעכענדיג בריגעל און באכניא). חול המועד סוכות ה'תקצ"ח איז רבי לייביש פארטריבען געווארן פון ווישניצא אין ער האט זיך באזעצט אין בריגעל.
הסתלקות
רבי לייביש איז נפטר געווארן י"ז טבת ה'תר"ו אין בריגעל
פאמיליע
רבי לייביש האט געהייראט בזיווג שני מרת חנה אן איינציגע טאכטער (בת יחידה) פון הרב משה טייטלבוים דער ישמח משה. זיינע קינדער:
- הרב משולם זלמן יהונתן ליפשיץ (ה'תק"ן (אומגעפער) - א' אלול ה'תרט"ו), רב אין בריגעל, ער האט געהייראט מרת פריידא א טאכטער פון הרב אברהם חיים הורוויץ (דער ערשטער), רב אין לינסק. זייערע קינדער:
- הרב ירוחם טייטלבוים, פון טארנא, ער ליגט אין ירושלים.
- הרב אריה לייביש טייטלבוים (ה'ת"ר - י"ז אלול ה'תרפ"ג), רב אין קרעשוב און רודניק. ער האט געהייראט מרת יוכבד רבקה, א טאכטער פון הרב ברוך האלבערשטאם, רב אין גארליץ.
- מרת ביילא, די ווייב פון הרב בצלאל ישעיה בערנשטיין, דיין אין ירושלים.
- מרת חנה די ווייב פון הרב רפאל גוטווירטה, פון ראדאמישל.
- הרב טוביה ליפשיץ, ממלא מקום פון פאטער, רב אין בריגעל. ער האט געהייראט מרת מינדל א טאכטער פון הרב ישראל יצחק פון ראדישיץ. זייערע קינדער:
- מרת חנה, די ווייב פון הרב מנשה טייטלבוים ראש בית דין אין בריגעל.
- מרת אסתר, די ווייב פון הרב מנחם מענדל שפירא רב אין בערהמעט.
- מרת צירל די ווייב פון הרב נח שיף.
- הרב מאיר ליפשיץ פון קראקא.
- מרת רבקה, די ווייב פון הרב מאיר שפיץ.
- מרת חיה שרה, די ווייב פון הרב ישראל מאיר ליפשיץ, פון יאנאוו, א זון פון איר פעטער הרב חיים דוב בעריש ליפשיץ.
- מרת מירל, די ווייב פון הרב אברהם כ"ץ שענורער.
- הרב ירוחם טייטלבוים, פון טארנא, ער ליגט אין ירושלים.
- הרב חיים דוב בעריש ליפשיץ (ה'תקנ"ה (אומגעפער) - כ"ג תשרי ה'תר"י), רב אין יאנוב, ער האט געהייראט א טאכטער פון הרב אריה לייביש נייהויז, רב אין חעלם, אן איידעם פון הרב מאיר ראטטענבערג, דער אור לשמים.
- מרת טאבא ( - ה'תקצ"ט), די ווייב פון הרב יחזקאל שרגא האלבערשטאם, דער שינאווער רב, בזיווג ראשון.
- די ווייב פון הרב מרדכי זילבערשטיין, רב אין האלאשיץ (דער שווער פון שינאווער רב בזיווג שני).
זיינע ספרים
- שו"ת אריה דבי עילאי
- ארי שבחבורה - על מסכת כתובות
- חדושי אריה דבי עילאי - על מסכת קידושין, יומא, מנחות, קנים, נדה
- עטרת זקנים - כללי הש"ס
- קונטרס אריה דבי עילאי - הלכות פסח
רעפערענצן
- ארי שבחבורה - תולדות המחבר
- שו"ת אריה דבי עילאי - דברים אחדים
- אנציקלופדיה לחכמי גליציה, מאיר וונדר
- ↑ ארי שבחבורה