შარლ ერმიტი
შარლ ერმიტი | |
ფრანგ. Charles Hermite | |
| |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: |
ღურთუთა 14, 1901 (78 წანერი) |
ღურაშ აბანი: |
პარიზი, საფრანგეთი |
მენოღალობა: | |
ომენცარე სფერო: | |
სამუშაშ აბანი : | |
ალმა-მატერი: |
ჰენრიხ IV-შ ლიცეუმი |
ომენცარე ხემანჯღვერი: | |
ჯოხოშინელი მოგურაფეეფი: |
ანრი პადე |
ჯილდოეფი დო პრემიეფი: |
საფრანგეთიშ მენცარობეფიშ აკადემიაშ მაკათური (1856) |
შარლ ერმიტი (ფრანგ. Charles Hermite; დ. 24 ქირსეთუთა, 1822, დიოზი, მოზელი, საფრანგეთი — ღ. 14 ღურთუთა, 1901, პარიზი, საფრანგეთი) — ფრანგი მათემატიკოსი. თიში მენცარული რკვიებეფი უმოსო ორხველუდჷ ალგებრას, რიცხუეფიშ თეორიას, კვადრატულ ფორმეფს, ინვარიანტული თეორიას, ორთოგონალურ პოლინომიალეფს დო ელიფსურ ფუნქციეფს.
შარლ ერმიტი გურაფულენდჷ კოლეჯ-დე-ნანსის დო უკულ პარიზის, ჰენრიხ IV-შ დო ლუდოვიკო დიდიშ ლიცეუმეფს. ართ პერიოდის ერმიტი გურაფულენდჷ პარიზიშ პოლიტექნიკურ სკოლას, ნამუთ ვაუთებუ. ერმიტიქ მაართა მენცარული ნაჭარეფი 1840-იან წანეფს გჷმაბჟინუ. რდჷ პოლიტექნიკური სკოლაშ დო პარიზიშ უნივერსიტეტიშ მათემატიკაშ პროფესორი. 1862-1873 წანეფს მუშენდჷ პარიზიშ უმაღალაშ ნორმალურ სკოლას ხოლო.
მათემატიკას ერმიტიშ ჯოხონობაშ რე: ერმიტიშ პოლინომიალეფი, ერმიტიშ ინტერპოლაცია, ერმიტიშ ნორმალური ფორმა, ერმიტიშ ოპერატორი დო ერმიტიშ კუბიკური სპლაინი.
შარლ ერმიტი რდჷ მაართა მათემატიკოსი ნამუქჷთ დანტკიცჷ ნამდა e ტრანსცენდენტური რიცხუ რე. ერმიტიშ მეთოდეფი გჷმირინუ ფერდინანდ ფონ ლინდემანქ π-შ ტრანსცენდენტურობაშ ნტკიცებაშო.
შარლ ერმიტი რდჷ საპატიო ლეგიონიშ ორდენიშ დიდი ოფიცერი, საფრანგეთიშ მენცარობეფიშ აკადემიაშ დო ლონდონიშ ომაფე ჯარალუაშ მაკათური.
გიშნაგორა პუბლიკაციეფი
[რედაქტირაფა | წყუშ რედაქტირაფა]- "Sur quelques applications des fonctions elliptiques", Paris, 1855.
- "Cours d'Analyse de l'École Polytechnique. Première Partie", Paris: Gauthier–Villars, 1873.
- "Cours professé à la Faculté des Sciences", edited by Andoyer, 4th ed., Paris, 1891.
- "Correspondance", edited by Baillaud and Bourget, Paris, 1905, 2 ტომი
- "Œuvres de Charles Hermite", edited by Picard for the Academy of Sciences, 4 ტომი., Paris.
- "Œuvres de Charles Hermite", reissued by Cambridge University Press, 2009; ISBN 978-1-108-00328-5.