熊本市(假名:くまもとし)是東亞九州島中部个一個城市。乃朝屬日本九州地方熊本縣管轄。也是縣域內頂頂大个城市搭熊本縣首府。因為立在九州中南部第一大都市个地位,畀確定為政令指定都市。熊本市歷史浪當過加藤清正个封地,後勢來,江戶幕府又拿此地交給細川氏。加藤清正修造个熊本城成為城市个象徵,也是日本國寶之一。乃朝,此地个吉祥物熊本熊也是邪氣有名。2016年4月14號,熊本縣境內發生地震,熊本市也受影響,熊本城有七個地方發生塌方,乃朝正在搶修,已經暫停對外个開放。一些立在當地个外國遊人也陸續回國。