Антигенлар
Антигенлар — маълум шароитда иммун жавоб бериш ва махсус антителолар ишланиб чиқиши, ёт ҳужайраларни емириб лимфоцитлар ҳосил бўлиши, иммунологик ҳолат ёки толерантлик шак-лланишига сабаб бўладиган турли моддалар. Антигенларнинг энг муҳим хусусияти антигенлик ва ўзига хосликдир. Хусусиятига кўра Антигеннинг тўла ва қисман, шунингдек эрийдиган (оқсиллар ёки улар комплексларининг бошқа моддалар билан сувдаги эритмаси), корпускуляр (бактериялар, ҳайвон ҳужайралари), кучли ва кучсиз, табиий ва сунъий ҳамда гетеро-, изо-, аутоантигенлар фарқ қилинади. Антигенни ўрганиш (айниқса тўқималар мутаносиблигини) аъзо ва тўқималарни кўчириб ўтказиш, инфексион жараёнларнинг ривожланиши, шунингдек ўсмаларни аниқлаш ва даволашда жуда муҳим аҳамиятга эга.
Адабиётлар[edit | edit source]
- ЎзМЕ. Биринчи жилд. Тошкент, 2000-йил
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Бу андозани аниқроғига алмаштириш керак. |