Fokstrot
Qiyofa
Fokstrot (ing. fox — tulki va trot — yoʻrtish, tez yurish) — salon raqsi. 20-asr boshida AQShda jaz raqslari asosida paydo boʻlib, Birinchi jahon urushidan soʻng ommaviylashgan Yevropa raqsi. Oʻzbekistonda 1930—40-yillardan kinoteatr, bogʻpark konsert hamda raqs maydonchalari va boshqalarda faoliyat koʻrsatgan harbiy, estrada orkestr va ansambllari repertuaridan kengoʻrin olgan. F. kuylari 4/4 oʻlchovida, marshsimon, bir oz sinkopalashgan ritmi bilan ajralib turadi ("tulki qadamlari"). 2 turi mavjud — shoshmasdan ijro etiladigan "slow" F. va tez surʼatli "quickstep". F. ritm va ohanglaridan kompozitorlar ham keng foydalanishgan (J.Puchchini, F.Pulenk, I.Stravinskiy, D.Miyo, D. Shostakovich, Oʻzbekistonda V.Saparov va boshqalar).
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
Bu andozani aniqrogʻiga almashtirish kerak. |