Kontent qismiga oʻtish

Matt Doherty

Vikipediya, ochiq ensiklopediya
Matt Doherty
Doherty Wolverhampton Wanderers safida (2024)
Shaxsiy maʼlumot
Toʻliq ismi Matthew James Doherty[1]
Tavallud sanasi 16-yanvar 1992-yil (1992-01-16) (32 yosh)[2]
Tavallud joyi Dublin, Irlandiya
Boʻyi 1.86 m[3]
Ampluasi Himoyachi
Klub maʼlumoti
Joriy klub
 Wolverhampton Wanderers
Raqami 2
Yoshligida aʼzo boʻlgan klublar
Swords Celtic
Home Farm
Belvedere
2009–2010 Bohemians
Professional faoliyati*
Yillar Jamoa Isht. (Gol.)
2010–2020 Wolverhampton Wanderers 260 (20)
2012 → Hibernian (ijara) 13 (2)
2012–2013 → Bury (ijara) 17 (1)
2020–2023 Tottenham Hotspur 44 (3)
2023 Atlético Madrid 2 (0)
2023– Wolverhampton Wanderers 30 (1)
Milliy terma jamoa‡
2011–2012 Irlandiya U19 6 (0)
2012–2014 Irlandiya U21 8 (4)
2018– Irlandiya terma jamoasi 45 (2)
*Professional klublardagi gollari (ichki chempionat)
(19-may uchun)
‡ Milliy terma jamoadagi gollari (12-iyun uchun)

Matthew James Doherty (1992-yil 16-yanvarda tugʻilgan) – irlandiyalik professional futbolchi, himoyachi. "Wolwerhampton" klubi va Irlandiya terma jamoasi sharafini himoya qiladi.

Doherty 2010-yilda Vulverxempton bilan shartnoma imzolagan. „Boʻrilar“ning asosiy tarkibiga kirishdan oldin Hibernian va Bury klublari safida ijarada asosida harakat qilgan. Oʻn yil davomida Wolverhampton klubi safida jami 302 ta oʻyinda maydonga tushdi. 2016-yilgacha Irlandiya U21 terma jamoasi safida harakat qilgan. 2016-yilda ilk marta Irlandiya milliy terma jamoasi jamoasidan chaqiruv olgan.

Bir necha mavsumni "Tottenham" va "Atlético Madrid" klublari futbolchisi sifatida oʻtkazganidan soʻng, 2023-yilning iyul oyida „Wolverhampton“ga qaytgan.

Klublardagi faoliyati

[tahrir | manbasini tahrirlash]

Wolverhampton Wanderers

[tahrir | manbasini tahrirlash]

Doherty 2010-yilning iyul oyida „Bohemian“ga qarshi oʻtkazilgan mavsumoldi oʻyinida Wolwerhampton klubinig eʼtiborini tortgan[4]. Bohemian safida biror marta asosiy tarkibda maydonga tushmagan boʻlishiga qaramasdan, Wolverhampton Dohertyni klub mashgʻulotlariga chaqirgan va tez orada 75 000 funt sterling evaziga u bilan shartnoma imzolagan[5][6].

Himoyachi „boʻrilar“ safidagi debyutini 2011-yilning 8-yanvarida Angliya kubogi doirasidagi Doncaster Roversga qarshi oʻyinda oʻtkazgan[7]. 2011-yilning 24-sentyabrida esa "Liverpul"ga qarshi bahsda Premyer-ligadagi debyutini amalga oshirgan[8].

2012-yil yanvar oyida Doherty 2011—2012-yilgi mavsumning ikkinchi qismi uchun „Hibernian“ klubiga ijaraga berilgan[9]. Doherty uchun eng afzal pozitsiya oʻng qanot himoyasi boʻlishiga qaramasdan, Hibernian safida markaziy va oʻng qanot himoyasida ham harakat qilishga majbur boʻlgan[10]. 4-fevral kuni Shotlandiya kubogida Kilmarnock klubiga qarshi bahsda (1:0) Hibernian safida debyut qilgan. Klub safida jami 17 oʻyin oʻtkazgan va ikki bor raqiblar darvozasini ishgʻol etgan. Ijaradagi soʻnggi oʻyini 2012-yilgi Shotlandiya kubogi finaliga toʻgʻri kelgan. Finalda Hibernian Hearts klubi bilan chempionlik uchun bahs olib borgan va 1:5 hisobida magʻlub boʻlgan[11]. Keyinroq Doherty muhlislardan jamoaning yomon oʻyini uchun uzr soʻragan[12].

2012-yil oktyabr oyida Doherty yana ijaraga berildi. Bu safar Bury klubi bilan 3 oylik shartnomaga imzo chekdi[13]. Shartnoma tuzilganidan 2 kun oʻtib, „Swindon Town“ klubiga qarshi maydonga tushdi va bu bahs Buryning 0:1 hisobidagi magʻlubiyati bilan yakunlangan. Doherty Bury klubi safida 22 ta oʻyin oʻtkazgan. Ushbu klub safida oʻng qanot himoyachisi pozitsiyasida oʻynagan va murabbiy Kevin Blackwellning maqtoviga sazovor boʻlgan[14][15]. Biroq, bu klubdagi moliyaviy muammolar sabab 2013-yilning yanvarida futbolchi oʻz klubiga qaytarib yuborilgan[16][17].

2013-yilning yanvar oyida Dean Saunderds Wolverhampton bosh murabbiyi etib tayinlanganidan soʻng, Doherty klubning asosiy oʻng qanot himoyachisiga aylangan va 2012—2013-yilgi mavsumning ikkinchi yarmidagi oʻyinlarda davomiy tarzda asosiy tarkibda maydonga tushgan[18]. Sounders jamoani tark etganidan soʻng Kenny Jackett klubda murabbiy sifatida ish boshlagan. Bu davrda ham Matt jamoadagi oʻrnini saqlab qola olgan va 2013-yilning sentyabrida yangi shartnoma imzolagan[19].

2015—2016-yilgi mavsumda Molineux stadionida Matt Dohertyning „Fulham“ darvozasiga kiritgan goli klubning mavsumdagi eng chiroyli goli deb topilgan[20]. 2017-yilning 26-sentyabrida klub bilan yana yangi shartnoma imzolagan. Yangi shartnomada futbolchining 2021-yilning yarmiga qadar jamoada qolishi belgilangan[21]. 2017—2018-yilgi mavsum oxirida „boʻrilar“ olti yillik tanaffusdan keyin yana Premyer-ligada ishtirok etish huquqini qoʻlga kiritishdi[22].

Manbalar

[tahrir | manbasini tahrirlash]
  1. ↑ „Premier League clubs publish 2019/20 retained lists“. Premier League (2020-yil 26-iyun). Qaraldi: 2020-yil 12-iyul.
  2. ↑ „Matt Doherty: Overview“. Premier League. Qaraldi: 2022-yil 11-avgust.
  3. ↑ „Matt Doherty“. Atlético Madrid. Qaraldi: 2023-yil 3-fevral.
  4. ↑ „A comfortable victory“. wolves.co.uk (2010-yil 19-iyul). 2010-yil 15-avgustda asl nusxadan arxivlangan.
  5. ↑ „Doherty's dream delight“. wolves.co.uk (2010-yil 23-avgust). 2011-yil 25-martda asl nusxadan arxivlangan.
  6. ↑ „Doherty heads to Wolves“. Sky Sports (2010-yil 19-avgust).
  7. ↑ „Doncaster v Wolverhampton“. BBC Sport (2011-yil 8-yanvar).
  8. ↑ „Defender keen to improve“. wolves.co.uk (2011-yil 22-sentyabr). 2012-yil 15-sentyabrda asl nusxadan arxivlangan. Qaraldi: 2011-yil 23-sentyabr.
  9. ↑ „Coventry's O'Donovan and Wolves' Doherty loaned to Hibs“. BBC Sport (2012-yil 31-yanvar).
  10. ↑ Strachan, Colleen. „Defender eager to banish the pain of his costly mistakes when Hibs last clashed with Motherwell“. Edinburgh Evening News. Johnston Press (2012-yil 6-aprel).
  11. ↑ „Doherty focused on Wolves“. Sky Sports (2012-yil 27-may).
  12. ↑ „Doherty's Disappointment“. Wolverhampton Wanderers FC (2012-yil 24-may). 2012-yil 25-mayda asl nusxadan arxivlangan. Qaraldi: 2012-yil 31-may.
  13. ↑ „Wolves defender Matt Doherty joins Bury on loan“. BBC Sport (2012-yil 4-oktyabr).
  14. ↑ „Kevin Blackwell praises young defence as Bury continue good run“. BBC Sport (2012-yil 21-noyabr). Qaraldi: 2013-yil 17-yanvar.
  15. ↑ „Bury boss Kevin Blackwell praises impact of loan players“. BBC Sport (2012-yil 30-oktyabr).
  16. ↑ „Shakers duo back at Wolves“. Sky Sports (2013-yil 3-yanvar).
  17. ↑ „Kevin Blackwell: Bury finances may lead to departures“. BBC Sport (2013-yil 2-yanvar).
  18. ↑ „Matt Doherty: "I honestly think we will get promoted... automatic promotion actually"“. Birmingham Mail (2013-yil 12-iyul).
  19. ↑ „Doherty aiming high“. Wolverhampton Wanderers F.C (2013-yil 6-sentyabr). 2013-yil 8-sentyabrda asl nusxadan arxivlangan. Qaraldi: 2013-yil 6-sentyabr.
  20. ↑ „In pictures: Matt Doherty cleans up at Wolves' end of season awards“. expressandstar.com (2016-yil 11-may).
  21. ↑ „Doc's new deal!“. Wolverhampton Wanderers F.C (2017-yil 26-sentyabr).
  22. ↑ „Wolves promoted to the Premier League“. Premier League (2018-yil 14-aprel). Qaraldi: 2019-yil 16-fevral. 
"https://uz.wikipedia.org/w/index.php?title=Matt_Doherty&oldid=4558547" dan olindi