Montella, Vinchenso
Bu maqolada bir qancha muammolar mavjud. Iltimos, ularni tuzatib yordam qiling yoki shu muammolarni munozara sahifasida muhokama qiling.
|
Vinchenso Montella
Vinchenso Montella 1974-yil 18-iyun Pomilyano d'Arko, Neapol 172 sm Yarim himoyachi
Vinchenso Montella- Italiyalik sobiq yarim himoyachi,1974-yilda Pomilyano-d'Arko da tug'ilgan.Hozirgi kunda Turkiya terma jamoasi bosh murabbiyi.
Italiya terma jamoasi tarkibida 1999-yildan 2005-yilgacha 20 ta uchrashuvda maydonga tushib, 3 ta gol urgan.2000-yilgi Yevropa chempionatida kumush medallarni qo'lga kiritgan.2009-yilning yozida futbolchilik faoliyatini yakunlagan.
Futbolchilik karyerasi
[tahrir | manbasini tahrirlash]Montella o'z faoliyatini 1990- yilda Empoli klubi tarkibida Italiya C seriyasida boshlagan.1995-yilda Jenoaga o'tadi va o'zining birinchi mavsumida 21 ta gol uradi.Shundan keyin Montella A Seriya ishtirokchisi Sampdoriya tarkibida to'p suradi.Jamoa safida u 1997 va 1998 yillarda,ketma-ket ikki yil chempionat to'purari bo'ldi.Genuyaliklar safida umumiy 83 ta o'yinda maydonga tushib, 54 ta gol kiritgan.
1999-yilda Sampdoriya B Seriyaga tushib ketadi va Montella Roma klubiga o'tadi.Transfer narxi 25 million yevroni tashkil qilgan.Montella birinchi mavsumining o'zidayoq 18 ta golga mualliflik qiladi.Rim derbisida Latsio darvozasiga 2 ta gol kiritadi.Montella Franchesko Totti va Marko Delvekkio bilan ajoyib trioni tashkil qilishadi.2000/2001 yilgi mavsumda o'zining 13 goli bilan Romaning mamlakat chempioni bo'lishiga munosib hissa qo'shadi.
2003/2004 yilgi mavsumda u jarohatlari sababli juda kam o'yin amaliyotiga ega bo'ladi.Biroq keyingi mavsumda u Roma safida 37 o'yinda 21 ta gol kiritishga muvaffaq bo'ladi.2005/2006 yilgi mavsumda u jarohati sababli ikkita operatsiyani boshidan o'tkazdi.Butun mavsum davomida bor yo'g'i 13 ta o'yinda maydonga tushadi.
2007-yilning 4-yanvarida Montella Londonning Fulhem klubiga ijaraga beriladi.U Angliya kubogi doirasidagi debyut o'yinida Lester siti darvozasiga 2 ta gol kiritadi.Keyingi uchrashuvda Stok siti darvozasini ham ishg'ol qiladi.Montella Premyer liga doirasidagi ilk uchrashuvni 2007-yilning 13-yanvarida Vest hem ga qarshi uchrashuvda maydonga tushgan.Chempionatdagi ilk golini 20-yanvarda Tottenhem darvozasiga penaltidan kiritadi.Ketma-ket uch o'yinda urgan to'rt goli sababli Montella Fulhem muhlislarining yoqimtoyiga aylanadi.2007-yilning 8-mayida ijara muddati tugagan Montella Roma ga qaytadi.
Montella keyingi mavsumni ijara asosida Sampdoriyada o'tkazadi.2008/2009 yilgi mavsumda yana Romaga qaytadi.2009-yilning 2 iyulida u futbolchilik faoliyatini yakun ladi.
Terma jamoadagi faoliyat
[tahrir | manbasini tahrirlash]Montella Italiya terma jamoasidagi debyutini 1999-yilda Uelsga qarshi o'tkazadi.2000-yilgi Yevropa chempionati va 2002-yilgi mundialda Italiya terma jamoasi dafid aharakat qilgan.Terma jamoa safida 20 ta uchrashuvda maydonga tushib 3 ta to'p kiritgan..
Murabbiylik faoliyati
[tahrir | manbasini tahrirlash]Roma
[tahrir | manbasini tahrirlash]2009-yilning 2-iyulida Montella Roma bilan uch yillik shartnoma imzolaydi.Shartnoma shartlariga ko'ra u dastlab Romaning 15 yoshgacha futbolchilaridan tashkil topgan Giovanissimi Nazionali jamoasini boshqaradi.
2011-yilning 21- fevralida Montella Klaudio Ranyeri o'rniga Roma bosh murabbiyi etib tayinlanadi.23- fevral kuni murabbiylik postidagi ilk o'yinini chempionat doirasida Bolnyaga qarshi o'tkazadi.De Rossining goli evaziga uchrashuvda Roma g'alaba qozongan.Klub amerikalik tadbirkorlar qo'liga o'tgach Montella jamoani tark etadi.
Kataniya
[tahrir | manbasini tahrirlash]2011-yilning iyunida Kataniya jamoasi bosh murabbiyi bo'ladi.Shartnoma ikki yilga mo'ljallangan edi.Biroq 2012-yilda jamoani tark etadi.
Fiorentina
[tahrir | manbasini tahrirlash]2012-yil 11-iyunida Montella Fiorentina bosh murabbiyi etib tayinlanadi.U jamoani 13- o'rindan 4-o'ringa olib chiqadi va mavsum yakunida Yevropa ligasi yo'llanmasini qo'lga kiritadi.Yevropa ligasida Fiorentina yarim finalgfa qadar yetib boradi.2015-yilda Montella klub rahbarlari bilan munosabatlari yomonlashib,jamoani tark etadi.
Sampdoriya
[tahrir | manbasini tahrirlash]2015-yilda Montella o'zining qadrdon jamoasi Sampdoriyaga bosh murabbiy bo'ladi.Bir yildan so'ng u jamoani tark etadi.
Milan
[tahrir | manbasini tahrirlash]2016-yili Montella Milan bosh murabbiyi etib tayinlanadi.Rossonerilar buning uchun Sampdoriyaga 1,1 million tovon puli to'laydi.O'zining ilk mavsumida u Milan bilan Italiya superkubogini qo'lga kiritadi.A Seriyada 6-o'rinni egallagan jamoa Yevrop Ligasi yo'llanmasini qo'lga kiritadi.2017-yilning 27-noyabrida muvaffaqiyatsiz natijalardan so'ng jamoani tark etadi.
Sevilya
[tahrir | manbasini tahrirlash]2017-yilning 28-dekabrida Montella Ispaniyaning Sevilya jamoasi murabbiylik postiga keladi.Shartnoma 2019-yil oxirigacha mo'ljallangandi.Uning qo'l ostida jamoa 28 o'yinda maydonga tushib 11 g'alaba,7 durrang va 10 mag'lubiyat qayd etadi.
Fiorentina
[tahrir | manbasini tahrirlash]2019-yilning 10-aprelida Montella yana Fiorentinaga qaytadi.Biroq 21-dekabrda Romaga qarshi 1-4 hisobidagi mag'lubiyatdan so'ng jamoani tark etadi.