Rodeziya

	Rodeziya ; tan olinmagan davlat;; dominion (1970-yilgacha)
	Shiori; lotincha: Sit Nomine Digna
	Madhiya; Rise, O Voices of Rhodesia
Poytaxti	Salisbury
Til(lar)i	ingliz
Pul birligi	Rodeziya funti (1970-yilgacha); Rodeziya dollari (1970-yildan keyin)
Maydoni	390 580 km²
Aholisi	6 930 000 (1978-yil)
Boshqaruv shakli	Konstitutsiyaviy monarxiya (1965-1970); Parlamentar respublika (1970-1979)
	Prezident
- 1970-1975	Clifford Dupond
- 1976-1978	John Wrathall
- 1978-1979	Jack Pithey
- 1975-1976, 1978, 1978-1979	Henry Everard
	Bosh vazir
- 1965-1979	Ian Smith
	Tarix
- 11-noyabr 1965-yil	Mustaqillik
- 2-mart 1970-yil	Respublikaning eʼlon qilinishi
- 1-iyun 1979-yil	Tugatilishi

Rodeziya (inglizcha: Rhodesia [roʊˈdiːʒə]) – 1965-yildan 1979-yilgacha mavjud boʻlgan va Janubiy Afrika hududidagi Janubiy Rodeziya koloniyasi va hozirgi Zimbabve hududida joylashgan tan olinmagan mamlakat.

Janubiy Rodeziya 1964-yil boʻlib oʻtgan referendum natijalariga koʻra 1965-yilda Buyuk Britaniyadan mustaqilligini eʼlon qiladi. Dastavval koloniya Buyuk Britaniyaning mustaqil dominioni boʻlishga umid qiladi, lekin 1970-yilda, Buyuk Britaniyaning jahon hamjamiyatiga Rodeziyaning mustaqilligini tan olmasligi haqidagi murojaatnomasidan keyin oʻzini respublika deb eʼlon qiladi. Yangi mamlakatning hokimiyatida Ian Smith boshchiligidagi Rodeziya fronti oqlar partiyasi turardi.

1979-yilda, uzoq yillik fuqarolar urushidan soʻng hokimiyatga tub qora tanli aholi boshchiligidagi harbiylashgan guruhlar keladi. Davlat nomi dastlab Zimbabve-Rodeziyaga, keyinchalik esa Zimbabvega oʻzgartiriladi. Shuningdek barcha davlat ramzlari ham almashtiriladi. Buyuk Britaniya va boshqa davlatlar 1980-yilda Zimbabve mustaqilligini tan olishadi.

Rodeziya oʻz nomini Cecil Rhodes – ingliz biznesmeni sharafiga oladi.

Tarixi

Rodeziya 1965-yilda Buyuk Britaniyadan mustaqilligini eʼlon qiladi. Bunga asosiy sabab bosh vazir Ian Smith boshchiligidagi Rodeziya hukumati umumiy ovoz berish huquqi haqidagi qonunga qarshi chiqqanligi edi. Dastlab koloniya mustaqil dominionlik huquqini olishga umid qilgan, lekin 1970-yilda, jahon hamjamiyati Rodeziya mustaqilligini tan olishni rad etgandan soʻng referendum natijasiga koʻra mamlakat Rodeziya respublikasi deb eʼlon qilinadi.

1979-yilda Smith hukumati oppozitsiya bilan ichki kelishuv imzolashga majbur boʻladi. Unga koʻra, umumiy saylov oʻtkaziladi va uning natijalariga koʻra yepiskop Abel Muzorewa gʻalaba qozonadi. Davlat nomi esa Zimbabve-Rodeziyaga oʻzgartiriladi.

Buyuk Britaniya hukumati yangi siyosiy hokimiyatni tan olmaydi. Britaniya hukumati, Rodeziya hukumati va radikal oppozitsiya yetakchilari oʻrtasida imzolangan Lancaster House kelishuvi natijasida Rodeziya vaqtinchalik kolonial imperiya tarkibiga qaytariladi. Kolonial imperiya hukumati yangi saylov oʻtkazadi va ushbu saylovlarda soʻl-radikal Zimbabve Afrika milliy birlik harakati (inglizcha: Zimbabwe African National Union; qisqartmasi – ZANU) va uning yetakchisi Robert Mugabe gʻalaba qozonadi.

Rodeziya davlati mavjud boʻlgan davrda janubda Janubiy Afrika Respublikasi (JAR), janubi-gʻarbda Botsvana va Janubi-G'arbiy Afrika (soʻnggisi JAR boshqaruvi ostida), shimolda Zambiya (sobiq Shimoliy Rodeziya), sharqda boʻlsa Portugaliya Mozambiki (1975-yildan soʻng Mozambik) davlatlari bilan chegaradosh boʻlgan. Chet davlatlari bilan rasmiy diplomatik aloqalari mavjud emasligiga qaramay (BMT xavfsizlik kengashining 216-rezolyutsiyasi xavfsizlik kengashiga aʼzo barcha davlatlarni Rodeziya hukumati bilan diplomatik aloqalar oʻrnatishini taqiqlagan), Rodeziya koʻplab mamlakatlar bilan norasmiy tarzda siyosiy va savso-sotiq aloqalarini olib borgan:

Maʼmuriy-hududiy boʻlinishi

Rodeziya markazlashgan hukumatga ega boʻlib, 7 ta provinsiya va maqomi jihatidan provinsiyaga tenglashtirilgan 2 ta shahardan iborat edi. Hukumat boshqaruvi har bir provinsiyadagi provinsiya poytaxtidan turib amalga oshirilgan.

Provinsiya	Poytaxti
Manicaland	Umtali
Shimoliy Mashonaland	Salisbury
Janubiy Mashonaland	Salisbury
Victoria	Fort Victoria
Shimoliy Matabeleland	Bulawayo
Janubiy Matabeleland	Bulawayo
Midlands	Gwelo

Aholisi

1969-yilda shaharlar aholisi^[1]
Shahar	Yevropaliklar	Tub aholi	Boshqa millatlar	Umumiy
Solsberi	96,420 (25.07%)	280,090 (72.84%)	8,020 (2.09%)	384,530
Bulavayo	50,090 (20.40%)	187,590 (76.38%)	7,910 (3.22%)	245,590
Mutare	8,340 (17.93%)	36,220 (77.88%)	1,950 (4.20%)	46,510
Gveru	8,390 (18.23%)	36,880 (80.12%)	760 (1.65%)	46,030
Kve kve	3,160 (9.62%)	29,250 (89.01%)	450 (1.37%)	32,860
Kadoma	1,880 (8.97%)	18,770 (89.55%)	310 (1.48%)	20,960
Xvange	2,160 (10.72%)	17,980 (89.28%)	----	20,140
Zvishavane	1,560 (9.87%)	14,170 (89.63%)	80 (0.51%)	15,810
Fort Viktoriya	2,530 (22.29%)	8,470 (74.63%)	350 (3.08%)	11,350

Aholi tarkibi (1969-yil 20-mart va 29-apreldagi aholini roʻyxatga olish holatiga koʻra)

Rasa	Kolichestvo, chel.	%
Tub aholi	4 846 930	95,05%
Yevropaliklar	228 296	4,48%
Osiyoliklar	8 965	0,18%^[2]

Yevropaliklar kelib chiqishi boʻyicha

Mamlakat	Soni, kishi.	%
Rodeziya	92 934	40,71%
JAR (asosan Janubi-Gʻarbiy Afrika)	49 585	21,83%
Buyuk Britaniya	52 468	22,98%
Afrikaning boshqa mamlakatlari (asosan Zambiya)	12 556	5,50%^[2]

Tili

Rodeziyada yashovchi yevropaliklarning asosiy qismi ingliz tilida, oz qismi afrikaans tilida, mamlakat tub aholisining 2/3 qismi shona tilida, qolganlari ndebele tilida soʻzlashadi^[3]. Mamlakatda istiqomat qiluvchi hindlar gujarat va hind tillarida soʻzlashadi.

Zimbabve Respublikasi (1980)

1980-yil 18-aprelda mamlakat Zimbabve Respublikasi nomi ostida Millatlar hamdoʻstligi tarkibidagi mustaqil davlatga aylandi. Uning poytaxti hisoblangan Solsberi shahri 2 yildan soʻng Xarere deb qayta nomlandi.

Manbalar

↑ Paxton J.. The Statesman's Year-Book 1971-72: The Businessman's Encyclopaedia of all nations. Springer, 2016. ISBN 9780230271005.
↑ ^2,0 ^2,1 Godwin P., & Hancock I. 'Rhodesians Never Dieʼ: The impact of war and political change on White Rhodesia, 1970—1980-yillar. Johannesburg: Pan Macmillan South Africa, 2013. 400-bet.
↑ „Ndebele“. Ethnologue. 2018-yil 25-iyulda asl nusxadan arxivlangan. Qaraldi: 2018-yil 5-yanvar.

Havolalar

„Rodeziyadan Zimbabvegacha yohud rivojlanayotgan davlatni 25 yil ichida qanday parokanda qilish mumkin (ruscha maqola)“. lenta.ru.

[1] Paxton J.. The Statesman's Year-Book 1971-72: The Businessman's Encyclopaedia of all nations. Springer, 2016. ISBN 9780230271005.

[RND-2] 2,0 ^2,1 Godwin P., & Hancock I. 'Rhodesians Never Dieʼ: The impact of war and political change on White Rhodesia, 1970—1980-yillar. Johannesburg: Pan Macmillan South Africa, 2013. 400-bet.

[3] „Ndebele“. Ethnologue. 2018-yil 25-iyulda asl nusxadan arxivlangan. Qaraldi: 2018-yil 5-yanvar.

[1]

[2]

[3]