Vyacheslav Ponomaryov

Vyacheslav Ponomaryov
Shaxsiy maʼlumot
Toʻliq ismi	Vyacheslav Sergeyevich Ponomaryov
Tavallud sanasi	2-yanvar 1978-yil (46 yosh)
Tavallud joyi	Namangan, Oʻzbekiston SSR, SSSR
Boʻyi	183 cm (6 ft 0 in)
Ampluasi	Yarim himoyachi
Klub maʼlumoti
Joriy klub	Faoliyatini yakunlagan
Yoshligida aʼzo boʻlgan klublar
	Navbaxor
Professional faoliyati*
Yillar	Jamoa
1996—1998	Navbaxor
1998—2000	Doʻstlik
2001	Paxtakor
2002	Меtallurg Bekobod
2003	Qizilqum
2004—2007	Paxtakor
2007—2008	Bunyodkor
2009—2013	Shoʻrtan
2013—2014	Neftchi (Fargʻona)
2015	Buxoro
Milliy terma jamoa
2000	Oʻzbekiston
	*Professional klublardagi gollari (ichki chempionat)

Vyacheslav Sergeyevich Ponomaryov (ruscha: Пономарёв, Вячеслав Сергеевич; 1978-yil 2-yanvar, Namangan) – oʻzbek futbolchisi, yarimhimoyachi pozitsiyasida oʻynagan^[1].

Faoliyati

Vyacheslav Ponomaryov Namanganning "Navbahor" jamoasi tarbiyalanuvchisi hisoblanadi. Ponomaryov professional faoliyatini 1996-yilda mazkur klub tarkibida boshlagan. Ponomaryov bir yarim mavsum "Navbahor" safida toʻp surgan va shu vaqt ichida faqat yettita uchrashuvda maydonga tushib, bitta gol urgan. 1998-yil oʻrtalarida Toshkent viloyatining "Doʻstlik" jamoasiga tarkibiga oʻtgan va 2000-yilning oxirigacha shu klubda toʻp surgan. Bu vaqt ichida futbolchi "Doʻstlik" safida 55 ta oʻyinda maydonga tushib, 3 ta gol urishga erishgan.

2001-yil boshida Vyacheslav Ponomaryov Toshkentning "Paxtakor" klubi bilan shartnoma imzolagan va bir mavsumda "Paxtakor" safida 18 ta oʻyinda maydonga tushib, 2 ta gol urgan. 2002-yil boshida Bekobodning "Metallurg" klubiga oʻtgan. Ushbu jamoa libosi ostida bir mavsumda 29 ta oʻyin oʻtkazib, 8 ta gol urgan. 2003-yil boshida Ponomaryov Zarafshonning "Qizilqum" jamoasi bilan shartnoma imzolagan va bir mavsumda 26 ta oʻyinda maydonga tushib, 7 ta gol urishga erishgan.

2004-yilda yana „Paxtakor“ bilan shartnoma imzolagan va "Paxtakor" safida uch yarim mavsum oʻynagan. Bu vaqt ichida u 86 ta uchrashuvda maydonga tushgan va raqib darvozasiga 10 ta gol kiritgan. 2007-yil oʻrtalarida Toshkentning boshqa bir klubi "Bunyodkor"ga oʻtib, bu jamoada bir yarim mavsum toʻp surgan. Jamoa safida 18 ta uchrashuv oʻtkazgan, biroq birorta ham gol ura olmagan.

2009-yil boshida Gʻuzorning „Shoʻrtan“ jamoasi bilan shartnoma imzolab, toʻrt yarim mavsum davomida "Shoʻrtan" safida 84 ta oʻyinda maydonga tushgan va 1 ta gol urgan. 2013-yilning ikkinchi yarmidan 2014-yilning oxirigacha Fargʻonaning "Neftchi" jamoasi sharafini himoya qilgan va jamoa safida 29 ta oʻyinda maydonga tushgan. 2015-yil boshidan „Buxoro“ jamoasi futbolchisi^[2].

Milliy terma jamoadagi faoliyati

Vyacheslav Ponomaryov Oʻzbekiston milliy terma jamoasidagi ilk va soʻngi oʻyinini 2000-yil 29-fevralda Moʻgʻuliston terma jamoasiga qarshi oʻrtoqlik uchrashuvida oʻtkazgan^[3]. U 2010-yilda terma jamoaga chaqirilgan, biroq 2010-yilgi Jahon chempionati saralashida Livanga qarshi oʻyinda maydonga tushmagan.^[4]

Yutuqlari

"Navbahor"tarkibida

Oʻzbekiston chempioni: 1996-yil
Oʻzbekiston chempionati bronza medali sovrindori: 1997-yil

"Doʻstlik" safida

Oʻzbekiston chempioni: 1999, 2000-yillar
Oʻzbekiston kubogi sohibi: 2000-yil

"Paxtakor" klubida

Oʻzbekiston chempioni: 2004, 2005, 2006-yillar
Oʻzbekiston chempionati kumush medali sovrindori: 2001-yil
Oʻzbekiston kubogi sohibi: 2004, 2005, 2006-yillar

"Bunyodkor" jamoasi bilan

Oʻzbekiston chempioni: 2008-yil
Oʻzbekiston chempionati kumush medali sovrindori: 2007-yil
Oʻzbekiston kubogi sohibi: 2008-yil
Oʻzbekiston kubogi finalchisi: 2007-yil

"Shoʻrtan"safida

Oʻzbekiston kubogi finalchisi: 2010-yil

Manbalar

↑ „"Навбаҳор", "Пахтакор" собиқ футболчиси Вячеслав Понамарёв ҳозир қаерда?“ (2024-yil 20-iyul).
↑ „Олий лига-2015. 41 ёшли Бугало ва қолган фахрий футболчилар“ (28 ноя 2015).
↑ „Uzbekistan International Matches - Details 2000-2009“. RSSSF. 2012-yil 15-oktyabrda asl nusxadan arxivlangan. Qaraldi: 21-oktabr 2008-yil.
↑ „Uzbekistan seek Beirut redemption“. FIFA (29-yanvar 2008-yil). 30-yanvar 2008-yilda asl nusxadan arxivlangan. Qaraldi: 21-oktabr 2008-yil.

Havolalar

Vyacheslav Ponomaryov at National-Football-Teams.com
Vyacheslav Ponomaryov Soccerway saytida

[1] „"Навбаҳор", "Пахтакор" собиқ футболчиси Вячеслав Понамарёв ҳозир қаерда?“ (2024-yil 20-iyul).

[2] „Олий лига-2015. 41 ёшли Бугало ва қолган фахрий футболчилар“ (28 ноя 2015).

[3] „Uzbekistan International Matches - Details 2000-2009“. RSSSF. 2012-yil 15-oktyabrda asl nusxadan arxivlangan. Qaraldi: 21-oktabr 2008-yil.

[4] „Uzbekistan seek Beirut redemption“. FIFA (29-yanvar 2008-yil). 30-yanvar 2008-yilda asl nusxadan arxivlangan. Qaraldi: 21-oktabr 2008-yil.

[1]

[2]

[3]

[4]