దంతపురి
చారిత్రక నేపద్యము
దంతపురి అనే గ్రామం శ్రీకాకుళం జిల్లాలో ఆమదాలవలస నుండి హిరమండలం వెళ్ళే మార్గములో కలదు. ఇది ఆమదాలవలస పట్టణానికి 10 కి.మీ మరియు శ్రీకాకుళం పట్టణానికి 22 కి.మీ దూరంలో కలదు. ఈ ప్రాంతములో పురాతన బౌద్ధ స్థూపములు కలవు. ఈ ప్రాంతములో బౌద్ధ మతస్థులు నివసించేవారని ప్రతీతి. ఇది ముఖ్యమైన పురాతన భౌద్ధ ప్రదేశం. ఇది బుద్ధ జ్ఞాన దంతపురి గా పిలువబడుతుంది. పురాతత్వ పరిశోధకులు ఇచట కొన్ని ఇటుకలు,కుండలు,టెర్రాకోటా పాత్రలు,గాజులు మరియు రాతి,ఇనుప వస్తువులను కనుగొన్నారు. క్రీ.ఫూ 261 కళింగయుద్ధం తర్వాత ఈ పప్రాంతం భౌద్ధ ప్రదేశంగా ప్రశిద్ధి చెందింది. ఈ ప్రాంతాన్ని కళింగ రాజులు తమ మత రాజధానిగా భావించేవారు. బుద్ధుని నిర్యాణం తర్వాత అతని జ్ఞానదంతం అర్హఖేరుతేరుడు ద్వారా కళింగ రాజైన బ్రహ్మ దత్తకు అందజేయబడినది. బ్రహ్మదత్తుడు ఈ దంతమును భూస్థాపితం చేసి దానిపై ఒక స్థూపమును నిర్మించినాడని ప్రతీతి. ఈ ప్రాంతంలో బుద్దుని జ్ఞానదంతం ఉన్నందున ఈ ప్రాంతము దంపపురి గా పిలువబడుతుంది.