Daang Maharlika

Pan-Philippine Highway
; ; Pan-Philippine Highway
Maharlika Highway; Asian Highway 26
	Palatandaang pang-katiyakan para sa AH26 sa bahaging Lungsod Quezon ng EDSA.
Impormasyon sa ruta
Haba	3,517 km (2,185 mi)
Pangunahing daanan
Dulo sa hilaga	Laoag, Ilocos Norte
Dulo sa timog	Lungsod ng Zamboanga
Sistema ng mga daan
	Mga daanan sa Pilipinas Mga lansangan; Mga mabilisang daanan Talaan; ;

Ang Pan-Philippine Highway, na kilala rin bilang Maharlika Highway (AH26 AH26) ay isang pinag-ugnay na kalsada, tulay at mga serbisyo ng barko na umaabot sa 3,517 km (2,185 mi) ang haba na kumokonekta sa mga pulo ng Luzon, Samar, Leyte, at Mindanao sa Pilipinas, na sumeserbisyo sa pangunahing gulugod ng transportasyon.

Sa lungsod ng Laoag sa Ilocos Norte ang hilagang dulo ng daanan at sa Lungsod ng Zamboanga ang timog na dulo.

Kasaysayan

Iprinisinta ang daanan noong 1965 at itinayo sa panunungkulan ni Pangulong Ferdinand Marcos Ang mga tagaplano mula sa pamahalaan ay naniniwala na ang daanan ay magpapasigla sa agrikultural na produksiyon at magpapababa sa gastos sa transportasyon, mag-aanyaya sa panlipunan at pang-ekonomiya na pagbabago sa labas ng pangunahing sentrong urban, at magpapalawak ng industriyal na produksiyon para sa domestiko at dayuhang pamilihan. Sinusuportahan ito ng pautang para sa pamahalaan at tulong mula sa institusyong dayuhan, tulad na lamang ng Pandaidigang Bangko. Nang matapos ang proyektong ito, sinasabing isa ito sa mga pangunahing naabot ng bansa sa sektor ng transportasyon.

Inayos muli ang daanan at pinaunlad noong 1997 mula sa tulong ng pamahalaan ng Hapon, at matapos ang proyektong ito, tinawag rin itong Philippine-Japan Friendship Highway. Noong 1998, nagdesigna ang Kagawaran ng Turismo ng 35 seksiyon sa daanan bilang "Scenic Highways" na may pinaunlad na amenidad para sa mga manlalakbay at mga turista.

Ang bahagi ng Pan-Philippine Highway sa loob ng Kamaynilaan sa hinaharap ay ang Skyway Stage 3 mula Balintawak, Lungsod Quezon hanggang Buendia, Lungsod ng Makati, kasama na ang bahaging ng Skyway Stage 1 na naroroon na (mula Abenida Gil Puyat hanggang Magallanes). Magsisilbi rin itong alternatibong ruta sa mga motorista upang maiwasan ang EDSA, mula North Luzon Expressway hanggang South Luzon Expressway at gayundin naman South Luzon Expressway hanggang North Luzon Expressway.

Ruta

Pangunahing ruta

Abenida Hen. Segundo sa Laoag, ang hilagang dulo ng AH26

Ang Tulay ng San Juanico ay nagdadala ng AH26 sa pagitan ng Samar at Leyte.

Abenida Heneral Segundo, Laoag
Bacarra - Tuguegarao
Daang Lambak ng Cagayan: Cagayan - Isabela - Nueva Vizcaya - Nueva Ecija - Bulacan
Daang Doña Remedios Trinidad: Baliwag - Pulilan - Guiguinto
NLEx: Santa Rita, Guiguinto - Balintawak, Lungsod Quezon
EDSA (silangang ruta) sa Balintawak - Magallanes, Makati
SLEx: Magallanes, Makati - Turbina, Calamba
Manila South Road: Turbina, Calamba - Santo Tomas - Alaminos - San Pablo - Tiaong - Lucena - Daet - Naga - Legazpi - Lungsod ng Sorsogon - Matnog
Ferry mula Matnog patungong Hilagang Samar
Allen - Catbalogan - Tacloban - Liloan
Ferry mula Katimugang Leyte patungong Lungsod ng Surigao
Surigao - Butuan - Bayugan - Tagum - Lungsod ng Dabaw - Digos - Davao del Sur - Heneral Santos - Koronadal - Tacurong - Sultan Kudarat - Pagadian - Ipil - Lungsod ng Zamboanga

Alternatibong ruta

Balintawak, Lungsod Quezon - Monumento (Caloocan) - Navotas - Ermita, Maynila - Pasay - Magallanes, Makati

Asian Highway Network

Itinakda ang Pan-Philippine Highway bilang AH26 AH26 sa Asian Highway Network, isang proyektong kooperatiba na naglalayon ng pagbabago sa sistema at istandard ng mga daanan sa kontinente ng Asya. Ito ang kasalukuyang daanan sa ugnay na hindi nakakonekta sa ibang mga daanan sa ugnayan — nakakonekta ang mga seksiyon ng Asian Highway Network sa Hapon (AH1 AH1), Sri Lanka (AH43 AH43) at Indonesia (AH2 AH2) sa kontinente sa pamamagitan ng barko papuntang Timog Korea (AH1 AH1), India (Dhanushkodi), at Singapore.