Conclave: Diferenzas entre revisións

Corresponde igualmente ao Camarlengo comunicar a noticia do falecemento do Papa ao [[Cardeal Vicario para a Urbe]], para que o notifique ao pobo de Roma, así como ao Cardeal Arcipreste da Basílica Vaticana. O mesmo Camarlengo ou o [[Prefecto da Casa Pontificia]] deben tamén anunciar a noticia ao [[Decano do Colexio Cardinalicio]]. Este é o responsable de facer chegar a noticia a tódolos cardeais do mundo, convocándoos a Roma. Tamén é tarefa súa notificalo ao Corpo Diplomático acreditado ante a Santa Sé. Ata a súa elección como Papa no [[Conclave 2005|Conclave de 2005]] era Decano do Colexio Cardinalicio o alemán [[Joseph Ratzinger]], actual [[Benedito XVI]].

 

 

Se o falecemento (ou abdicación) do Papa se produce mentres se está celebrando un Sínodo de Bispos ou ata un Concilio Ecuménico, estes quedan automaticamente suspendidos e non poden continuar por ningunha razón, aínda que sexa gravísima, e moito menos proceder por si mesmos á elección de novo Papa. É sempre necesario convocar ao Colexio de Cardeais.