María Casares: Diferenzas entre revisións

María Casares naceu na Coruña en 1922, filla do político e avogado [[Santiago Casares Quiroga]] (1884-1950) e de Gloria Pérez, finada en [[París]] en 1945. Non foi unha filla desexada e anos máis tarde dixo ironicamente: "Cando meus pais me collían, era inadvertidamente ou por erro".<ref name=Casares>{{Cita web |url=http://encinematheque.net/acteurs/f28/index.asp |título=Maria CASARES, biographie et filmographie illustrées |data-acceso=26 de maio de 2016 |urlarquivo=https://web.archive.org/web/20100328140606/http://encinematheque.net/acteurs/F28/index.asp |dataarquivo=28 de marzo de 2010 |urlmorta=si }}</ref> Tivo unha media irmá, Esther Casares, nada dun matrimonio anterior de seu pai e un irmán, Enrique, que adoptaron os seus pais durante a [[Guerra civil española|guerra civil]].

 

 

Durante a [[Segunda Guerra Mundial]] o seu pai marchou a [[Londres]] mentres ela e a súa nai partían ás [[Landas]], antes de volver a París, onde viviron nun piso na esquina das rúas Enfant-Jésus e Vaugirard. Con traballo, conseguiu entrar no Conservatorio de París en [[1941]]. O primeiro papel profesional foi en ''A Celestina''. En outubro do [[1943]] representou con grande éxito a obra de [[Georges Neveux]] ''A viaxe de Teseo''. O 19 de marzo do ano seguinte coñeceu a [[Albert Camus]] na casa de [[Michel Leiris]], e comezou unha relación sentimental con el durante os ensaios de ''O malentendido'', onde interpretaba a Martha. O escritor, que puxo a María en contacto coa Resistencia e os exiliados españois, foi para a actriz "pai, irmán, amigo, amante e ás veces fillo". A guerra e [[Francine Faure]], esposa de Camus, separounos e romperon a relación ao final da guerra. Porén, atopáronse por casualidade en 1948 e mantiveron unha apaixonada relación en segredo que rematou coa morte accidental do escritor en 1960. María Casares protagonizou ademais ''Estado de sitio'' e ''Os xustos'', de Camus, e representou obras de [[Jean-Paul Sartre|Sartre]], [[Jean Anouilh]], [[Jean Cocteau]], [[Genet]] e [[Paul Claudel|Claudel]], converténdoa en musa do [[existencialismo]] francés. En 1949 entra na [[Comédie Française]] e cinco anos máis tarde no Teatro Nacional Popular (TNP), compañía pública cunha forte preocupación social. Participou na creación e potenciamento do [[festival de teatro de Avignon]]. María Casares interpretou a Lady Macbeth, [[María I de Inglaterra|María Tudor]], [[Ana Petrova]] etc. en obras de [[Shakespeare]], [[Victor Hugo]], [[Chekhov]], [[Henrik Ibsen|Ibsen]] e [[Eurípides]], entre moitos outros.