O que arde
O que arde é un filme dramático galego de 2019 dirixido por Óliver Laxe e coescrito por Laxe e Santiago Fillol.[5] Está ambientado na Galicia rural e aborda a problemática da desaparición do rural[6] e dos lumes forestais.[7] O elenco está composto por actores non profesionais[6] da zona da serra dos Ancares, e está protagonizado por Amador Arias no papel de Amador Coro, un pirómano que sae do cárcere logo de ser condenado como o responsable dun incendio, e Benedicta Sánchez no papel de Benedicta, a súa nai.
O que arde | |
---|---|
Logo do filme. | |
Ficha técnica | |
Título orixinal | O que arde |
Director | Óliver Laxe |
Produtor | Andrea Vázquez Xavi Font Andrea Queralt Mani Mortazavi |
Guión | Santiago Fillol Óliver Laxe |
Intérpretes | Amador Arias Benedicta Sánchez |
Música | Xavier Font |
Fotografía | Mauro Herce[1] |
Montaxe | Cristóbal Fernández |
Estudio | Miramemira Kowalski Films 4 a 4 Productions Tarantula Luxembourg |
Distribuidora | NUMAX Distribución (España) Pyramide Films (Francia) |
Estrea | Cannes: 21 de maio de 2019[2] |
Duración | 85 minutos |
Orixe | |
Xénero | Drama documental |
Recadación | 712 470 $ (total internacional)[3] 594 708 €[4] (en España) 105 215 $ (Francia)[3] |
Na rede | |
Estreouse na sección "Un Certain Regard" do Festival Internacional de Cinema de Cannes de 2019,[8] onde gañou o premio do Xurado,[9] sendo a terceira vez que un filme de Laxe participa no concurso do certame francés e a primeira que un filme en galego é proxectado na sección oficial.[10] É o filme en galego con maior recadación e o máis visto da historia,[11] con máis de 104.000 espectadores nos cinemas logo da súa estrea, e máis de 565.214,33 € recadados,[4] superando a Sempre Xonxa de Chano Piñeiro (1989).[12]
Sinopse
editar"Trailer O QUE ARDE (Oliver Laxe, 2019)". YouTube. NUMAX. |
A historia desenvólvese nos Ancares lucenses e conta a historia de Amador Coro (interpretado por Amador Arias), un veciño pirómano que sae do cárcere e regresa á súa casa, coa súa nai Benedicta (intepretada por Benedicta Sánchez), a súa cadela Luna e as súas vacas. As súas vidas transcorren con normalidade no medio da natureza da súa aldea até que un día un lume arrasa a rexión.
Personaxes
editar- Amador Arias como Amador Coro
- Benedicta Sánchez como Benedicta
- Elena Mar Fernández como Elena, a veterinaria
- Inazio Abrao como Inazio
- Iván Yáñez
- David de Poso
- Álvaro de Bazal
Produción
editarEn maio de 2017, logo de que Óliver Laxe recibise o Premio da Semana da Crítica de Cannes por Mimosas, deuse a coñecer cal sería o seu seguinte proxecto cinematográfico.[6] O filme está motivado polos moitos incendios ocorridos durante varios anos en Galicia.[13] Nas primeiras fases do proxecto, o filme recibiu o título provisional de "Aquilo que arde".[14] A idea orixinal era a de crear un falso documental sobre os incendios,[6] mais o proxecto evolucionou a un filme de ficción. Trátase dunha coprodución entre Galicia, Francia e Luxemburgo,[15] onde os incendios e a piromanía teñen unha grande importancia para o argumento e os personaxes, mais segundo o propio director é en realidade un filme sobre a desaparición do rural, que moitas veces é acelerado polos lumes.[6] O equipo de produción do filme comezou a buscar actores non profesionais en Navia de Suarna e escolleron a Amador Arias, garda forestal de profesión, e a Benedicta Sánchez, unha muller de 83 anos no momento da rodaxe, como protagonistas.[6]
Rodaxe
editarO filme comezou a rodaxe en marzo de 2018, e entre as súas localizacións están varios lugares dos concellos lucenses de Cervantes e Navia de Suarna. O verán dese ano foi un dos que menos incendios sufriu na historia recente de Galicia,[16] en contraposición coa vaga de incendios forestais de 2017.
Para poder gravar preto do lume, o equipo de rodaxe tivo que recibir adestramento físico e teórico como bombeiros.[16] Acompañaron a bombeiros profesionais nos labores de extinción formando unha pequena unidade baixo a responsabilidade do xefe de brigada.[13] En ocasións, o equipo tivo que deixar de rodar para axudar a extinguir o lume. Todas as escenas dos incendios foron filmadas cunha cámara Super 16 e sen ningunha manipulación da imaxe, decidindo rodar moitas escenas durante a noite para salientar a "beleza" do incendio.[13]
Banda sonora
editarLaxe emprega o son e a música para amplificar a agonía da natureza, cunha combinación de música clásica que substitúe a banda sonora tradicional. Empréganse composicións de Antonio Vivaldi, como o "Cum dederit" de Nisi Dominus,[17] salmo 126, interpretada por Sara Mingardo, ou composicións de Georg Friedrich Händel.[18]
Estrea
editarO que arde tivo a súa estrea mundial na 72ª edición do Festival Internacional de Cinema de Cannes na sección oficial Un Certain Regard o 21 de maio de 2019,[19] onde gañou o premio do Xurado,[9] sendo a primeira vez que un filme en lingua galega é proxectado na sección oficial.[10] O filme estreouse nos cinemas de Francia en 54 salas de 21 cidades do país o 4 de setembro de 2019, baixo o título Viendra le Feu[20] e da man da distribuidora internacional Pyramide Films. Estreouse en versión orixinal en galego con subtítulos.[21]
En Galicia, tivo dúas preestreas. A primeira realizouse o 29 de setembro de 2019 na Praza da Vila de Navia, en Navia de Suarna.[22] A elección deste concello debeuse á orixe da familia do director, xa que a nai de Laxe é de Vilela,[16][Cómpre clarificar] da parroquia de Son, así como por ser lugar de rodaxe de parte do filme. A segunda preestrea fíxose o 1 de outubro de 2019 no Festival Curtocircuíto, no Teatro Principal de Santiago de Compostela.[23]
Estreouse en 19 cinemas de toda Galicia o 11 de outubro de 2019 a través de NUMAX Distribución, nas sete cidades galegas e nas vilas de Carballo, Monforte de Lemos, Vilagarcía de Arousa, Viveiro, A Rúa, Verín, As Pontes, A Estrada e Caldas de Reis,[24] así como no resto do estado noutras 30 salas en versión orixinal con substítulos en castelán e catalán.[25] É un dos filmes galegos con máis estreas en cinemas comerciais da historia.[24]
O 12 de outubro de 2019, O que arde estreouse no Festival de Cinema de Nova York dentro da sección oficial.[6] Laxe non puido asistir á presentación por mor da negativa dos Estados Unidos a concederlle a ESTA, a autorización electrónica para viaxar a este país,[26] por ter visitado Irán en 2016.
Acollida
editarNa primeira fin de semana logo da súa estrea en España, O que arde conseguiu máis de 11 000 espectadores en todo o estado,[27] e o 14 de outubro entrou no décimo posto dos dez filmes máis vistos ese día no estado.[28] Segundo a distribuidora do filme, NUMAX, foi a segunda mellor estrea dun filme independente da tempada. Na súa sexta semana nos cinemas, converteuse no filme en galego con maior recadación e o máis visto da historia, con máis de 104.000 espectadores nos cinemas logo da súa estrea, e máis de 565.214,33 € recadados,[11] superando a Sempre Xonxa de Chano Piñeiro que mantiña o récord dende 1989.
Resposta da crítica
editarO que arde recibiu a aclamación da crítica e na páxina web Rotten Tomatoes conta cun 92% de aprobación en base a 25 críticas.[29]
O crítico Thomas Baurez da revista francesa de cinema Première calificou o filme como "un filme incandescente e poderoso".[30] Nunha recensión para a revista de entretemento estadounidense The Hollywood Reporter, David Rooney chamouno "unha obra bela e melancólica, dunha sensibilidade penetrante".[31][32]
Galardóns e nomeamentos
editarO que arde estreouse en numerosos festivais e premios cinematográficos, salientando a súa participación no Festival de Cannes de 2019 na sección Un Certain Regard,[33] onde gañou o Premio do Xurado.[9] O filme competiu na 34ª edición do Festival Internacional de Cinema de Mar del Plata, o máis prestixioso festival de cinema de América Latina, onde gañou o Astor de Ouro ó mellor filme.[34] Nos Premios Gaudí de 2020, o filme foi recoñecido como mellor filme europeo, ademais de conseguir o premio de mellor dirección de fotografía para Mauro Herce.[35]
Na 34ª edición dos Premios Goya, O que arde estivo nomeado a catro categorías, incluído mellor filme, mellor director, mellor fotografía e mellor actriz revelación. Finalmente, gañou os premios de mellor fotografía para Mauro Herce e mellor actriz revelación para Benedicta Sánchez.[36] Sánchez tamén foi recoñecida pola Xunta de Galicia no ano 2019 coa medalla Castelao pola súa aparición no filme.[37]
Na 18ª edición dos Premios Mestre Mateo, foi nomeado en doce categorías, incluíndo mellor filme, mellor director, mellor actor, mellor actriz, mellor fotografía e mellor guión.[38] Finalmente, gañou 6 Premios Mestre Mateo, os de mellor filme, mellor director, mellor dirección artística, mellor montaxe, mellor son e mellor fotografía.[39].
En outubro de 2020, foi preseleccionado pola Academia de Cine Español como un dos candidatos, xunto con El hoyo e La trinchera infinita, a representar a España na 93ª edición dos Óscar.[40] O 3 de novembro, anunciouse que o candidato para os Óscar será La trinchera infinita.
Ano | Cerimonia | Categoría | Galardoado | Resultado |
---|---|---|---|---|
2019 | Festival de Cannes de 2019 | Premio do Xurado, sección "Un Certain Regard" | Óliver Laxe | Gañador[9] |
Premio "Un Certain Regard" | Óliver Laxe | Nomeado[9] | ||
Festival de San Sebastián de 2019 | Film Commission | Óliver Laxe | Gañador | |
Ourense Film Festival | Premio Galicia | Óliver Laxe | Gañador | |
Premio Especial do Xurado | Óliver Laxe | Gañador | ||
Chicago Film Festival | Mellor deseño de son | David Machado | Gañador[41] | |
Festival Internacional de Cinema de Tesalónica | Mellor filme. Premio Alexandre de Ouro | Óliver Laxe | Gañador[42] | |
Mellor actor | Amador Arias | Gañador[42] | ||
Festival Internacional de Cinema de Mar del Plata | Astor de Ouro ó mellor filme | Óliver Laxe | Gañador[43] | |
Mellor guión | Óliver Laxe e Santiago Fillol | Gañador[43] | ||
Auteur Film Festival de Belgrado | Mellor director | Óliver Laxe | Gañador[44] | |
Premio Vlada Petric | Secuencia máis cinematográfica | Gañador[44] | ||
Festival Internacional de Cinema de Hainan | Premio do Xurado, "Coco de Ouro" | Óliver Laxe | Gañador[45] | |
2020 | XXXIV edición dos Premios Goya | Mellor filme | Óliver Laxe | Nomeado[46] |
Mellor director | Óliver Laxe | Nomeado[46] | ||
Mellor actriz relevación | Benedicta Sánchez | Gañadora[36][46] | ||
Mellor dirección de fotografía | Mauro Herce | Gañador[36][46] | ||
Premios Gaudí de 2020 | Mellor filme europeo | Óliver Laxe | Gañador[35] | |
Mellor dirección de fotografía | Mauro Herce | Gañador[35] | ||
Premios RNE Sant Jordi de Cinematografía | Mellor filme español | Óliver Laxe | Gañador[47] | |
Premios Feroz de 2020 | Mellor drama | Óliver Laxe | Nomeado[48][49] | |
Mellor director | Óliver Laxe | Nomeado[48][49] | ||
Mellor guión | Óliver Laxe e Santiago Fillol | Nomeado[48][49] | ||
Mellor cartel | Aitor Errazquin e Carlos Hidalgo | Nomeado[48][49] | ||
Mellor tráiler | Marcos Flórez | Nomeado[48][49] | ||
Premios Forqué | Mellor filme | Óliver Laxe | Nomeado[50] | |
18ª edición dos Premios Mestre Mateo | Mellor filme | Óliver Laxe | Gañador[39] | |
Mellor director | Óliver Laxe | Gañador[39] | ||
Mellor actor | Amador Arias | Nomeado[39] | ||
Mellor actriz | Benedicta Sánchez | Nomeada[39] | ||
Mellor guión | Óliver Laxe e Santiago Fillol | Nomeados[39] | ||
Mellor dirección de produción | Koldo Zuazúa, Guadalupe Balaguer e Analía G. Alonso | Nomeados[39] | ||
Mellor dirección artística | Samuel Lema e Curru Garabal | Gañadores[39] | ||
Mellor montaxe | Cristóbal Fernández | Gañador[39] | ||
Mellor son | David Machado, Amanda Villavieja, Sergio Silva e Xavi Souto | Gañadores[39] | ||
Mellor fotografía | Mauro Herce | Gañador[39] | ||
Mellor maquixalle e peiteado | Nadia Acimi | Nomeada[39] | ||
Mellor vestiario | Nadia Acimi | Nomeada[39] |
Notas
editar- ↑ Fotogramas (ed.). "‘O que arde’, una magistral sinfonía visual sobre el individuo" (en castelán). Consultado o 30 de setembro de 2019.
- ↑ Loureda, Carlos (9 de maio de 2019). Fotogramas, ed. "The Screenings Guide 2019". Consultado o 9 de maio de 2019.
- ↑ 3,0 3,1 "Ficha en BoxOfficeMojo". boxofficemojo.com. Consultado o 9 de decembro de 2020.
- ↑ 4,0 4,1 Catálogo ICAA (ed.). "Ficha da ICAA de O que arde". Consultado o 23 de xaneiro de 2021.
- ↑ Redondo Neira, Fernando (xaneiro, febreiro, marzo 2021). ""O que arde" e outras traxectorias fílmicas do baleiro". Grial. Revista galega de cultura LIX (229): 146–151. ISSN 0017-4181.
- ↑ 6,0 6,1 6,2 6,3 6,4 6,5 6,6 S. Montes, Santiago (11 de outubro de 2019). Culturagalega.gal, ed. "Polo fume se sabe onde arde". Consultado o 14 de outubro de 2019.
- ↑ Salgado, Daniel (21 de maio de 2019). Sermos Galiza, ed. "Oliver Laxe estrea en Cannes a súa homenaxe ao rural galego". Arquivado dende o orixinal o 13 de setembro de 2019. Consultado o 21 de maio de 2019.
- ↑ Sermos Galiza, ed. (18 de abril de 2019). "“O Que Arde”, de Óliver Laxe, competirá na selección oficial de Cannes". Arquivado dende o orixinal o 18 de abril de 2019. Consultado o 21 de abril de 2019.
- ↑ 9,0 9,1 9,2 9,3 9,4 Lodge, Guy (24 de maio de 2019). Variety, ed. "Brazil’s ‘Invisible Life of Eurídice Gusmão’ Wins Cannes Un Certain Regard Award". Consultado o 24 de maio de 2019.
- ↑ 10,0 10,1 Mato, Mar (19 de abril de 2019). Faro de Vigo, ed. "Cannes proxectará por primeira vez un filme en galego: "O que arde", de Óliver Laxe". Consultado o 22 de abril de 2019.
- ↑ 11,0 11,1 elblogdecineespanol.com (ed.). "“O que arde”, de Óliver Laxe, es la película rodada en gallego más taquillera y más vista de la historia". Consultado o 19 de novembro de 2019.
- ↑ praza.gal, ed. (18 de novembro de 2019). "'O que arde' convértese no filme en galego máis visto en salas, superando a 'Sempre Xonxa'". Consultado o 20 de novembro de 2019.
- ↑ 13,0 13,1 13,2 Strauss, Frédéric (4 de setembro de 2019). "Oliver Laxe (“Viendra le feu”) : “Le cinéma est capable de faire comprendre la douleur des incendies”". Consultado o 14 de outubro de 2019.
- ↑ Culturagalega.gal, ed. (3 de xaneiro de 2019). "O 2018 desde o mirador (II).Iolanda Casal, Paula Cabaleiro e Marta Pérez Pereiro repasan a ciencia, a arte e o audiovisual do ano que remata". Consultado o 3 de outubro de 2019.
- ↑ IMDb (ed.). "O que arde en IMDb". Consultado o 19de outubro de 2019.
- ↑ 16,0 16,1 16,2 Salvà, Nando (21 de maio de 2019). "Oliver Laxe: "Hacer una película tiene que doler"". El Periódico. Consultado o 14 de outubro de 2019.
- ↑ Fernández, Igor (10 de outubro de 2019). revistamutaciones.com, ed. "O que arde. Una naturaleza que protege y demanda ser protegida" (en castelán). Consultado o 14 de outubro de 2019.
- ↑ ecartelera.com, ed. (11 de outubro de 2019). "'Lo que arde': Un canto ardiente al cine más esencial". Consultado o 14 de outubro de 2019.
- ↑ "The Screenings Guide 2019". 9 de maio de 2019. Consultado o 9 de maio de 2019.
- ↑ IMDb (ed.). "Release Dates O que arde". Consultado o 5 de setembro de 2019.
- ↑ Praza.gal, ed. (4 de setembro de 2019). "'O que arde' estréase en Francia en galego e no dobre de salas que en España". Consultado o 5 de setembro de 2019.
- ↑ "«O que arde» estréase o domingo en Navia de Suarna". La Voz de Galiacia. 28 de setembro de 2019. Consultado o 30 de setembro de 2019.
- ↑ curtocircuito.org, ed. (22 de agosto de 2019). "Curtocircuíto acollerá a preestrea de 'O que arde' de Oliver Laxe". Arquivado dende o orixinal o 14 de outubro de 2019. Consultado o 19 de outubro de 2019.
- ↑ 24,0 24,1 "'O que arde' estréase en 19 salas galegas". Sermos Galiza. 10 de outubro de 2019. Arquivado dende o orixinal o 11 de outubro de 2019. Consultado o 12 de outubro de 2019.
- ↑ llengua.gencat.cat (ed.). "'‘Dia de pluja a Nova York' i 'O que arde' s'estrenen en català aquest divendres". Consultado o 14 de outubro de 2019.
- ↑ "EUA denegou a Oliver Laxe autorización para estar en Nova York na presentación de 'O que arde'". Sermos Galiza. 5 de outubro de 2019. Arquivado dende o orixinal o 07 de outubro de 2019. Consultado o 14 de outubro de 2019.
- ↑ "11.000 espectadoras no Estado na primeira fin de semana de 'O que arde'". Sermos Galiza. 14 de outubro de 2019. Arquivado dende o orixinal o 15 de outubro de 2019. Consultado o 15 de outubro de 2019.
- ↑ @cSMoviesSpain (14 de outubro de 2019). "TOP 10 - 14 Octubre" (Chío) – vía Twitter.
- ↑ "Fire Will Come (2019)" (en inglés). Rotten Tomatoes. Consultado o 21 de novembro de 2019.
- ↑ Baurez, Thomas (21 de maio de 2019). Première, ed. "Cannes 2019 : Viendra le feu, un film espagnol incandescent [critique]" (en francés). Consultado o 14 de outubro de 2019.
- ↑ The Hollywood Reporter, ed. (22 de maio de 2019). "'Fire Will Come' ('O que arde'): Film Review. Cannes 2019" (en inglés). Consultado o 14 de outubro de 2019.
- ↑ Estévez, Brais (outubro, novembro, decembro, 2021). "Política d´"O que arde"". Grial LIX (232): 144–153. ISSN 0017-4181.
- ↑ The Guardian (ed.). "Cannes festival 2019: full list of films". Consultado o 18 de abril de 2019.
- ↑ The Hollywood Reporter (ed.). "Spain's 'Fire Will Come' Wins Mar del Plata Film Festival". Consultado o 18 de novembro de 2019.
- ↑ 35,0 35,1 35,2 Nós Diario, ed. (20 de xaneiro de 2020). "O cinema catalán premia ‘O que Arde’ como mellor filme europeo". Consultado o 20 de xaneiro de 2020.
- ↑ 36,0 36,1 36,2 "Benedicta Sánchez e Mauro Herce, Premios Goya por ‘O que arde’, de Oliver Laxe". Nós Diario. 26 de xaneiro de 2020. Consultado o 26 de xaneiro de 2020.
- ↑ "A corguesa Benedicta Sánchez, distinguida coa Medalla Castelao". El Progreso. 6 de xuño de 2019. Consultado o 30 de setembro de 2019.
- ↑ "'Hierro', 'Quen a ferro mata' e 'O que arde' lideran as candidaturas aos Mestre Mateo". Praza.gal. 10 de febreiro de 2020. Consultado o 11 de febreiro de 2020.
- ↑ 39,00 39,01 39,02 39,03 39,04 39,05 39,06 39,07 39,08 39,09 39,10 39,11 39,12 "‘O que arde’ vence nos Mestre Mateo con seis premios, entres eles Mellor Longametraxe e Mellor Dirección". Praza.gal. 8 de marzo de 2020. Consultado o 8 de marzo de 2020.
- ↑ "'O que arde', preseleccionada para representar o Estado español nos Oscar". nosdiario.gal. 06 de outubro de 2020. Consultado o 06 de outubro de 2020.
- ↑ "'O que arde', Premio ao Mellor Deseño de Son no Chicago Film Festival". Sermos Galiza. 26 de outubro de 2019. Arquivado dende o orixinal o 26 de outubro de 2019. Consultado o 28 de outubro de 2019.
- ↑ 42,0 42,1 filmfestival.gr, ed. (10 de novembro de 2019). "60th TIFF: The Awards". Consultado o 11 de novembro de 2019.
- ↑ 43,0 43,1 mardelplatafilmfest.com (ed.). "Golden Astor for Best Feature Film - «O que arde» by Oliver Laxe". Consultado o 18 de novembro de 2019.
- ↑ 44,0 44,1 "25. Festival Autorskog Filma" (PDF). faf.rs (en serbia). Arquivado dende o orixinal (PDF) o 09 de decembro de 2019. Consultado o 9 de decembro de 2019.
- ↑ "'O que arde', premiado de novo, esta vez na China". Sermos Galiza. 8 de decembro de 2019. Arquivado dende o orixinal o 08 de decembro de 2019. Consultado o 9 de decembro de 2019.
- ↑ 46,0 46,1 46,2 46,3 "Nomeamentos ós Goya". www.premiosgoya.com. Consultado o 9 de decembro de 2019.
- ↑ La Vanguardia, ed. (21 de xaneiro de 2020). "‘Lo que arde’, mejor película española en los Premios Sant Jordi de Cine" (en castelán). Consultado o 22 de xaneiro de 2020.
- ↑ 48,0 48,1 48,2 48,3 48,4 "Nomeados dos Premios Feroz de 2020". informadoresdecine.es (en castelán). 29 de novembro de 2019. Consultado o 9 de decembro de 2019.
- ↑ 49,0 49,1 49,2 49,3 49,4 Fotogramas, ed. (29 de novembro de 2019). "Así quedan las nominaciones a los Premios Feroz. 'Dolor y gloria' y 'Vida Perfecta', la película y la serie más nominadas" (en castelán). Consultado o 9 de decembro de 2019.
- ↑ "Finalistas dos Premios Forqué 2020" (en castelán). Consultado o 9 de decembro de 2019.
Véxase tamén
editarOutros artigos
editar- Lista de filmes en galego con maior recadación
- Lista de títulos con versión en galego nas plataformas de streaming
Bibliografía
editar- Anónimo, « L'éthique du feu selon Olivier Laxe », Courrier international 1504, Courrier international S.A., París, 29 de agosto de 2019, páxina 43, 1154-516X
Ligazóns externas
editar- Páxina oficial
- O que arde na IMDb (en inglés).
- Ficha en AllMovie (en inglés)
- Ficha en BoxOfficeMojo (en inglés)
- Ficha en MetraCritic (en inglés)
- Ficha en RottenTomatoes (en inglés)