Provincias Unidas do Río da Prata
Provincias Unidas do Río da Prata (en castelán Provincias Unidas del Río de la Plata) foi o nome utilizado polo Primeiro Triunvirato, constituído o 22 de novembro de 1811 para designar ao estado xurdido a partir da Revolución de Maio de 1810 en Buenos Aires, que suplantou ao vicerreinado do Río da Prata.
Provincias Unidas de Sud América (es) | |||||
Himno | Himno nacional da Arxentina | ||||
---|---|---|---|---|---|
Nomeado en referencia a | Río da Prata | ||||
Localización | |||||
| |||||
Capital | Buenos Aires | ||||
Poboación | |||||
Lingua oficial | lingua castelá | ||||
Relixión | catolicismo | ||||
Datos históricos | |||||
Precedido por | |||||
Creación | 1810 | ||||
Disolución | 1831 | ||||
Sucedido por | Arxentina, Uruguai, Alto Peru (pt) | ||||
Evento clave
| |||||
Moeda | real argentino (pt) | ||||
Este estado gobernouse inicialmente por autoridades provisionais en nome dos dereitos do rei Fernando VII de España, pero o 9 de xullo de 1816 proclamou a súa independencia absoluta de España e dos seus reis.
O nome apareceu por primeira vez no Estatuto Provisional del Gobierno Superior de las Provincias Unidas del Río de la Plata a nombre del Señor Don Fernando VII.
Aínda que este goberno reclamaba a xurisdición sobre todo o territorio do vicerreinado, non puido controlar a intendencia de Paraguai, que derivou na creación da República de Paraguai, e perdeu o control do Alto Perú despois da batalla de Huaqui en 1811, tras a cal a recuperación parcial do territorio variou segundo os vaivéns das incursións dos seus exércitos durante a guerra da independencia arxentina até que finalizaron en 1817; o Alto Perú trasformouse en Bolivia en 1825.
A guerra contra os luso-brasileiros e os conflitos con José Artigas deron lugar á perda do control sobre a Banda Oriental, que finalizou coa creación do estado independente do Uruguai en 1828.
Tras superar períodos de anarquía e guerras civís, as 13 provincias que aínda integraban a unión entre 1831 e 1832 agrupáronse no que se denominou Confederación Argentina, caendo en desuso a denominación Provincias Unidas do Río da Prata.
Porén, conforme ao artigo 35 da Constitución arxentina, o nome de Provincias Unidas do Río da Prata (Provincias Unidas del Río de la Plata) é un dos oficiais do estado nacional, xunto co de República arxentina (República Argentina) e o de Confederación arxentina (Confederación Argentina).
Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |