Aleksandr Kerenskii
Aleksandr Fedorovich Kerenskii (en ruso: Александр Фёдорович Керенский), nado en Simbirsk o 22 de abril de 1881 (2 de maio segundo o calendario gregoriano) e finado en Nova York o 11 de xuño de 1970,[1][2] foi un político socialdemócrata, avogado e un líder revolucionario ruso, que desempeñou un papel primordial no derrocamento do réxime tsarista en Rusia. Foi o segundo primeiro ministro do goberno provisional instaurado trala Revolución de Febreiro. Foi quen de facer fracasar o golpe de Kornilov, pero non puido evitar a Revolución de Outubro na que os bolxeviques tomaron o poder.
Nome orixinal | (ru) Александръ Ѳедоровичъ Керенскій |
---|---|
Biografía | |
Nacemento | 22 de abril de 1881 (Xuliano) Ulianovsk, Rusia |
Morte | 11 de xuño de 1970 Nova York, Estados Unidos de América |
Lugar de sepultura | Putney Vale Cemetery (pt) |
21 de xullo de 1917 – 7 de novembro de 1917 ← Georgy Lvov – Lenin → | |
Member of the State Duma of the Russian Empire (en) | |
Membro da Asemblea Constituínte Rusa | |
| |
Datos persoais | |
País de nacionalidade | República Russa (pt) Imperio Ruso |
Relixión | Cristianismo ortodoxo |
Educación | Facultade de Dereito da Universidade Estatal de San Petersburgo |
Actividade | |
Lugar de traballo | San Petersburgo |
Ocupación | político , avogado , revolucionario |
Empregador | Universidade Stanford |
Partido político | Partido Social-Revolucionario Partido Laborista (Rusia) |
Lingua | Lingua rusa e lingua inglesa |
Participou en | |
1964 | Radio Canada International (en) |
Familia | |
Cónxuxe | Lydia Tritton (1939–) Olga Kerensky (–1939) |
Fillos | Oleg Kerensky (pt) ( |
Pai | Fedor Kerensky (en) |
Mocidade
editarAleksandr Kerenskii nado en Simbirsk (agora Ulianovsk) preto do río Volga, na familia do director do colexio de secundaria, Fedor Kerenskii, cuxo pai foi un sacerdote da Igrexa ortodoxa rusa. A súa nai, Nadezhda Adler, foi filla do nobre, Alexander Adler.
O pai de Kerenskii foi o director de Vladimir Ulianov (Lenin) na escola secundaria para nenos de Simbirsk, e varios membros da familia de Kerenskii e Ulianov eran amigos. En 1889, cando Kerenskii tiña oito anos, a súa familia mudouse a Tashkent, onde o seu pai fora designado como inspector principal dos colexios públicos. Kerenskii graduouse con honores na escola secundaria de Tashkent en 1899. O mesmo ano ingresou na Universidade de St. Petersburgo, onde estudou historia e filoloxía no primeiro ano. Ó ano seguinte cambiou para o departamento de Leis e recibiu o graduado en 1904. Traballou como conselleiro legal das vítimas da violencia do goberno en 1905. A finais de decembro de 1905, foi encarcerado so sospeita de que pertencía a un grupo militante. Gañou reputación polo seu traballo como avogado defensor nos xuízos contra revolucionarios.
Foi elixido para a Cuarta Duma en 1912 como membro dos Trudoviks, un partido laborista moderado que estaba asociado ó Partido Social-Revolucionario. Foi un brillante orador chegando a ser o líder da oposición contra o réxime do tsar Nicolao II
Revolución de Outubro de 1917
editar- Véxase tamén: Levantamento Kerenskii-Krasnov e Revolución de Outubro.
Kerenskii distribuíra armas ós traballadores de Petrogrado, e en outubro moitos destes traballadores convertéranse en bolxeviques. Entre o 25 de outubroxul./ 7 de novembrogreg. e o 26 de outubroxul./ 8 de novembro de 1917greg. os bolxeviques lanzaron a segunda Revolución Rusa do ano. O goberno de Kerenskii en Petrogrado case non tiña apoios na cidade. Só un pequeno rexemento de mulleres, loitaban contra os bolxeviques para salvaren o goberno, pero estes tomaron o control sen daren nin un só disparo en menos de 20 horas.
Kerenskii escapou dos bolxeviques e marchou cara a Pskov, onde atopou algúns fieis para un intento de recuperar a capital. As tropas avanzaron ata Tsarskoie Selo, pero foron derrotadas ó día seguinte en Pulkovo. Kerenskii fuxiu e pasou os seguintes días escondido ata que conseguiu saír do país e chegar á Francia. Durante a guerra civil rusa non apoiou a ningún dos dous bandos, os bolxeviques e os Brancos.
Notas
editar- ↑ Diciopedia do século 21 2. 2006. p. 1.169.
Kerenski, Alexander Feódorovich Político ruso (1881-1970)
- ↑ DEGU 36. 2003. p. 24.
Kerenskij, Aleksandr F'odorovič (Simbirsk, actual Uljanovsk 1881 - Nova York 1970) Político...
Véxase tamén
editarWikimedia Commons ten máis contidos multimedia na categoría: Aleksandr Kerenskii |
A Galipedia ten un portal sobre: Rusia |
Predecesor: Georgii Lvov |
Presidente do Goberno Provisional 1917 (21 de xullo - 8 de novembro) |
Sucesor: Vladimir Lenin |