Nomes e voces

Nomes e voces, nomeado inicialmente As vítimas, os nomes, as voces e os lugares é un estudo que pretende recoller o número total de mortos e procesados en Galicia como consecuencia do Golpe de Estado do 18 de xullo de 1936, así como as circunstancias que rodearon a súa morte ou axuizamento. Da elaboración do informe encargouse unha comisión formada por membros das tres universidades galegas, coordinados polo historiador Lourenzo Fernández Prieto, a instancia da Consellería de Cultura.

Nomes e voces
Tipo	grupo de investicación
Área de operación	Galicia
Data de fundación	2006
Persoas relacionadas	Lourenzo Fernández Prieto, Emilio Grandío Seoane, Xosé Manoel Núñez Seixas, Julio Prada Rodríguez, María Jesús Souto Blanco, Dionisio Pereira e Chus Martínez
Premios	Premio Galiza Mártir
País	España
Na rede
http://www.nomesevoces.net/
[ editar datos en Wikidata ]

Cifras

Artigo principal: Vítimas da guerra civil en Galicia.

Segundo os datos do informe, como consecuencia do levantamento golpista morreron en Galicia 4.699 persoas, das cales 4619 foron homes e 80 mulleres. Outras 7.403^{[Cómpre referencia]} (7.124 homes e 274 mulleres) foron procesadas.

Fontes

O equipo empregou como fontes para a súa investigación as causas militares datadas entre os anos 1936 e 1939 das xurisdicións de Terra e da Armada da IV Rexión Militar (Ferrol), os rexistros civís de toda Galicia, xunto co de Zamora e Pasaia (Guipúscoa), así coma a bibliografía sobre a época. A maiores, realizaron 349 entrevistas en Galicia, Asturias, Barcelona, a Arxentina, Cuba e o Uruguai.

Recoñecementos

• Premio Galiza Mártir da Fundación Alexandre Bóveda en 2013.

Véxase tamén

Outros artigos

• Bou Eva
• Novo Emden
• O Barco da Memoria

Ligazóns externas

• Sitio web do proxecto
• Informe provisional Arquivado 18 de abril de 2018 en Wayback Machine., en xaneiro de 2012 de Nomes e Voces
• O franquismo non ten herdeiros, pero hai temor a remover o pasado, entrevista con Lourenzo Fernández Prieto, director do proxecto.