Cambre
Cambre é un concello da provincia da Coruña pertencente á comarca da Coruña. Segundo o padrón municipal (INE 2019) ten 24.648 habitantes (23.621 no 2010, 23.231 no 2009, 22.513 no 2007, 22.092 no 2006, 21.523 no 2005, 20.919 no 2004). O xentilicio é cambrés/-esa.[1]
Localización | |||||
---|---|---|---|---|---|
| |||||
Estado | España | ||||
Comunidade autónoma | Galicia | ||||
Provincia | Provincia da Coruña | ||||
Capital | Cambre | ||||
Poboación | |||||
Poboación | 24.739 (2023) | ||||
Xeografía | |||||
Parte de | |||||
Superficie | 41 km² | ||||
Altitude | 52 m | ||||
Comparte fronteira con | |||||
Organización política | |||||
• Alcaldesa | María Pan (2024–) | ||||
Eleccións municipais en Cambre | |||||
Identificador descritivo | |||||
Código postal | 15181, 15650, 15659, 15660, 15668, 15669 e 15679 | ||||
Fuso horario | |||||
Código INE | 15017 | ||||
Páxina web | cambre.org |
Xeografía
editarO concello ten unha superficie de 40,7 km², e abrangue 12 parroquias. Forma parte da rexión histórica das Mariñas dos Freires, caracterizada por unha sucesión de áreas achanzadas con vales moi suaves, sendo a altitude máxima de 130 m. Pertence á zona de influencia marítima, se ben a única parroquia con costa é O Temple. Está atravesado de leste a oeste polo río Mero, que alimenta o encoro de Cecebre.
O municipio ten clima oceánico húmido, con temperaturas son suaves e precipitacións altas. A humidade relativa do aire é elevada, cun índice superior ao 75 %. A vexetación é hidrófila, con bosques e fragas de carballos, piñeiros e eucaliptos.
Demografía
editarCenso total 2019 | 24.648 habitantes |
---|---|
Menores de 16 anos | 3 639 (14,76 %) |
Entre 16 e 64 anos | 16 755 (66,98 %) |
Maiores de 65 anos | 4 254 (17,26 %) |
Evolución da poboación de Cambre Fontes: INE e IGE. | ||||||||||||||||||
1900 | 1930 | 1950 | 1981 | 2004 | 2009 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 |
6.722 | 7.805 | 8.011 | 9.181 | 20.919 | 23.621 | 23.649 | 23.879 | 23.999 | 24.029 | 24.076 | 24.141 | 24.348 | 24.603 | 24.648 | 24.594 | |||
(Os criterios de rexistro censual variaron entre 1900 e 2004, e os datos do INE e do IGE poden non coincidir.) |
Historia
editarConsérvanse antas neolíticas nos límites co concello de Carral. Consérvase un petróglifo no castro de Sigrás. Tamén se conservan restos dos castros de Pravio, Armental, e Fraís, todos eles de tipoloxía clásica: construídos nun outeiro, cun poboado de casas circulares rodeado dun muro defensivo. Posiblemente o concello, actual vía de paso da ruta inglesa do camiño de Santiago, xa fose percorrido por unha antiga vía romana que unía A Coruña e Betanzos.
Cultura
editarTopónimo
editarO topónimo da vila que dá nome ao concello, Cambre, podería ser prerromano e terse orixinado antes do século III. O seu significado referiríase a unha poboación ligada a unha altura, unha fortificación ou a un límite entre territorios.[2][3][4]
Patrimonio
editarPatrimonio arquitectónico
editar- Vila romana de Cambre.
- Igrexa de Santa María de Cambre: monumento do século XII.
- Tramo do Camiño Inglés (Camiño de Santiago).
- Museo Arqueolóxico (cos restos da Vila romana de Cambre e o seu centro de interpretación).
- Villa Florentina, actual casa museo de Wenceslao Fernández Flórez, situada en San Salvador de Cecebre e dirixida pola Fundación Wenceslao Fernández Flórez.
Patrimonio natural
editar- Contorno do río Mero.
- Encoro de Cecebre, que é unha zona especial de conservación (ZEC).
- Paisaxes que se estenden entre Cecebre e Bribes, que coas súas fragas inspiraron ó escritor, periodista e humorista coruñés Wenceslao Fernández Flórez a escribir a famosa novela El bosque animado (1943), que inspirou á súa vez a varias películas de título homónimo como a de José Luis Cuerda de 1987 (El bosque animado) e a de animación de Ángel de la Cruz e Manolo Gómez de 2001 (O bosque animado).
Política
editarEleccións municipais 2019
editarPartidos políticos | Diferenza de
escanos |
Escanos |
---|---|---|
Unión por Cambre | +3 | 8 |
PSdeG-PSOE | -1 | 4 |
PPdeG | -3 | 3 |
BNG | = | 2 |
Alternativa dos Veciños | novo | 2 |
EU-SON EN COMÚN | novo | 1 |
Cidadáns | = | 1 |
Xente de Cambre | novo | 0 |
Galería de imaxes
editar- Artigo principal: Galería de imaxes de Cambre.
-
Ponte da ría do Burgo.
-
Paseo marítimo.
-
Muller mariscadora,
obra de Xabier Correa Corredoira. -
O Paraugas, escultura ó lado da ponte do Burgo.
-
Igrexa de Santa María de Cambre,
fachada. -
Igrexa de Sa. Ma. de Cambre,
vista posterior. -
Igrexa de Sa. Ma. de Cambre,
tímpano da fachada. -
Placa altimétrica
na Casa do Concello.
Parroquias
editarLugares de Cambre
editarPara unha lista completa de todos os lugares do concello de Cambre vexa: Lugares de Cambre.
Notas
editar- ↑ Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 44. ISBN 978-84-8158-706-7.
- ↑ Moralejo, Abelardo (1977). Pico Sacro, ed. Toponimia gallega y leonesa. Biblioteca de Bolsillo - Pico Sacro, 14. Santiago de Compostela. ISBN 84-85170-20-2.
- ↑ Búa Carballo, J. C.; Lois Silva, S. (1994-1995). "Los topónimos gallegos en -bre de orígen prerromano". Beiträge zur namenforschung. Neue Folge (Heidelberg) (Band 29/30): 13–41.
- ↑ Sánchez Pardo, JC.; Andrade Cernadas, JM (Dirección) (2008). "Territorio y poblamiento en Galicia entre la antigüedad y la plena Edad Media (Tese)". Universidade de Santiago de Compostela: 1051.
Véxase tamén
editarWikimedia Commons ten máis contidos multimedia na categoría: Cambre |
Outros artigos
editarLigazóns externas
editar- Fondo de fotografía histórica. Fototeca do Concello de Cambre Arquivado 02 de xullo de 2011 en Wayback Machine.