Casa do Cabido
Coordenadas: 42°52′48″N 8°32′48″O / 42.8798683, -8.546649
A Casa do Cabido é un edificio situado na Praza de Praterías de Santiago de Compostela, construído no século XVIII e concibido para o embelecemento urbano con obxecto de adornar a praza.
Historia e características
editarProxectada polo arquitecto do barroco galego Clemente Fernández Sarela, data do ano 1758. Inicialmente foi sede do Cabido Catedralicio, é desde mediados do século XIX de propiedade particular. Os gremios medievais de prateiros deron nome á Praza das Praterías e á fachada sur e fronte á fonte das Praterías levantouse a Casa do Cabido, de estilo barroco, que con pouco máis de tres metros de fondo ten unha función soamente escenográfica, pechar un dos lados da bela praza a modo de pano de fondo, co seu típico estilo de placas do barroco galego.
Deste xeito a Casa do Cabido, fronte á Catedral, ten unha fachada de estrita orde compostelá do século XVIII, moi bo exemplo do estilo de placas propio do barroco pleno compostelán.
Na literatura e o cine
editarInspirou a Valle-Inclán o conto Mi hermana Antonia, do mesmo xeito que a Fonte dos Cabalos inspirou a Federico García Lorca o poema Danza da Lúa en Santiago. No ano 2005 rodouse nela o filme O lapis do carpinteiro.