Condado de Durham
O condado de Durham é un dos corenta e sete condados de Inglaterra, Reino Unido, con capital na homónima Durham. Situado na rexión Nordeste limita ó norte con Northumberland e Tyne e Wear, ó leste co mar do Norte, ó sur con Yorkshire Norte e ó oeste con Cumbria.[1]
Nomeado en referencia a | County Durham (en) | ||||
---|---|---|---|---|---|
Localización | |||||
| |||||
Estado | Reino Unido | ||||
País | Inglaterra | ||||
Rexións | Nordeste de Inglaterra | ||||
Capital | Durham | ||||
Contén a división administrativa | |||||
Poboación | |||||
Poboación | 855.900 (2015) | ||||
Xeografía | |||||
Superficie | 2.675,9026 km² | ||||
Comparte fronteira con | |||||
Código NUTS | UKC14 | ||||
É un condado de fortes contrastes: a zona interior está escasamente poboada mentres que o litoral está altamente urbanizado. Durante un tempo foi un dos principais puntos da industria mineira do carbón.[2]
A forma do nome do condado é única en toda Inglaterra. Moitos condados reciben o seu nome a partir da súa capital, polo que neste caso o nome tería que ser "Durhamshire". O motivo polo que se lle chama condado de Durham é que os Príncipes-Bispos de Durham exerceron o seu poder noutras rexións afastadas do condado polo que a parte interior recibiu o nome de condado de Durham en oposición ó resto do "estado de Durham".