Filippo Brunelleschi
Filippo Brunelleschi, nado no 1377 e finado o 15 de abril de 1446, foi un grande arquitecto florentino do Renacemento italiano.
Biografía | |
---|---|
Nacemento | (it) Filippo di Ser Brunellesco Lippi 1377 Florencia (República de Florencia) |
Morte | 15 de abril de 1446 (68/69 anos) Roma (República de Florencia) |
Lugar de sepultura | Santa María del Fiore, cambra darrera la catedral 43°46′23″N 11°15′22″L / 43.77303, 11.25606 |
Actividade | |
Campo de traballo | Arquitectura do Renacemento |
Lugar de traballo | Florencia Roma |
Ocupación | escultor , arquitecto , enxeñeiro , enxeñeiro civil , orfebre |
Movemento | Primeiro Renacemento e Renacemento italiano |
Alumnos | Michelozzo e Andrea Cavalcanti (pt) |
Lingua | Lingua italiana |
Obra | |
Obras destacables
| |
Familia | |
Parentes | Andrea Cavalcanti (pt) (fillastro) |
Traxectoria
editarParticipou no concurso que se realizou en 1401 para elixir a segunda porta de bronce do baptisterio de Florencia, realizando unha composición no relevo que demostraba unha preocupación polo fondo humano da obra representada. Negouse a colaborar con Lorenzo Ghiberti, os dous foran gañadores ex-aequo, na realización conxunta da porta e marchou cara Roma e co seu amigo Donatello entrou en contacto cos monumentos antigos que virou cara a arquitectura.
De volta a Florencia realizou a súa primeira grande obra, a cúpula da catedral de Florencia o que lle supuxo a resolución de complexos problemas técnicos e se converteu nun símbolo da primacía da cidade e o seu entronque histórico coa antiga Roma. No Hospicio florentino, obra de 1419, Brunelleschi domina xa as proporcións o que caracterizara a súa obra fronte a infinitude gótica. Na capella Pazzi acada un punto culminante no ritmo medido e contrastado dos elementos arquitectónicos resaltados en pedra gris sobre o muro branco. Brunelleschi foi o que estableceu os novos canóns clásicos de ritmos serenos, xeometría clara e simetría, nese novo canon vai ter unha importancia fundamental o seu descubrimento dos principios da perspectiva, isto é o modo de representar o espazo de tres dimensións sobre unha superficie plana dende un só punto de vista.
Na súa arquitectura Brunelleschi vai aplicar a perspectiva como método para analizar o espazo e estes principios seguiron a se utilizaren na arte occidental ata a chegada do cubismo.
Wikimedia Commons ten máis contidos multimedia na categoría: Filippo Brunelleschi |