George Calnan
George Charles Calnan, nado en Boston (Massachusetts) o 18 de xaneiro de 1900 e finado en Barnegat Light (Nova Jersey) o 4 de abril de 1933, foi un militar e tirador de esgrima norteamericano, gañador de tres medallas olímpicas.
Biografía | |
---|---|
Nacemento | 18 de xaneiro de 1900 South Boston, Estados Unidos de América (en) |
Morte | 4 de abril de 1933 Barnegat, Estados Unidos de América (pt) |
Datos persoais | |
País de nacionalidade | Estados Unidos de América |
Educación | Academia Naval dos Estados Unidos (pt) |
Altura | 183 cm |
Actividade | |
Ocupación | esgrimista , oficial , aviador |
Carreira militar | |
Rama militar | Armada dos Estados Unidos de América |
Deporte | esgrima |
Participou en | |
1932 | Xogos Olímpicos de 1932 |
1928 | Esgrima nos Jogos Olímpicos de Verão de 1928 - Espada individual masculino (pt) |
1924 | Xogos Olímpicos de 1924 |
1920 | Xogos Olímpicos de 1920 |
Traxectoria
editarMembro do equipo de esgrima da Mariña dos Estados Unidos de América, participou aos 20 anos nos Xogos Olímpicos de 1920 celebrados en Anveres (Bélxica), onde non logrou éxito na única proba que disputaba, a competición de florete individual. Nos Xogos Olímpicos de 1924 de París participou nas modalidades de espada e florete, novamente sen éxito.
Nos Xogos Olímpicos de 1928 de Ámsterdan (Países Baixos) conseguiu gañar a medalla de bronce na competición individual de espada e finalizou quinto en espada por equipos e de florete por equipos, quedando eliminado na proba individual de florete. Nos Xogos Olímpicos de 1932 realizados nos Ánxeles (Estados Unidos) foi o encargado de realizar o xuramento olímpico dos atletas na cerimonia inaugural dos Xogos e conseguiu gañar o bronce en florete e espada por equipos, a máis de rematar sétimo na proba individual de espada.
Morreu no accidente do dirixible USS Akron. Tiña o rango de tenente do exército.