Gilgamesh
Gilgamesh ou Gilgameš (ou Bilgameš nos textos máis antigos) foi o quinto rei sumerio da primeira dinastía de Uruk, segundo unha Lista de reis sumerios atopada en Shuruppak (o seu nome está escrito co determinativo dingir, que se lle daba aos deuses). A lista di que gobernou durante 126 anos e que seu pai foi un espírito. Podería corresponder a un rei histórico dos anos -2700, fillo suposto doutro rei chamado Lugalbanda. Sucedeuno o seu fillo Urnangal. A lenda di que construíu as murallas de Uruk e un templo dedicado a Ninlil en Nippur, e que se enfrontou con Mebaragesi de Kish. As súas xestas heroicas inspiraron o poema épico coñecido como a Epopea de Gilgamesh xurdido en Babilonia séculos despois, baseado en antigas lendas sumerias. A lenda agrandouse entre os acadios e a versión máis completa que se ten atopado son doce tabelas de arxila do rei asirio Assurbanipal (sobre o -650). As súas representacións na arte sumeria pasan por presentalo como un home musculado con barba e guedellas que sostén un león pequeno e unha honda, nos selos cerámicos aparece nu cunha corda na cintura, barbado e cunha tiara dun só par de cornos(os deuses aparecían con tiaras de tres pares de cornos)[1].
Biografía | |
---|---|
Nacemento | valor descoñecido Uruk |
Morte | valor descoñecido Uruk |
Actividade | |
Período de actividade | século XXVIII a. C. |
Familia | |
Fillos | Ur-Nungal (pt) |
Pais | Lugalbanda (pt) |
Véxase tamén
editarLigazóns externas
editarWikimedia Commons ten máis contidos multimedia na categoría: Gilgamesh |
- Texto orixinal en A tabela XI da epopea de Gilgamesh Arquivado 23 de agosto de 2009 en Wayback Machine.
- Textos sumerios: ETCSL Arquivado 29 de setembro de 2009 en Wayback Machine.
- The Electronic Text Corpus of Sumerian Literature en https://web.archive.org/web/20081210062657/http://www-etcsl.orient.ox.ac.uk/, Oxford 1998-.
Notas
editar- ↑ "Asirtios, sumerios y babilonios" diccionario de civilizaciones ed Akal