Gustave Aimard
Gustave Aimard, pseudónimo de Olivier Gloux nado en París o 13 de setembro de 1818 e finado o 20 de xuño de 1883, foi un novelista francés.
Biografía | |
---|---|
Nacemento | (fr) Olivier Aimard 13 de setembro de 1818 París, Francia |
Morte | 20 de xuño de 1883 París, Francia |
Datos persoais | |
País de nacionalidade | Francia |
Actividade | |
Campo de traballo | Actividade literaria |
Ocupación | novelista , escritor |
Xénero artístico | Romance de aventura (pt) |
Lingua | Lingua francesa |
Traxectoria
editarAbandonado ao nacer polos seus pais, de espírito rebelde non acepta á parella que o adopta e aos nove anos escapa da casa e marcha a América do Sur. En 1835 enrólase na mariña real, deserta en 1839 durante unha estadía en Chile, participa nas loitas contra o ditador arxentino Rosas, trasládase posteriormente a Estados Unidos, onde convive cos cheyenes.
De volta a Europa en 1847 viaxa por España, Turquía e o Cáucaso. Despois da Revolución de 1848 a súa deserción da Mariña Real quédalle perdoada e pode regresar a Francia. En 1852 volve a América, pero en 1854 regresa definitivamente a Francia e comeza a escribir a partir de 1856. As súas experiencias servíronlle para escribir numerosas novelas de oeste que se fixeron moi populares en Francia e os Estados Unidos, aínda que tamén é autor de novelas marítimas e patrióticas.
En 1879, apareceu asinado por Gustave Aimard e Jules Berlioz d’Auriac, Jim l’Indien, seguida de once novelas máis, estas novelas xa apareceran antes co nome só de Jules Berlioz d’Auriac, Aimard limítase a asinar as obras sen participar na súa creación. A situación complícase ao se descubrir que as obras de Jules Berlioz d’Auriac son plaxios de obras de escritores norteamericanos poucos coñecidos, en concreto Jim l’Indien é unha tradución da obra de Edward Stewart Ellis, Indian Jim. A Tale of the Minnesota Massacre.
As súas obras están cheas de repeticións, con diálogos pouco elaborados e temáticas e personaxes repetitivas, malia iso foron un paso importante no desenvolvemento da novela de aventuras en Europa.
Obras
editar- Les Trappeurs de l'Arkansas, 1858
- Le chercheur de pistes, 1858
- La fièvre de l'or, 1860
- Le Guaranis, 1864
- La guerre sainte en Alsace, 1871
- Par mer et par terre, 1879
- Les bandits de l'Arizona, 1882