Lee Ranaldo
Lee M. Ranaldo, nado on 3 de febreiro de 1956 en Glen Cove, Nova York, é un músico, escritor, produtor e artista visual estadounidense coñecido por ser vocalista, guitarrista, compositor e cofundador da banda de rock alternativo Sonic Youth. No ano 2004 a revista Rolling Stone elixiu a Ranaldo e ao seu compañeiro Thurston Moore o 33 e 34 mellores guitarristas de todos os tempos respectivamente.[1] No mes de maio de 2012 a revista Spin publicou unha lista dos 100 mellores guitarristas, e Ranaldo e Moore quedaron situados no número 1.[2]
(2013) | |
Biografía | |
---|---|
Nacemento | 3 de febreiro de 1956 Glen Cove, Estados Unidos de América (pt) |
Datos persoais | |
País de nacionalidade | Estados Unidos de América |
Educación | Universidade de Binghamton (pt) Oyster Bay High School (en) |
Actividade | |
Lugar de traballo | Nova York |
Ocupación | guitarrista , cantautor , músico , artista visual , director de fotografía , produtor musical , cantante , compositor , poeta , artista de instalacións |
Período de actividade | 1980 |
Membro de | |
Xénero artístico | Rock alternativo e indie rock |
Lingua | Lingua inglesa |
Instrumento | Guitarra, voz e instrumento musical electrónico |
Selo discográfico | Matador Records Drunken Fish Records (en) Neutral Records |
Familia | |
Cónxuxe | Leah Singer |
Páxina web | sonicyouth.com… |
Ranaldo ten tres fillos, Cody Linn Ranaldo, Sage Ranaldo e Frey Ranaldo, e está casado coa artista experimental Leah Singer, coa cal ten feito moitas performances en directo con música improvisada.
Biografía
editarRanaldo naceu en Glen Cove, Long Island, Nova York. Medrou escoitando discos dos Rolling Stones, The Kinks, Cream, Led Zeppelin, Talking Heads e Television, e graduouse na Binghamton University.
Mentres estaba na universidade tocou nunha banda experimental de punk rock chamada Fluks. En 1979 trasladouse a Brooklyn onde intentou revivir Fliks e onde se uniu a diversos proxectos como Rhys Chatham e Plus Instruments. A través de Chatham coñecería ao compositor Glenn Branca e uniuse á súa orquestra de guitarras eléctricas.[3] Un ano máis tarde Thurston Moore oganizou o Noise Festval na galería de arte White Columns e convidouno a formar parte do seu grupo, no que tamén estaba a súa moza Kim Gordon, nacendo así Sonic Youth. Ao pouco tempo uniríaselles o batería Richard Edson.
Ademais da súa actividade con Sonic Youth, Ranaldo vén sendo unha figura moi activa na escena musical de Nova York, gravando e colaborando con numerosos artistas, producindo discos, e publicando varios libros.[3]
Entre as gravacións en solitario de Ranaldo atópanse Dirty Windows, unha colección de textos falados con música; Amarillo Ramp (For Robert Smithson), pezas para guitarra; e Scriptures of the Golden Eternity. Escribiu tamén libros, moitos dos cales inclúen imaxes e fotografías da súa muller, como Bookstore, Road Movies e Jrnls80s.
Discografía en solitario
editarÁlbums
editarÁlbum | Ano | Selo | Notas |
---|---|---|---|
From Here to Infinity | 1987 | SST Records, Blast First | |
Scriptures of the Golden Eternity | 1993 | Father Yod, Drunken Fish Records | |
Dirty Windows | 1999 | Barooni | |
Amarillo Ramp (For Robert Smithson) | 2000 | Starlight Furniture Co. | |
Outside My Window The City Is Never Silent - A Bestiary | 2002 | Chocolate Monk, Hell's Half Halo | |
Music for Stage and Screen | 2004 | Les Disques Du Soleil Et De L'Acier | |
Ambient Loop for Vancouver | 2006 | Important Records | |
Maelstrom from Drift | 2008 | Three Lobed Recordings | |
Between the Times and the Tides | 2012 | Matador Records | |
Last Night on Earth | 2013 | Matador Records | con The Dust |
Acoustic Dust | 2014 | El Segell | con The Dust |
Electric Trim | 2017 | Mute Records |
EPs e sinxelos
editar- A Perfect Day EP (1992)
- Broken Circle / Spiral Hill EP (1994)
- Countless Centuries Fled Into The Distance Like So Many Storms EP (2008)
Recompilatorios
editar- East Jesus - 1995
Notas
editar- ↑ http://www.rollingstone.com/music/lists/100-greatest-guitarists-of-all-time-19691231/lee-ranaldo-19691231
- ↑ "SPIN's 100 Greatest Guitarists of All Time .". spin.com. Arquivado dende o orixinal o 30 de outubro de 2013. Consultado o 03 de febreiro de 2014.
- ↑ 3,0 3,1 Billboard (ed.). "Biografía en Billboard". Arquivado dende o orixinal o 30 de xuño de 2016. Consultado o 18 de febreiro de 2016.
Véxase tamén
editarLigazóns externas
editar Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |