Lulach de Escocia
Lulach mac Gille Coemgáin (en gaélico moderno: Lughlagh mac Gille Chomghain), alcumado Tairbith, "o Desafortunado"[1] e Fatuus, "o mente sinxela" ou "o Necio"),[2] nado en 1033, e finado o 17 de marzo de 1058, foi rei de Escocia entre o 15 de agosto de 1057 e o 17 de marzo de 1058.
Biografía | |
---|---|
Nacemento | 1030 Moray (pt) |
Morte | 17 de marzo de 1058 Aberdeenshire (pt) |
Lugar de sepultura | Iona |
Monarca de Escocia | |
15 de agosto de 1057 – 17 de marzo de 1058 | |
Datos persoais | |
País de nacionalidade | Reino de Escocia |
Actividade | |
Ocupación | político |
Familia | |
Familia | Casa de Moray |
Cónxuxe | Finnghuala (?) |
Fillos | Máel Snechtai of Moray (en) |
Pais | Gille Coemgáin de Moray |
Lulach era fillo de Gruoch de Escocia, do seu primeiro matrimonio con Gille Coemgáin, Mormaer de Moray, e polo tanto fillastro de Macbeth (Mac Bethad mac Findlaích). Despois da morte de Macbeth na batalla de Lumphanan o 15 de agosto de 1057, os seguidores do rei puxeron a Lulach no trono. Ten a particularidade de ser o primeiro rei de Escocia do cal se coñecen os detallas da súa coroación: foi coroado, probablemente o 8 de setembro de 1057 en Scone. Lulach semella que foi un rei feble, como suxire o seu alcume, e gobernou só durante uns poucos meses antes de ser asasinado e usurpado por Malcolm III (Máel Coluim mac Donnchada).
O fillo de Lulach, Máel Snechtai foi Mormaer de Moray, mentres que Óengus of Moray foi fillo da filla de Lulach.
Crese que foi soterrado na illa de Iona, no mosteiro ou nos seus arredores. A posición exacta da súa tumba é descoñecida.
Predecesor: Macbeth |
Rei de Escocia 1057 – 1058 |
Sucesor: Malcolm III |