Ensalada

Ensalada de leituga e tomate

A ensalada é a denominación xenérica dun conxunto de pratos fríos baseados nos vexetais fríos, pero admite combinacións, preparacións, presentacións e temperaturas moi diversas. A máis común en Galicia combina leituga e tomate (con cebola se se gusta dela) aderezados principalmente con sal, aceite e vinagre (que pode ser substituído por limón). Soe ser tomada como entrante ou como gornición do prato principal. Tamén pode constituír por si mesma o prato principal.

Unha ensalada ten tres compoñentes básicos:

• A base de folla verde. Pode ser outro vexetal.
• O mollo, con base de aceite e vinagre.
• Os ingredientes complementarios (optativos).

A base da ensalada é xeralmente unha man de vexetais de follas verdes como as diversas variedades de leituga e outros vexetais. Esta combinación básica pode complementarse con máis ingredientes como o atún en conserva, a cenoria, o ovo duro, os espárragos etc. Unha ensalada admite como ingredientes complementarios practicamente de todo: carne, peixe, legumes, queixos, froitas, millo doce, arroz, pastas, noces, abelás, piñóns, améndoas etc. As máis modernas tamén admiten froitas como a piña, a mazá, a pera etc. Aínda que a maioría das ensaladas se toman frías, tamén hai modalidades con ingredientes mornos ou quentes. A vinagreta (aceite, vinagre e sal) pode suplirse por outros mollos como o limón, a maonesa, a salsa rosa etc.

Tamén chaman ensaladas a outras combinacións baseadas nun vexetal (cocido ou cru) que se toma frío e sazonado cun mollo de aceite e vinagre (ou variantes) combinado con outros ingredientes (como xa se indicou). Deste xeito, fanse as ensaladas de pataca, xudías, tomate etc.

• 
  Ensalada madrileña
• 
  Ensalada malagueña
• 
  Ensalada murciana
• 
  Tomate con queixo
• Ensalada quente de pasta e brócoli
  Ensalada quente de pasta e brócoli

Véxase tamén

Ligazón internas

Gastronomía de Galicia

Ligazóns externas

• Recetas de ensaladas y verduras
• ensalada gallega : 3 Recetas
• Recetario-cocina.com Receas de ensaladas

Bibliografía

Cunqueiro, A. (1973). A cociña galega. Vigo: Galaxia.

• Parada, C. (1982). Recetas de cociña galega. Vigo: Galaxia.
• Castro, X. (1998) A lume manso: estudios sobre histoira social da alimentación en Galicia. Vigo: Galaxia.