Píllara real

Píllara real
Estado de conservación
Pouco preocupante
Clasificación científica
Reino: Animalia Filo: Chordata Clase: Aves Orde: Charadriformes Familia: Charadriidae Xénero: Charadrius
Nome científico
Charadrius hiaticula
Coñeza toda a Bioloxía en Wikispecies, o directorio dos seres vivos

A píllara real (Charadrius hiaticula) é unha ave limícola de pequeño tamaño da familia Charadriidae.

Descrición

Son aves de entre 18 e 20 cm. de lonxitude e entre 40 e 80 gramos de peso. As alas abertas miden de 40 a 55 cm. de punta a punta. Teñen a plumaxe da partes superior do corpo .castaña agrisada e a da parte inferior branca. Teñen unha unha pucha marrón na cabeza , a testa branca e unha máscara negra ó redor dos ollos. O papo é branco, cunha faixa negra ancha. O peteiro e curto, escuro na parte dianteira e amarelo cara atrás. As patas son amareladas e os ollos negros. Diferéncianse da moi semellante pero algo máis pequeña píllara semipalmada (Charadrius semipalmatus), por teren só os duas dedas exteriores dos pes lixeiramente palmeadas, mentres que este as ten as tres. A coloración de machos e femias e semellante, pero os exemplares novos son de cores máis escuras, coa banda pectoral a miúdo incompleta, o bico uniformrmrnte escuro e patas grises amareladas.

Hábitat e distribución

Crían preferentemente en zonas costeiras abertas e sen vexetación. Algúns exemplares crían terra adentro, en zonas de augas interiores. A súa área de reproducción abrangue o norte de Eurasia, chegando en Europa ata o norte de Francia. e a zona ártica Canada. Son aves migratorias, e pasan o inverno nas costas mediterráneas, africanas e do suroeste de Asia, por ben que moitos exemplares de Francia e Africa.

Aproximación do macho

Subespecies

A especie divídes en tres subespecies, diferenciadas por pequenos cambios de tamaño e cor:

• Charadrius hiaticula hiaticula, que cría nas zonas temperadas do oeste de Europa ata Escandinavia central. Son residentes ou fan migracións de radio curto ata o suroeste de Europa. É a subespecie meirande e máis pálida.
• Charadrius hiaticula psammodroma , subespecie que cría en Islandia, Grenlandia e noreste de Canadá e pasa o inverno no oeste de África.
• Charadrius hiaticula tundrae. Os individuos desta especie crían no norte ártico de Escandinavia e Asia e pasan o inverno en África e suroeste de Asia. É a subespecie máis escura e máis pequena.

C. h. hiaticula e C. h. tundrae están incluídas entre as aves protexidas polo acordo do AEWA.

Alimentación

Aliméntanse de vermes, caracois, crustáceos, insectos e aracnidos. A caza faise coma no caso doutras píllaras con carreiras seguidas de paradas bruscas para cacha-las presas co bico.

Niño con ovos

Reproducción

Son aves moi territoriais durante a época de cría. En marzo comezan a ocupar un territorio de cría. Crían entre maio e agosto. O niño é unha pequena depresión no chan, acondicionada con pedriñas e materiais deixados pola marea, por ben que, ás veces, é un simple burato sen máis. Poñen uns catro ovos da cor da area con manchas escuras, que chocan ambolos dous membros da parella entre 23 e 25 días. Os polos poden voar cando teñen tres ou catro semanas e son capaces de reproducirse antes de cumprir o primeiro ano de vida. Se un depredador potencial se achega ós polos os adultos afástanse deles mirando de atraer ó intruso e finxindo que teñen unha ala rota. Cando consiguen afastar ó inimigo dos polos botan a voar.

Ligazóns externas

A píllara real na "Lista vermella de especies ameazadas" da IUCN