Provincia de Salamanca

Provincia de Salamanca

Capital	Salamanca
Área	12.349 km²
Poboación	353.619 hab. (2010)
Densidade	28,63 hab./km²
Concellos	362
Xentilicio	Salmantino/a

Salamanca é unha provincia española, situada no Suroeste da Comunidade Autónoma de Castela e León.

A súa capital é a cidade de Salamanca. Limita ao Norte con a provincia de Zamora, ao Norleste con a de Valladolid, ao Leste con a provincia de Ávila, ao Sur con a de Cáceres e polo Oeste confina con Portugal. A súa supeficie é de 12.336 km², o que a converte na terceira provincia de Castela e León, despois de León e Burgos. Consonte con datos do (INE 2005), a provincia conta con 352.414 habitantes, dos cales 160.331 (un 45%) vive na capital.

División administrativa

A provincia está dividida 362 municipios, dos que máis da metade teñen unha poboación inferior a trescentos habitantes (é a segunda provincia española a respecto do número de municipios, por detrás de Burgos). Os municipios máis poboados da provincia son, aparte da capital, Béjar, Cidade Rodrigo, Santa Marta de Tormes, Peñaranda de Bracamonte, Guijuelo, Alba de Tormes e máis Vitigudino.
Está organizada en cinco partidos xudiciais: Béjar, Ciudad Rodrigo, Peñaranda, Salamanca e Vitigudino, cos escudos dos cales se compón o escudo provincial.

Xeografía física

A altitude media da provincia é de 830 m sobre o nivel do mar.

Clima

O clima é de tipo continental, con invernos fríos e secos e veráns calorosos. A temperatura media é de 3'7°C en xaneiro (poidendo baixar, en días de fortes nevadas, a varios graos baixo cero). En verán a temperatura media é de 24'2°C, aínda que pode atinxir ata os 35° ou 40°C.

Comarcas

• O Abadengo.
• A Armuña.
• A Ribera.
• O Rebollar.
• A Serra de Béjar.
• A Serra de Francia.
• A Terra de Ledesma.
• A Terra de Peñaranda.
• A Terra de Alba.

Gastronomía

Da súa gastronomía, cabe destacar, entre outros, o pernil de Guijuelo, con Denominación de Origen Protegida, e máis unha empanada típica denominada hornazo. Menos coñecidos, fóra da rexión, son o lechazo, cochinillo ou tostón asado, o farinato (procedente de Cidade Rodrigo), o bollo maimón e mais os chochos de yema. En Salamanca é típica a sopa de allo.