Segunda División RFEF

Segunda División RFEF

Tipo	liga de fútbol
Organizador	Real Federación Española de Fútbol
Parte de	Ligas de fútbol de España
Liga superior	Primeira Federación
Liga inferior	Terceira División Española, Q5857037 , Q6142264 , Third Division of Spain - Group VIII (en) , Q13050266 , Q15919043 , Third Division of Spain - Group VI (en) , Q54810229 , Q60429725 e Q60487771
Número de participantes	90
Localización  e  Datas
País	España
Vixencia	1977 –
Calendario da tempada	agosto –
Período de ocorrencia	1 ano
Datos estatísticos
Partidos	152
Outro
Cobertura dos medios de comunicación	ETB 1 LaOtra (pt) TvG2 TPA7 IB3 Televisió La 7
Páxina web oficial	rfef.es…

Encontro de liga da segunda división B 2016/17 no Estadio de Pasarón entre o Pontevedra CF e o Racing de Santander.

A Segunda Federación de España é a cuarta categoría do sistema de ligas de fútbol do país. Foi introducida en 1977 co nome de Segunda División B e funcionou como terceira categoría (entre a Segunda División e a Terceira División) durante 44 anos, ata que a introdución en 2021 da nova Primeira División RFEF (hoxe Primeira Federación) alterou a xerarquía das categorías do fútbol español.

A partir da tempada 2021/22, a Segunda B converteuse na cuarta categoría e cambiou a súa denominación, pasando a chamarse inicialmente Segunda División RFEF, e dende a tempada 2022/23, Segunda Federación. Durante as súas dúas primeiras edicións mantivo a nomenclatura Segunda División B incluída como parte do nome oficial, referencia que foi eliminada definitivamente a partir da tempada 2023/24.

A súa organización depende da Real Federación Española de Fútbol. O seu status é semiprofesional e, a pesar de non estar integrada na Liga de Fútbol Profesional, gran parte dos seus clubs contan cunha organización de carácter profesional.

Historia

1ª etapa como terceira categoría

A Segunda División B introduciuse na tempada 1977/78 como unha categoría intermedia entre a Segunda e a Terceira división. Inicialmente estaba formada por dous grupos de 20 equipos e ao termo da tempada, o campión e subcampión de cada grupo ascendían directamente á categoría de prata, mentres que os tres últimos clasificados de cada grupo eran relegados de categoría.

Na tempada 1985/86, con motivo da redución da Segunda División, só ascenderon os dous campións, mentres que os 13 últimos clasificados de cada grupo descenderon a Terceira. Así, na tempada 1986/87, de forma transitoria, a Segunda B estivo formada por un grupo único de 22 equipos. Ascenderon catro equipos a Segunda, da que non houbo descensos -pola ampliación da categoría de prata de 18 a 20 equipos- e, de igual modo, esa tempada non houbo descensos a Terceira división, xa que para a seguinte campaña a Segunda B ampliouse a 80 equipos, repartidos en catro grupos de 20. A partir da tempada 1987/88, os campións dos catro grupos eran os que ascendían a Segunda, mentres que os catro últimos de cada grupo perdían a categoría, xunto co 16º clasificado con menos puntos dos catro grupos.

Este sistema mantívose ata a tempada 1990/91, na que desapareceron os ascensos directos de Segunda B a Segunda e introduciuse unha promoción na que participaban os catro primeiros clasificados de cada grupo. Estes 16 equipos repartíanse en catro liguiñas de catro equipos, de tal modo que en cada liguiña figurasen un primeiro, un segundo, un terceiro e un cuarto de cada grupo de liga regular. Os campións destas liguiñas eran os que obtiñan o ascenso a Segunda.

Para a tempada 1993/94 introduciuse unha promoción de permanencia, disputada entre os décimo sextos clasificados dos catro grupos. O perdedor desta promoción, xogada por eliminación directa, descendía á Terceira División xunto cos catro últimos clasificados de cada grupo.

Na tempada 2004/05 modificouse novamente a promoción de ascenso, e o sistema de liguiñas foi substituído por un play-off no que os 16 equipos aspirantes ao ascenso se enfrontaban por eliminación directa, en dúas roldas -semifinais e final- para decidir os catro equipos promocionados a Segunda.

Na tempada 2008/09 modificouse de novo o sistema de ascensos e descensos. Creouse unha rolda de campións, na que se enfrontaban os catro campións. Os vencedores desas eliminatorias, lograban o ascenso a Segunda (e enfrontábanse entre si para determinar que equipo era o campión absoluto da Segunda B). Os perdedores xogaban dúas eliminatorias máis, contra segundos, terceiros e cuartos, que antes xa xogaran entre si unha eliminatoria. Os vencedores destas dúas eliminatorias, lograban o ascenso a Segunda.

2ª etapa como cuarta categoría

En 2020 a Real Federación Española de Fútbol anunciou unha restruturación do sistema de ligas español, coa creación dunha nova categoría semiprofesional, a Primera División RFEF, situada xusto por debaixo da Segunda División e por riba da Segunda DIvisión B. Esta, á súa vez, pasou a denominarse Segunda División RFEF, e dende a tempada 2022/23, Segunda Federación. Durante as súas dúas primeiras edicións mantivo a nomenclatura Segunda División B incluída como parte do nome oficial, referencia que foi eliminada definitivamente a partir da tempada 2023/24.

Coa súa redefinición como cuarta categoría, cambiou o seu formato de competición, pasando a estar composta dun total de 90 equipos, divididos en cinco grupos. Os cinco campións ascenden directamente á Primeira Federación, mentres que os clasificados do segundo ao quinto posto de cada grupo disputan unha fase de ascenso e os cinco últimos clasificados descenden á Terceira Federación.

Sistema de competición

A Segunda Federación está composta por 90 clubs divididos en cinco grupos de 18 equipos, emparellados por proximidade xeográfica. O sistema de competición é o mesmo que no resto de categorías da liga. Dispútase anualmente, empezando a finais do mes de agosto ou principios de setembro, e conclúe no mes de maio ou xuño do seguinte ano.

Os 18 equipos de cada grupo enfróntanse todos contra todos en dúas ocasións, unha en campo propio e outra en campo contrario, o que suma un total de 34 xornadas. A orde dos encontros decídese por sorteo antes de empezar a competición. O gañador dun partido obtén tres puntos, o perdedor non suma ningún e, en caso dun empate, repártese un punto para cada equipo.

Efectos da clasificación

Posto	Clasificación
1º	Ascenso directo a Primeira Federación
2º	Promoción de ascenso a Primeira Federación
3º
4º
5º
6º-13º	Manteñen a categoría
14º	Descenso a Terceira Federación
15º
16º
17º
18º

Ascenso a Primeira Federación

Unha vez finalizada a tempada regular os cinco campións dos cinco grupos ascenden directamente á Primeira Federación, mentres que os equipos clasificados do segundo ao quinto lugar de cada grupo disputan a promoción de ascenso. Esta promoción consta de dúas roldas de eliminación directa, a dobre partido de ida e volta, das que saen os cinco equipos que acompañan aos cinco campións no ascenso de categoría.

Descenso a Terceira Federación

Ao termo da tempada os cinco últimos clasificados de cada grupo descenden directamente a Terceira Federación. A estes 25 equipos súmanse dous máis, que saen dunha promoción pola permanencia que disputan os catro clasificados no 13º posto, con peor coeficiente de entre os cinco grupos. A promoción de permanencia dispútase por eliminación directa a dobre partido e os emparellamentos determínanse por sorteo puro. Os dous equipos derrotados perden a categoría, descendendo a Terceira.

Equipos filiais

Os equipos filiais poden participar en Segunda Federación se os seus primeiros equipos compiten nunha categoría superior (Primeira, Segunda ou Primeira Federación). Os filiais e os seus respectivos primeiros equipos non poden competir na mesma división; por iso, se un equipo descende a Primeira Federación e o seu filial conquista o ascenso á mesma categoría, este quedará en Segunda Federación. Do mesmo xeito, un filial que se clasificou para a fase de ascenso a Primeira Federación non pode disputala se o primeiro equipo milita en devandita categoría. Neste caso, substitúeo o quinto clasificado do seu grupo. Isto non será así se o primeiro equipo milita en Primeira Federación pero conta con opcións de ascender á Segunda División.

Equipos participantes

Tempada 2024/25

Grupo 1	Grupo 2	Grupo 3	Grupo 4
Ávila Avilés Bergantiños Compostela Coruxo Fabril Escobedo Gimnástica de Torrelavega Guijuelo Langreo Laredo Llanera Marino de Luanco Numancia Pontevedra Rayo Cantabria Salamanca Valladolid Promesas	Alavés B Alfaro Anguiano Arenas Club Barbastro Calahorra Deportivo Aragón Ejea Gernika Izarra SD Logroñés UD Logroñés Real Sociedad C Subiza Teruel Tudelano Utebo Vitoria	Alzira Andratx Atlético Baleares Badalona Cornellà Elche Ilicitano Espanyol B Europa CD Ibiza Lleida Esportiu Mallorca B Olot Peña Deportiva Sabadell Sant Andreu Terrassa Torrent Valencia Mestalla	Águilas Almería B Atlético Antoniano Cádiz B Don Benito Estepona Juventud de Torremolinos La Unión Atlético Linares Deportivo Linense Deportiva Minera Orihuela Recreativo Granada San Fernando UCAM Murcia Villanovense Xerez CD Xerez Deportivo	Atlético Paso Cacereño Colonia Moscardó Conquense Coria Getafe B Guadalajara Illescas Melilla Navalcarnero Rayo Majadahonda Real Madrid C San Sebastián de los Reyes Talavera de la Reina Tenerife B Unión Adarve Unión Sar Yaiza Ursaria

Equipos galegos

Un total de 24 equipos galegos pasaron pola Segunda B na súa historia.

Posto histórico	Equipo	Tempadas	Partidos xogados	Puntos
4º	Pontevedra CF	33	1258	1603
15º	Racing de Ferrol	25	948	1252
18º	CD Ourense	24	914	1168
21º	CD Lugo	23	878	1146
35º	Celta B	19	720	935
82º	SD Compostela	14	530	553
91º	Deportivo Fabril	10	380	523
135º	CD As Pontes	9	342	364
132º	Coruxo FC	8	302	380
181º	Arousa SC	7	266	221
193º	CD Lalín	6	228	194
228º	Montañeros	3	114	138
233º	Somozas	3	114	131
258º	Cambados	3	114	103
299º	Club Rápido de Bouzas	1	38	61
300º	Bergantiños	2	76	59
301º	Arenteiro	2	76	58
302º	Celta	1	38	58
305º	Deportivo	1	38	56
312º	Ciudad de Santiago	1	38	50
315º	Boiro	1	38	45
340º	Negreira	1	38	34
353º	Atlético Arteixo	1	38	26
355º	Cerceda	1	38	25

Actualizado ata a tempada 2017/18

Historial

Como terceira categoría

Tempadas con ascensos directos

Desde a creación da categoría ata a tempada 1989/90, non existían as promocións de ascenso a Segunda División, polo que os equipos mellor clasificados ascendían directamente.

Os equipos que ascenderon foron:

Tempada	Grupo I		Grupo II
	1º	2º	1º	2º
1977–78	Racing de Ferrol	Castilla	AD Almería	Algeciras
1978–79	Palencia	Oviedo	Levante	Gimnàstic
1979–80	Barakaldo	Atlético Madrileño	Linares	AD Ceuta
1980–81	Celta	Deportivo	Mallorca	Córdoba
1981–82	Barcelona Atlètic	Palencia	Xerez	Cartagena
1982–83	Bilbao Athletic	Tenerife	Granada	Algeciras
1983–84	Sabadell	Logroñés	Lorca	Calvo Sotelo
1984–85	Sestao	Aragón	Rayo Vallecano	Albacete
1985–86	Figueres	–	Xerez	–
	1º	2º	3º	4º
1986–871	Tenerife	Lleida	Granada	Real Burgos
	G. I	G. II	G. III	G. IV
1987–88	Eibar	Mollerussa	Salamanca	Alzira
1988–89	Bilbao Athletic	Palamós	Atlético Madrileño	Levante
1989–90	Avilés	Lleida	Albacete	Orihuela Deportiva

¹ Na tempada 86/87 houbo só un grupo de Segunda B, antes da implantación do actual sistema de catro grupos na tempada 87/88.

Tempadas con promocións

Tempada	Campións				Ascenso
	G. I	G. II	G. III	G. IV
1990–91	Madrid B	Racing Santander	Barcelona B	Badajoz	Mérida, Madrid B, Compostela e Racing de Santander
1991–92	Salamanca	Sant Andreu	Cartagena	Marbella	Badajoz, Villarreal, Lugo e Marbella
1992–93	Leganés	Alavés	Murcia	Las Palmas	Toledo, Leganés, Hércules e Murcia
1993–94	Salamanca	Alavés	Gramenet	Extremadura	Getafe, Salamanca, Ourense e Extremadura
1994–95	Racing Ferrol	Alavés	Levante	Córdoba	Sestao, Almería, Alavés e Écija
1995–96	Las Palmas	Sporting B	Levante	Jaén	Levante, Las Palmas, Ourense e Atlético B
1996–97	Sporting B	Aurrerá	Gimnàstic	Córdoba	Elche, Xerez, Jaén e Numancia
1997–98	Cacereño	Barakaldo	Barcelona B	Málaga	Málaga, Mallorca B, Barcelona B e Recreativo
1998–99	Getafe	C.Leonesa	Levante	Melilla	Elche, Getafe, Levante e Córdoba
1999–00	Universidad LP	G.Torrelavega	Gandia	Granada	Universidad LP, Jaén, R.Ferrol e Murcia
2000–01	Atlético B	Burgos	Gramenet	Cádiz	Burgos, Poli Ejido, Gimnàstic e Xerez
2001–02	Barakaldo	Barcelona B	Madrid B	Motril	Terrassa, Compostela, Getafe e Almería
2002–03	Universidad LP	Real Unión	Castellón	Algeciras	Cádiz, Algeciras, Málaga B e Ciudad de Murcia
2003–04	Pontevedra	At.Madrid B	Lleida	Lanzarote	Lleida, Pontevedra, R.Ferrol e Gimnàstic
2004–05	Madrid B	Ponferradina	Alicante	Sevilla B	Hércules, Castellón, Lorca e Madrid B
2005–06	Universidad LP	Salamanca	Badalona	Cartagena	Salamanca, Ponferradina, Las Palmas e Vecindario
2006–07	Pontevedra	Eibar	Alicante	Sevilla Atlético	R.Ferrol, Sevilla Atlético, Eibar e Córdoba
2007–08	Rayo Vallecano	Ponferradina	Girona	Écija	Rayo Vallecano, Girona, Huesca e Alicante
2008–09	Real Unión	Cartagena	Alcoyano	Cádiz	Cartagena, Cádiz, Real Unión e Villarreal B
2009–10	Ponferradina	Alcorcón	Sant Andreu	Granada	Granada, Ponferradina, Barcelona B e Alcorcón
2010–11	Lugo	Eibar	Sabadell	Murcia	Sabadell, Murcia, Alcoyano e Guadalajara
2011–12	Madrid Castilla	Mirandés	Atlético Baleares	Cádiz	Madrid Castilla, Mirandés, Ponferradina e Lugo
2012–13	Tenerife	Alavés	L'Hospitalet	Jaén	Tenerife, Alavés, Eibar e Jaén
2013–14	Racing de Santander	Sestao River	Llagostera	Albacete	Racing de Santander, Llagostera, Albacete e Leganés
2014–15	Oviedo	Huesca	Gimnàstic	Cádiz	Oviedo, Gimnàstic, Bilbao Athletic e Huesca
2015–16	Racing de Santander	Madrid Castilla	Reus Deportiu	UCAM Murcia	Reus Deportiu, UCAM Murcia, Sevilla Atlético e Cádiz
2016–17	Cultural Leonesa	Albacete	Barcelona B	Lorca	Cultural Leonesa, Albacete, Barcelona B e Lorca
2017–18	Rayo Majadahonda	Mirandés	Mallorca	Cartagena	Mallorca, Rayo Majadahonda, Elche e Extremadura UD
2018–19	Fuenlabrada	Racing de Santander	Atlético Baleares	Recreativo de Huelva	Fuenlabrada, Racing de Santander, Ponferradina e Mirandés
2019–20	Atlético Baleares	UD Logroñés	Castellón	Cartagena	Cartagena, Castellón, UD Logroñés, Sabadell

Desde a tempada 2008-09 están destacados os campións absolutos da categoría segundo o novo sistema de competición.

Tempada 2020/21 con cinco grupos

Tempada	Campións					Ascenso
	G. I	G. II	G. III	G. IV	G. V
2020–21	Burgos	Real Sociedad B	Ibiza	Linares Deportivo	Badajoz	Burgos, Real Sociedad B, Ibiza, Amorebieta

Como cuarta categoría

Tempada	Campións					Outros ascendidos
	G. I	G. II	G. III	G. IV	G. V
2021–22	Pontevedra	Osasuna Promesas	Numancia	Córdoba	Intercity	Ceuta, Eldense, La Nucía, Mérida, Real Murcia
2022–23	Arenteiro	Sestao River	Teruel	Antequera	Melilla	Atlético de Madrid B, Atlético Sanluqueño, Recreativo Granada, Recreativo de Huelva, Tarazona
2023–24	Ourense CF	Bilbao Athletic	Hércules	Sevilla Atlético	Gimnástica Segoviana	Barakaldo, Betis Deportivo, Marbella, Yeclano Deportivo, Zamora

Estatísticas

Máis tempadas

Actualizado ata a tempada 2023/24.

Posto	Equipo	Tempadas
1º	Pontevedra	38
2º	Barakaldo	36
	Cultural Leonesa	36
	Melilla	36
5º	Real Sociedad B	35
6º	Osasuna B	34
7º	Bilbao Athletic	32
8º	Sevilla Atlético	32
9º	Real Jaén	31
	L'Hospitalet	31
	Atlético de Madrid B	31
	Sporting de Gijón B	31
13º	Alcoyano	29
14º	Gimnàstic de Tarragona	28
15º	Racing de Ferrol	27
	Zamora	27
	Valencia Mestalla	27
	Real Betis B	27
19º	Real Unión	26
20º	CD Ourense	24

Véxase tamén

Outros artigos

• Liga española de fútbol
• Segunda División Española
• Terceira División Española
• Copa do Rei
• Copa Federación

Ligazóns externas

• AREFE - Resultados e clasificacións históricas de Segunda División B (en castelán)