Գազ Շուշիի
Գազ Շուշիի | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Astragalus schuschaensis
|
Գազ Շուշիի (լատին․՝ Astragalus schuschaensis), լոբազգիների ընտանիքին պատկանող ծածկասերմ բույս։ Գրանցված է Հայաստանի Կարմիր գրքում։
Նկարագրություն
խմբագրել3-12 սմ բարձրությամբ բազմամյա ճիմ առաջացնող, անցողուն բույս է՝ երկծայր մազիկներով ծածկված։ Ծաղկակիրները բազմաթիվ են, բարակ, գետնատարած։ Ծաղկաբույլը խիտ է։ Ծաղկակիցները նշտարաձև են, ձգված-սրացած, համարյա բաժակին հավասար։ Դրոշը դեղին է, 21-24 մմ երկարությամբ, նավակը՝ մանուշակագույն։ Ունդերը ձվաձև են և կողքերից սեղմված, համարյա բաժակին հավասար[1]։
Տարածվածություն
խմբագրելՀանդիպում է Սևանի ֆլորիստիկական շրջանում (Սոթք գյուղի շրջակայք)։ Աճում է նաև Լեռնային Ղարաբաղի հանրապետության Շուշի քաղաքի շրջակայքում[1]։
Էկոլոգիա
խմբագրելԱճում է վերին լեռնային գոտում՝ ծովի մակարդակից 2100-2200 մ բարձրությունների վրա, ժայռոտ տեղերում, քարաթափվածքների վրա։ Ծաղկում է հունիս ամսին, պտղաբերում է հուլիսին[1]։
Պահպանություն
խմբագրելԿրիտիկական վիճակում գտնվող տեսակ է։ Հայտնի է ընդամենը մեկ պոպուլյացիա՝ 10 կմ²-ից պակաս տարածման և բնակության շրջանների մակերեսով։ Հայաստանի Կարմիր գրքի առաջին հրատարակության մեջ ընդգրկված էր որպես ոչնչացման սպառնալիքի ենթակա տեսակ։ Ընդգրկված չէ CITES-ի և Բեռնի կոնվենցիաների հավելվածներում[1]։
Պահպանվում է «Սևան» ազգային պարկի պահպանական գոտում[1]։
Ծանոթագրություններ
խմբագրել- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.