Վիքիպեդիա:Այսօր պատմության մեջ

Այսօր պատմության մեջ Գլխավոր էջի Այսօր պատմության մեջ բաժնի նյութերը հարստացնելու համար հարկավոր է տեղեկությունները տեղադրել Այսօր/ամիս օր կաղապարի մեջ։ Օրինակ՝ հուլիսի 16-ի համար՝ Կաղապար:Այսօր/Հուլիսի 16, եթե այն չկա. բոլոր օրերի կաղապարները կարելի է տեսնել ներքևի աղյուսակում։ Այս էջում կարելի է տեսնել նաև այս ամսվա՝ հուլիսի բոլոր կաղապարների բովանդակությունը։ Նյութեր ընտրելուն կօգնի համապատասխան օրվա հոդվածը։ Տվյալ օրինակի դեպքում՝ Հուլիս 16։ Օրվա էջի կատեգորիաները և միջլեզվային հղումները անպայման վերցրեք <noinclude></noinclude> նշանների միջև, որ գլխավոր էջի ներքևում չերևան։

Նախագծի ենթաէջեր Էջերն ըստ ամիսների Կաղապարներ Այսօր պատմության մեջ ‎Օրացույց Վերահսկող մասնակիցներ ERJANIK (քննարկում) Aram-van (քննարկում) ...

Թարմացնել այս էջի քեշը • Թարմացնել Գլխավոր էջի քեշը.

Վիքիպեդիա:Այսօր պատմության մեջ

Ամիսներ	Օրեր
Կատեգորիա:Հունվար	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	31
Կատեգորիա:Փետրվար	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29
Կատեգորիա:Մարտ	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	31
Կատեգորիա:Ապրիլ	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30
Կատեգորիա:Մայիս	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	31
Կատեգորիա:Հունիս	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30
Կատեգորիա:Հուլիս	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	31
Կատեգորիա:Օգոստոս	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	31
Կատեգորիա:Սեպտեմբեր	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30
Կատեգորիա:Հոկտեմբեր	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	31
Կատեգորիա:Նոյեմբեր	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30
Կատեգորիա:Դեկտեմբեր	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	31

Հուլիս ամսվա օրերը
Հուլիսի 1 Մեր հայրենիք 1867 թ. – Կանադան հռչակեց իր անկախությունը։ 1902 թ. – ծնվել է Ուիլյամ Ուայլերը, ամերիկացի ռեժիսոր, սցենարիստ։ Պատմության մեջ ամենաշատ Օսկարի ներկայացված ռեժիսորն է՝ 12 անգամ (մահ. 1981 թ.)։ 1903 թ. – շահագործման հանձնվեց Լանդվասսերի ուղեկամուրջը, 2008 թ. այն ընդգրկվել է ՅՈՒՆԵՍԿՕ-ի համաշխարհային ժառանգության ցանկում։ 1916 թ. – ծնվել է Օլիվիա դե Հևիլլենդը, անգլո-ամերիկացի դերասանուհի, Հոլիվուդի անցյալի աստղերից մեկը։ 1938 թ. – ծնվել է Արշակ Մադոյանը, հայագետ, թարգմանիչ։ 1962 թ. – ծնվել է Սեյրան Օհանյանը, Հայաստանի և Արցախի ռազմական գործիչ, Հայաստանի պաշտպանության նախարարության նախկին նախարար։ 1991 թ. – ընդունվեց Հայաստանի օրհներգը՝ Մեր հայրենիքը։ 1997 թ. – Հոնկոնգը դարձավ Չինաստանի մաս։ 2006 թ. – տպագրվեց Գրեթերթ գրական-երիտասարդական ամսաթերթի առաջին համարը։	Հուլիսի 2 ժամանակակից օդապարիկ 1830 թ. – ստրկության համար Աֆրիկայից ԱՄՆ տեղափոխվող սևամորթները գրավեցին «Ամիսթադ» նավը: Այդ դեպքերի հիման վրա ռեժիսոր Սթիվեն Սփիլբերգը նկարահանել է համանուն «Ամիսթադ» ֆիլմը: 1833 թ. – մահացել է Ղուկաս Ինճիճյանը, հայ բանասեր, աշխարհագրագետ, Մխիթարյան միաբանության անդամ (ծն. 1758 թ.): 1860 թ. – հիմնադրվեց Վլադիվոստոկ քաղաքը: 1961 թ. – ինքնասպան եղավ Էռնեստ Հեմինգուեյը, ամերիկացի ականավոր գրող, Նոբելյան մրցանակի դափնեկիր (ծն. 1899 թ.): 1977 թ. – մահացել է Վլադիմիր Նաբոկովը, ռուս ամերիկյան նշանավոր գրող, պոետ, թարգմանիչ, գրականագետ և էնտոմոլոգ (ծն. 1899 թ.): 1994 թ. – սպանվեց կոլումբիացի ֆուտբոլիստ Անդրես Էսկոբարը, ով Ֆուտբոլի աշխարհի 1994 թ. առաջնության ժամանակ դարձել էր ինքնագոլի հեղինակ (ծն. 1963 թ.): 1997 թ. – սկսվեց Ասիական ֆինանսական ճգնաժամը: 2002 թ. – ամերիկացի Սթիվ Ֆոսետը ավարտեց օդապարիկով առաջին շուրջերկրյա ճանապարհորդությունը:
Հուլիսի 3 Հակոբ Մելքումյան 1890 թ. – Այդահոն դարձավ ԱՄՆ-ի 43-րդ նահանգը: 1962 թ. – մահացել է Հակոբ Մելքումյանը, հայազգի խորհրդային ռազմական գործիչ, Էնվեր փաշայի և նրա գլխավորած հրոսակախմբի ոչնչացման համար (1922 թ. ամառ) ստացել է Կարմիր դրոշի շքանշան (ծն. 1885 թ.): 1971 թ. – ծնվել է Ջուլիան Ասանժը, ավստրալացի հրատարակիչ և համացանցային ակտիվիստ: Ճանաչում է ձեռք բերել որպես ՎիքիԼիքսի՝ համացանցային բացահայտման կայքի խոսնակ և գլխավոր խմբագիր: 1988 թ. – ԱՄՆ-ի ռազմածովային ուժերի Vincennes ռազմական նավը հրթիռ արձակեց իրանական մարդատար ինքնաթիռի վրա, ինչի արդյունքում զոհվեցին ինքնաթիռում գտնվող բոլոր 290 մարդիկ: 1992 թ. – զոհվեց Դուշմանը (Վարդան Ստեփանյան), Արցախյան ազատամարտի հերոս, (ծն. 1966 թ.)։ 1992 թ. – Հայաստանի ֆուտբոլի ֆեդերացիան դարձավ ՖԻՖԱ-ի անդամ։ 1994 թ. – Բաքվի մետրոպոլիտենում իրականացվեց ահաբեկչական գործողության, ռումբի պայթյունի հետևանքով զոհվեց 13 մարդ, 58-ը ստացան տարբեր աստիճանի վնասվածքներ։ 1996 թ. – Բորիս Ելցինը երկրորդ անգամ ընտրվեց Ռուսաստանի նախագահ։ 2006 թ. – բրիտանական Մյուզ խումբը թողարկեց իր չորրորդ պաշտոնական ձայներիզը՝ Black Holes and Revelations։	Հուլիսի 4 Մհեր Մկրտչյանին նվիրված ՀՀ փոստային նամականիշ իր խաղացած դերերով 1776 թ. - ստորագրվեց ԱՄՆ-ի անկախության հռչակագիրը։ Այս օրը ԱՄՆ-ն նշում է իր անկախության օրը։ 1826 թ. – մահացել է Թոմաս Ջեֆերսոնը, ԱՄՆ-ի 3-րդ նախագահը, կարևոր դեր է ունեցել ԱՄՆ-ի պատմության մեջ (ծն. 1743 թ.)։ 1865 թ. – առաջին անգամ տպագրվեց Լուիս Քերոլի «Ալիսը Հրաշքների աշխարհում» գիրքը։ 1925 թ. – ծնվել է Քեթի Բերբերյանը, ծագումով հայ, մեծանուն ամերիկյան դասական երգչուհի (մեցցո-սոպրանո) և երգահան (մահ. 1983 թ.)։ 1926 թ. – ծնվել է Ալֆրեդո դի Ստեֆանոն, իսպանացի ֆուտբոլիստ, բոլոր ժամանակների լավագույն ֆուտբոլիստներից մեկը։ 1930 թ. – ծնվել է Մհեր Մկրտչյանը, թատրոնի և կինոյի հայ մեծագույն դերասաններից մեկը (մահ. 1993 թ.)։ 1944 թ. – ստեղծվեց Հայ Մշակութային Արարատ Կազմակերպությունը։ 1961 թ. – խորհրդային «Կ-19» ատոմային սուզանավում տեղի ունեցավ վթար։ 1999 թ. – սկսած Հայաստանում նշվում է Հայաստանի ազգային գրադարանի օրը։
Հուլիսի 5 Հայաստանում նշվում է սահմանադրության օրը։ 1811 թ. – Վենեսուելան հռչակեց իր անկախությունը Իսպանիայից։ 1921 թ. – Կենտրոնական Կոմիտեի ՌԿԿ(բ) Կովկասյան բյուրոյի որոշմամբ Լեռնային Ղարաբաղը միացվեց Ադրբեջանական ՍՍՀ-ի հետ, առանց բնակչության կարծիքը հաշվի առնելու։ 1943 թ. – սկսվեց Կուրսկի ճակատամարտը, Երկրորդ համաշխարհային պատերազմի նշանավոր ճակատամարտերից մեկը։ 1949 թ. – ծնվել է Պարույր Հայրիկյանը, հայ ազգային, քաղաքական գործիչ, խորհրդային ժամանակներում նշանավոր այլախոհ, 1968-ից գաղտնի գործող Ազգային միացյալ կուսակցության անդամ, այնուհետև՝ ղեկավար, Ազգային ինքնորոշում միավորում կուսակցության առաջնորդ։ 1954 թ. – Էլվիս Փրեսլին ձայնագրեց իր առաջին երգը՝ «That’s All Right»։ 1969 թ. – մահացել է Վալտեր Գրոպիուսը, գերմանացի ճարտարապետ և տեսաբան, Բաուհաուզի հիմնադիրը (ծն. 1883 թ.)։ 1986 թ. – Մոսկվայում տեղի ունեցավ առաջին «Բարի կամքի խաղերի» բացումը։ 1988 թ. – ծնվել է ուկրաինացի երգչուհի, մոդել, «ՎԻԱ Գրա» փոփ խմբի մեներգչուհի Էրիկա Գերցեգը: 1995 թ. – տեղի ունեցան ՀՀ առաջին գումարման Ազգային ժողովի ընտրությունները։ 1995 թ․ – Հայաստանում ընդունվել է Սահմանադրությունը, որից հետո հուլիսի 5-ը նշվում է որպես պետական տոն։	Հուլիսի 6 Սիլվեստր Ստալոնե 1415 թ. – Յան Հուսին այրեցին խարույկի վրա: 1785 թ. – ԱՄՆ-ում դոլարը ընդունվեց որպես ազգային դրամ: 1820 թ. – ծնվել է Ղևոնդ Ալիշանը, հայ մեծանուն բանաստեղծ, բանասեր, պատմաբան, աշխարհագրագետ, թարգմանիչ, Վենետիկի Մխիթարյան միաբանության անդամ (մահ. 1901 թ.): 1885 թ. – Լուի Պաստյորը առաջին անգամ պատմության մեջ կատաղության դեմ պատվաստում կատարեց: 1938 թ. – հայտնաբերվեց Յուպիտերի անկանոն արբանյակ Լիսիստեյան: 1946 թ. – ծնվել է Ջորջ Բուշ կրտսերը, ԱՄՆ-ի 46-րդ նախագահը: 1946 թ. – ծնվել է Սիլվեստր Ստալոնեն, ամերիկացի ճանաչված դերասան: 1975 թ. – ծնվել է Ֆիֆթի Սենթը, ամերիկացի ռեփեր:
Հուլիսի 7 Արթուր Կոնան Դոյլ 1887 թ. – ծնվել է Մարկ Շագալը, ազգությամբ հրեա, ֆրանսիացի նկարիչ (մահ. 1985 թ.): 1923 թ. – Լեռնային Ղարաբաղի հայաբնակ մասից կազմվեց Լեռնային Ղարաբաղի ինքնավար մարզը (ԼՂԻՄ) Խանքենդի կենտրոնով, որը հետո վերանվանվեց Ստեփանակերտ: 1930 թ. – մահացել է Արթուր Կոնան Դոյլը (նկարում), շոտլանդացի գրող, հայտնի է որպես Շերլոկ Հոլմսի մասին դետեկտիվ պատմվածքների հեղինակ (ծն. 1859 թ.): 1940 թ. – ծնվել է Ռինգո Սթարը, անգլիացի երաժիշտ, Beatles խմբի անդամներից: 1947 թ. – ծնվել է Կառլոս Սանտանան, մեքսիկացի երգիչ և երաժիշտ: 1956 թ. – մահացել է Գոթֆրիդ Բենը, գերմանացի բանաստեղծ-էքսպրեսիոնիստ, էսսեիստ, արձակագիր, Առաջին և Երկրորդ համաշխարհային պատերազմների ժամանակ զինվորական բժիշկ (ծն. 1886 թ.): 1990 թ. – առաջին անգամ եթեր հեռարձակվեց «Ֆորտ Բոյար» հեռուստախաղը: 2003 թ. – ստեղծվեց Հայաստանի միավորված կոմունիստական կուսակցությունը:	Հուլիսի 8 տեսարան Փարիզ քաղաքից մ.թ.ա. 52 թ. – համարվում է Փարիզի հիմնադրման օրը: 1497 թ. – Վասկո դա Գաման սկսեց իր առաջին շուրջերկրյա ճանապարհորդությունը: 1709 թ. – տեղի ունեցավ Պոլտավայի ճակատամարտը, Հյուսիսային պատերազմի ամենամեծ ճակատամարտը: 1915 թ. – Առաջին համաշխարհային պատերազմի ժամանակ սկսվեց Ալաշկերտի օպերացիան: 1952 թ. – ծնվել է Կարեն Շահնազարովը, արմատներով հայ, ռուս ռեժիսոր: 1979 թ. – հայտնաբերվեց Յուպիտերի ներքին արբանյակ Ադրաստեան: 1985 թ. – մահացել է Սայմոն Կուզնեցը, ամերիկացի տնտեսագետ, Նոբելյան մրցանակի դափնեկիր (ծն. 1901 թ.): 2010 թ. – մահացել է Կարո Լուկասը, պարսկահայ գիտնական և ճարտարապետ (ծն. 1949 թ.):
Հուլիսի 9 Արարատ լեռը Երևանից 1762 թ. – սկսեց Եկատերինա II-ի կառավարումը Ռուսական կայսրությունում: Նա շուրջ 34 տարի մնաց Ռուսաստանի կայսրուհի: 1816 թ. – Արգենտինան հռչակեց իր անկախությունը Իսպանիայից: 1936 թ. – մահացել է Աղասի Խանջյանը, հայ խորհրդային կուսակցական և քաղաքական գործիչ (ծն. 1901 թ.): 1941 թ. – ծնվել է Պուշկին Սերոբյանը, հայ քաղաքական գործիչ և իրավապաշտպան, ԽՍՀՄ այլախոհ: 1955 թ. – տպագրվեց Բերտրան Ռասելի և Ալբերտ Էյնշտեյնի համատեղ կազմած մանիֆեստը: 1956 թ. – ծնվել է Թոմ Հենքսը, ամերիկացի դերասան, Օսկարի կրկնակի դափնեկիր: 1975 թ. – ծնվել է Ջեք Ուայթը, ամերիկացի երգիչ-երգահան, երաժշտական պրոդյուսեր, մուլտիինստրումենտալիստ: 2007 թ. – Արարատի գագաթը նվաճեց ամենամեծ 9-հոգանոց մի խումբ: 2011 թ. – Հարավային Սուդանը հռչակեց իր անկախությունը:	Հուլիսի 10 Պողոս Նուբար փաշայի և Ալեք Մանուկյանի պատկերով ՀՀ փոստային նամականիշ 1836 թ. – մահացել է Անդրե Մարի Ամպերը, ֆրանսիացի ֆիզիկոս և մաթեմատիկոս, էլեկտրադինամիկայի հիմնադիրներից, նրա պատվին է կոչվել էլեկտրական հոսանքի ուժի միավորը (ծն. 1755 թ.)։ 1856 թ. – ծնվել է Նիկոլա Տեսլան, սերբ ճարտարագետ, ֆիզիկոս, գյուտարար (մահ. 1943 թ.)։ 1878 թ. – Անգլիայում առաջին անգամ ֆուտբոլային մրցավարը սուլիչ օգտագործեց: Մինչ այդ հարկ եղած դեպքում նա պարզապես բղավում էր։ 1890 թ. – Վայոմինգը դարձավ ԱՄՆ-ի 44-րդ նահանգը։ 1915 թ. – սկսվեց Մուշ քաղաքի և նրա շրջակայքի բնակչության զանգվածային կոտորած։ 1943 թ. – Երկրորդ համաշխարհային պատերազմի ժամանակ Կուրսկի ճակատամարտի ամենաթեժ մարտերի պահին Սիցիլիա կղզում իջեցվեց անգլո-ամերիկյան մեծաքանակ դեսանտ։ 1967 թ․ – ծնվել է Ժիրայր Սեֆիլյանը, հայ ազատամարտիկ, զորահրամանատար, պետական, հասարակական գործիչ։ 1996 թ. – մահացել է Ալեք Մանուկյանը, հայ հասարակական գործիչ, արդյունաբերող, բարերար, Հայաստանի ազգային հերոս (ծն. 1901 թ.)։ 2009 թ. – Իտալիայի Ակվիլա քաղաքում հրապարակվեց Մադրիդյան սկզբունքների մի մասը։ 2012 թ. – թողարկվեց ամերիկահայ երաժիշտ Սերժ Թանգյանի երրորդ պաշտոնական ալբոմը՝ Harakiri-ն։
Հուլիսի 11 Ջորջ Գերշվին Աշխարհում նշվում է շոկոլադի համաշխարհային օրը։ 552՝ սկսվեց Հայոց մեծ թվականը։ 1700՝ Բեռլինում հիմնադրվեց Պրուսիայի գիտությունների ակադեմիան։ 1893՝ ճապոնացի Միկիմոտո Կոկիտին ստացավ առաջին արհեստական մարգարիտը։ 1911՝ ծնվել է Էդուարդ Թոփչյանը, հայ գրականագետ, բանասիրական գիտությունների թեկնածու (մահ. 1975 թ.)։ 1916՝ ծնվել է Ալեքսանդր Պրոխորովը, ռուս ֆիզիկոս, քվանտային էլեկտրոնիկայի ստեղծողներից, Նոբելյան մրցանակի դափնեկիր։ 1937՝ մահացել է Ջորջ Գերշվինը (նկարում), ամերիկացի նշանավոր կոմպոզիտոր, դաշնակահար, սիմֆոջազի ճանաչված ներկայացուցիչներից մեկը։ 1969՝ մահացել է Նաիրի Զարյանը, հայ բանաստեղծ, արձակագիր, թատերագիր, հրապարակագիր և թարգմանիչ։ 1983՝ բացվեց Երևանի մետրոպոլիտենի «Սասունցի Դավիթ - Գործարանային» հատվածը։ 1995՝ Բոսնիական պատերազմի ժամանակ սերբերը սպանեցին մոտ 8000 անզեն բոսնիացի տղամարդու։ 2010՝ Իսպանիայի ֆուտբոլի ազգային հավաքականն առաջին անգամ դարձավ աշխարհի չեմպիոն։	Հուլիսի 12 Էրազմ Ռոտերդամցի, Հանս Հոլբայն Կրտսերի կտավ մ.թ.ա. 100 թ. – ծնվել է Հուլիոս Կեսարը, Հին Հռոմի ականավոր քաղաքական գործիչ (մահ. մ.թ.ա. 44 թ.): 1536 թ. – մահացել է Էրազմ Ռոտերդամցին, հոլանդացի ականավոր հումանիստ գրող (ծն. 1466 թ.): 1776 թ. – Ջեյմս Կուկը սկսեց իր երրորդ շուրջերկրյա ճանապարհորդությունը: 1806 թ. – Նապոլեոն Բոնապարտը ստեղծեց Հռենոսյան միությունը: 1884 թ. – ծնվել է Մոդիլիանին, իտալացի հանրահայտ գեղանկարիչ և քանդակագործ, էքսպրեսիոնիզմի ներկայացուցիչ (մահ. 1920 թ.): 1992 թ. – Արցախյան ազատամարտի ժամանակ հայկական զինված ուժերը հետ գրավեցին Ճանկաթաղ, Վարդաձոր, Մեհմանա և Կուսապատ գյուղերը: 2006 թ. – սկսվեց Երկրորդ լիբանանյան պատերազմը: 2011 թ. – Նեպտուն մոլորակը կատարեց մեկ պտույտ Արեգակի շուրջը, այսինքն լրացավ նրա հայտնաբերումից հետո (սեպտեմբերի 23, 1846) նեպտունյան առաջին տարին:
Հուլիսի 13 Ֆոտբոլի աշխարհի առաջին առաջնության պատկերանիշ 1841 թ. – Լոնդոնում Ռուսաստանի, Մեծ Բրիտանիայի, Ֆրանսիայի, Ավստրիայի և Պրուսիայի միջև ստորագրվեց համաձայանագիր, ըստ որի խաղաղ պայմաններում Օսմանյան կայսրությանը պատկանող Բոսֆոր և Դարդանելի նեղուցներով արգելվում է ռազմական նավերի շարժը։ 1923 թ. – տեղադրվեց Հոլիվուդի առաջին նշանը՝ HOLLYWOOD մեծադիր տառերը։ 1930 թ. – Ուրուգվայում մեկնարկեց ֆուտբոլի աշխարհի առաջին առաջնությունը։ 1933 թ. – մահացել է Նար-Դոսը, հայ նշանավոր գրող, արձակագիր, նշանավոր են նրա նովելները (ծն. 1867 թ.)։ 1936 թ. – ծնվել է Ալիսիա Կիրակոսյանը, արգենտինահայ բանաստեղծուհի։ 1941 թ. – Չեռնոգորիայում ապստամբություն սկսվեց ֆաշիստական կարգերի դեմ։ 1942 թ. – ծնվել է Հարիսոն Ֆորդը, ամերիկացի ճանաչված դերասան։ 1987 թ. – ծնվել է Եվա Ռիվասը, հայ երգչուհի, ներկայացրել է Հայաստանը Եվրատեսիլ 2010 երգի մրցույթին Օսլոյում «Apricot Stone» երգով։ 2002 թ. – մահացել է Յուսուֆ Քարշը, կանադահայ հայտնի լուսանկարիչ (ծն. 1908 թ.)։	Հուլիսի 14 Ինգմար Բերգմանը «Մորու բացատը» ֆիլմի նկարահանումերի ժամանակ 1198 թ. – մահացել է Ներսես Լամբրոնացին, հայ մատենագիր, գիտնական, փիլիսոփա, պետական և եկեղեցական գործիչ, հրապարակախոս, բանաստեղծ, երաժիշտ, թարգմանիչ (ծն. 1153 թ.): 1789 թ. – Ֆրանսիական մեծ հեղափոխության ժամանակ գրավվեց Բաստիլ ամրոցը: 1862 թ. – ցարական իշխանությունների կողմից ձերբակալվեց Միքայել Նալբանդյանը: 1918 թ. – ծնվել է Ինգմար Բերգմանը (նկարում), շվեդ ճանաչված ռեժիսոր («Մորու բացատը», «Ձմեռային լույս», «Ֆաննին և Ալեքսանդրը», մահ. 2007 թ.): 1928 թ. – ծնվել է Նոդար Դումբաձեն, վրացի նշանավոր գրող (մահ. 1984 թ.): 1934 թ. – ծնվել է Ժիրայր Անանյանը, հայ նշանավոր դրամատուրգ («Իմ տունը քո տունը չէ», «Տաքսի, տաքսի», մահ. 2004 թ.): 1941 թ. – Երկրորդ համաշխարհային պատերազմում Սմոլենսկի ճակատամարտի ժամանակ առաջին անգամ կիրառվեց «Կատյուշա» հրթիռային համակարգը: 1964 թ. – տեղի ունեցավ Ադրիանո Չելենտանոյի և Կլաուդիա Մորիի հարսանիքը: 1969 թ. – Սալվադորի և Հոնդուրասի միջև սկսվեց ֆուտբոլային պատերազմը, որի 6 օրերի ընթացքում մահացավ մոտ 2000 մարդ, իսկ պատճառը ֆուտբոլում Հոնդուրասի Սալվադորից կրած պարտությունն էր:
Հուլիսի 15 Գյոլչտալբրյուգե կամուրջը 1240 թ. — Ալեքսանդր Նևսկին Նևայի ճակատամարտում հաղթանակ տարավ շվեդների նկատմամբ։ 1606 թ. — ծնվել է Ռեմբրանդտը, հոլանդացի հայտնի գեղանկարիչ (մահ. 1669 թ.)։ 1741 թ. — ռուս ճանապարհորդ Ալեքսեյ Չիրիկովը հասավ Ալյասկա, դառնալով առաջին եվրոպացին, ով ոտք դրեց այնտեղ։ 1799 թ. — հայտնաբերվեց Ռոզետայի քարը։ 1851 թ. — տեղի ունեցավ աշխարհի ամենամեծ աղյուսե ուղանցույց-կամուրջի` Գյոլչտալբրյուգեի (նկարում) բացումը։ 1904 թ. — մահացել է Անտոն Չեխովը, ռուս նշանավոր գրող և դրամատուրգ (ծն. 1860 թ.)։ 1909 թ. — ծնվել է Վալտեր Արամյանը, հայ արձակագիր, թարգմանիչ (մահ. 1994 թ.)։ 1983 թ. — Հայաստանի ազատագրության հայ գաղտնի բանակը (ASALA) ռումբ պայթեցրեց Փարիզի Օրլի օդանավակայանի Թըրքիշ-Էյրլայնս ընկերության գրասենյակի առջև: 2009 թ. — տեղի ունեցավ Կասպյան ավիաուղիների մարդատար ինքնաթիռի վթար, որի հետևանքով մահացավ ինքնաթիռի ողջ անձնակազմը` 168 մարդ։ 2011 թ. — Հայաստանը դարձավ 2011 թ. շախմատի աշխարհի թիմային առաջնության չեմպիոն։	Հուլիսի 16 Բենիտո Մուսոլինի 622 թ. - սկսում է իսլամական օրացույցը: 1683 թ. - Թունյինի թագավորության բանակը Թայվան կղզու մոտ ջախջախվեց Ցին դինաստիայի ծովային ուժերի կողմից: 1860 թ. - շվեդ գյուտարար Ալֆրեդ Նոբելն առաջին անգամ փորձարկեց դինամիտը: 1923 թ. - Բենիտո Մուսոլինին արգելեց դրամական խաղերն Իտալիայում: 1931 թ. - ծնվել է Վիկտոր Բալայանը, հայ արձակագիր, լրագրող, թարգմանիչ: 1945 թ. - ԱՄՆ-ի Նյու Մեքսիկո նահանգում կատարվեց ատոմային ռումբի առաջին հաջող փորձարկումը: 1989 թ. - մահացել է Հերբերտ ֆոն Կարայանը, ավստրիացի աշխարհահռչակ դիրիժոր (ծնվ. 1908): 1990 թ. - Ուկրաինան անկախացավ ԽՍՀՄ-ից: 1992 թ. - Արցախյան ազատամարտերի ժամանակ ԼՂՀ ԻՊՈւ ստորաբաժանումները լայնածավալ հարձակում են սկսել գրավված Ներքին Հոռաթաղ, Մեծշեն և Մոխրաթաղ գյուղերի ուղղությամբ:
Հուլիսի 17 Անգելա Մերկել 1790 թ. – մահացել է Ադամ Սմիթը, անգլիացի ճանաչված տնտեսագետ և փիլիսոփա (ծն. 1723 թ.)։ 1868 թ. – Ճապոնիայի մայրաքաղաքը Կիոտոյից տեղափոխվեց Տոկիո: 1888 թ. – Ֆրիտյոֆ Նանսենի արշավախումբը հասնում է Գրենլանդիայի արևելյան ափ և վայրէջք կատարում լողացող սառույցների վրա: 1894 թ. – ծնվել է Ազատ Վշտունին, հայ բանաստեղծ, գրական-հասարակական գործիչ (մահ. 1958 թ.): 1943 թ. – Երկրորդ համաշխարհային պատերազմում Կուրսկի ճակատամարտում Հիտլերը որոշեց դադարեցնել նախապես ծրագրված «Ցիտադել» գործողությունը: 1954 թ. – ծնվել է Անգելա Մերկելը, գերմանացի քաղաքական գործիչ, ներկայումս Գերմանիայի կանցլեր: 1955 թ. – ԱՄՆ-ի Կալիֆորնիա նահանգում բացվեց Դիսնեյլենդը: 1975 թ. – տեղի ունեցավ խորհրդային «Սոյուզ-19» և ամերիկյան «Ապոլլոն» տիեզերանավերի միացումը: 2006 թ. – մահացել է Միքի Սփիլլեյնը, նուար ժանրի ամերիկացի գրող (ծն. 1918 թ.):	Հուլիսի 18 Նելսոն Մանդելա 64 թ. – Հին Հռոմում տեղի ունեցավ պատմությանը հայտնի Հռոմի մեծ հրդեհը: 1316 թ. – Հայ առաքելական եկեղեցու կողմից Կիլիկիայի Ադանա քաղաքում գումարվել է Ադանայի ժողովը: 1897 թ. – ծնվել է Եղիա Չուբարը, հայ լրագրող, կինոսցենարիստ, հրապարակախոս, գրական-հասարակական գործիչ (մահ. 1937 թ.): 1898 թ. – Պիեռ և Մարիա Կյուրիները Ֆրանսիական ակադեմիայում զեկույց ներկայացրին այն մասին, որ Ուրանից գոյություն ունեն այլ ռադիոակտիվ տարրեր: 1918 թ. – ծնվել է Նելսոն Մանդելան՝ Հարավաֆրիկյան Հանրապետության առաջին սևամորթ նախագահը, մարդու իրավունքների ամենահայտնի ակտիվիստներից մեկը, Նոբելյան մրցանակի դափնեկիր (մահ. 2013 թ.): 1921 թ. – Նեմեսիսի հայ վրիժառու Միսաք Թորլաքյանը Կոստանդնուպոլսում սպանեց Ադրբեջանի ներքին գործերի նախկին նախարար Բիհբութ Ժիվանշիր Խանին: 1938 թ. – մահացել է Վահան Թոթովենցը, հայ նշանավոր գրող, արձակագիր, բանաստեղծ (ծն. 1889 թ.): 1938 թ. – ծնվել է Պերճ Զեյթունցյանը հայ արձակագիր, դրամատուրգ, հրապարակախոս և թարգմանիչ։ 1999 թ. – Մեթյու Հոլմանի և Բրետ Գլեդմանի կողմից հայտնաբերվեց Ուրանի միանգամից 3 անկանոն արբանյակ՝ Ստեֆանո, Պրոսպերո և Սետեբոս:
Հուլիսի 19 Վլադիմիր Մայակովսկի 711 թ. – Գվադալետեի մոտ տեղի ունեցած ճակատամարտում արաբները հաղթանակ տարան վեստգոթերի նկատմամբ և դրանով սկսվեց Պիրենեյան թերակղզու գրավումը արաբական խալիֆայության կողմից։ 1834 թ. – ծնվել է Էդգար Դեգան, ֆրանսիացի հռչակավոր գեղանկարիչ, գրաֆիկ, քանդակագործ (մահ. 1917 թ.)։ 1893 թ. – ծնվել է Վլադիմիր Մայակովսկին, ռուս հայտնի գրող, բանաստեղծ, դրամատուրգ (մահ. 1930 թ.)։ 1934 թ. – մահացել է Սիպիլը՝ Զաբել Հովհաննեսի Խանջյան, հայ գրող, մանկավարժ, հասարակական գործիչ (ծն. 1863 թ.)։ 1949 թ. – Լաոսը անկախացավ Ֆրանսիայից։ 1989 թ. – ԱՄՆ-ի Այովա նահանգի Սու Սիտի քաղաքի օդակայանում տեղի ունեցած ավիավթարի հետևանքով ինքնաթիռում գտնվող 296 հոգուց մահացան 111-ը։ 1996 թ. – ԱՄՆ-ում Ջորջիա նահանգի Ատլանտա քաղաքում մեկնարկեցին 26-րդ ամառային օլիմպիական խաղերը։ 2010 թ. – մահացել է Ռաֆայել Նահապետյանը, հայ գրող, արձակագիր (ծն. 1946 թ.)։ 2011 թ. – մահացել է Կարեն Խաչատրյանը, հայ նշանավոր կոմպոզիտոր (ծն. 1920 թ.)։	Հուլիսի 20 Բրյուս Լին որդու՝ Բրենդոն Լիի հետ 1240 թ. – օծվեց Գանձասար վանական համալիրը։ 1810 թ. – Կոլումբիան հռչակեց իր անկախությունը Իսպանիայից։ 1914 թ. – ծնվել է Հունան Ավետիսյանը, Երկրորդ համաշխարհային պատերազմի մասնակից հայ զինվոր, հայտնի է նրանով, որ մարտի ժամանակ իր մարմնով փակել է հակառակորդի կրակակետը, ինչի համար հետմահու ստացել է ԽՍՀՄ հերոսի կոչում։ 1924 թ. – Փարիզում ստեղծվեց Շախմատի միջազգային ֆեդերացիան։ 1928 թ. – ծնվել է Մինաս Ավետիսյանը, հայ նշանավոր գեղանկարիչ (մահ. 1975 թ.)։ 1944 թ. – Ադոլֆ Հիտլերի դեմ անհաջող մահափորձ կատարվեց։ 1969 թ. – ամերիկյան «Ապոլոն 11» տիեզերանավը պատմության մեջ առաջին անգամ իջավ լուսնի վրա։ 1973 թ. – մահացել է Բրյուս Լին, կինոդերասան, ռեժիսոր, արևելյան մարտարվեստների մեծագույն վարպետներից մեկը (ծն. 1940 թ.)։ 1991 թ. – զոհվեց Ջիվան Աբրահամյանը, Արցախյան ազատամարտի հրամանատարներից, Հայաստանի ազգային հերոս (ծն. 1961 թ.)։
Հուլիսի 21 Սերգեյ Փարաջանովին նվիրված ՀՀ փոստային նամականիշ (1999) մ.թ.ա. 365 թ. – ավանդության համաձայն Հերոստրատոսը այրեց աշխարհի յոթ հրաշալիքներից մեկը` Արտեմիսի տաճարը Եփեսոսում։ 735 թ. – մահացել է Ստեփանոս Սյունեցին, հայ միջնադարյան քերականագետ, թարգմանիչ, բանաստեղծ և երաժիշտ, նշանավոր մշակութային և եկեղեցական գործիչ, (ծն. 660-ական թթ.)։ 1847 թ. – Բոլիվիան հռչակեց իր անկախությունը։ 1905 թ. – հայ դաշնակցականների կողմից Ստամբուլի Եըլտիզ մզկիթում Աբդուլ Համիդ II-ի դեմ մահափորձ կազմակերպվեց։ 1915 թ. – սկսվեց Մուսա լեռան հերոսամարտը։ 1969 թ. – ամերիկացի տիեզերագնաց Նիլ Արմսթրոնգը պատմության մեջ առաջին անգամ ոտք դրեց լուսնի վրա։ 1982 թ. – Ջաջուռում բացվեց Մինաս Ավետիսյանի տուն-թանգարանը։ 1992 թ. – մահացել է Հովհաննես Զարդարյանը, հայ ժողովրդական նկարիչ, ԽՍՀՄ Արվեստի ակադեմիայի իսկական անդամ, պրոֆեսոր (ծն. 1918 թ.)։ 1994 թ. – մահացել է Սերգեյ Փարաջանովը, հայ կինոռեժիսոր («Մոռացված նախնիների ստվերները», «Նռան գույնը», ծն. 1924 թ.)։	Հուլիսի 22 Ալաշկերտի 1915 թ. օպերացիայի սխեման 1099 թ. – խաչակիրների կողմից ստեղծված Երուսաղեմի թագավորության ղեկավար դարձավ Գոդֆրուա Բուլյոնցին։ 1878 թ. – ծնվել է Յանուշ Կորչակը, լեհ բժիշկ, մանկավարժ, գրող, լրագրող, հասարակական գործիչ։ Նա առաջինն էր, ով քայլեր ձեռնարկեց երեխաների իրավունքների և երեխաների լրիվ հավասարության ոլորտում (մահ. 1942 թ.)։ 1915 թ. – Առաջին համաշխարհային պատերազմում Ալաշկերտի օպերացիայի ժամանակ Կովկասյան բանակի հրամանատարությունը պահեստային ուժերից կազմեց հատուկ հարվածային զորախումբ և գեներալ Ն.Ն. Բարաթովի հրամանատարությամբ Դահար գյուղի մոտից հարձակվեց Աբդուլ Քերիմ փաշայի զորախմբի վրա։ 1918 թ. – Շուշիում տեղի է ունենում Արցախահայության անդրանիկ համագումարը (ԱՀՀ), որը Լեռնային Ղարաբաղը հայտարարում է «անկախ վարչա-քաղաքական տարածք», ընտրում է Ազգային Խորհուրդ և հիմնում ժողովրդական կառավարություն։ 1927 թ. – հիմնադրվեց Ռոմա իտալական ֆուտբոլային ակումբը։ 1944 թ. – ստեղծվեց Արժույթի միջազգային հիմնադրամը։ 1965 թ. – ծնվել է Շոն Մայքլզը, ամերիկացի պրոֆեսիոնալ ըմբշամարտիկ և հեռուստահաղորդավար։ 2011 թ. – Նորվեգիայի մայրաքաղաք Օսլոյում տեղի ունեցած ահաբեկչական պայթյունի հետևանքով զոհվեց 77 մարդ, 151-ը ստացան վնասվածքներ։
Հուլիսի 23 Amiga 1000 համակարգիչ 1298 թ. – սպանվեց Կիլիկիայի հայկական թագավորության թագավոր Թորոս Գ-ն (ծն. 1270 թ.)։ 1812 թ. – տեղի ունեցավ Սալթանովյան ճակատամարտը ռուս-ֆրանսիական զորքերի միջև, այն Ռուսների և Նապոլեոնյան բանակների պատերազմի առաջին ճակատամարտերից էր։ 1881 թ. – ստեղծվեց Մարմնամարզության միջազգային ֆեդերացիան՝ ամենահին միջազգային սպորտային ֆեդերացիան։ 1948 թ. – մահացել է Դեյվիդ Ուորկ Գրիֆիթը, ամերիկացի նշանավոր ռեժիսոր, մեծ ներդրում է ունեցել ամերիկյան և համաշխարհային կինոյի զարգացման մեջ (ծն. 1875 թ.)։ 1985 թ. – ստեղծվեց աշխարհում առաջին մուլտիմեդիա անհատական համակարգիչը՝ Ամիգան։ 1989 թ. – ծնվել է Դենիել Ռեդքլիֆը, անգլիացի դերասան, հայտնի է Հարի Փոթերի դերակատարմամբ Ջոան Ռոուլինգի գրքաշարի հիման վրա նկարահանված ֆիլմերում։ 1992 թ. – Աբխազիան հայտարարեց իր անկախությունը Վրաստանից։ 1993 թ. – Արցախյան ազատամարտի ժամանակ հայկական զինված խմբավորումները Վիտալի Բալասանյանի հրամանատարությամբ գրավեցին Աղդամ քաղաքը։ 1995 թ. – հայտնաբերվեց ամենապայծառ գիսաստղերից մեկը` Հեյլ-Բոպպի գիսաստղը։	Հուլիսի 24 Ջենիֆեր Լոպես 1701 թ. – ֆրանսիացի Անտուան Լոմեի կողմից հիմնադրվեց Դետրոյթ քաղաքը։ 1783 թ. – ծնվել է Սիմոն Բոլիվարը, լատինամերիկյան զինվորական և պետական գործիչ, 1810–26 թթ. ընթացող Ամերիկայի իսպանական գաղութների անկախության պայքարի ամենաազդեցիկ և հայտնի ղեկավարը (մահ. 1830 թ.)։ 1802 թ. – ծնվել է Ալեքսանդր Դյումա (հայր)ը, ֆրանսիացի հանրահայտ գրող (մահ. 1870 թ.)։ 1935 թ. – Թբիլիսիում գործարկվեց մանկական երկաթուղին, որը ներկայումս գոյություն ունեցողներից ամենահինն է։ 1969 թ. – ծնվել է Ջենիֆեր Լոպեսը, հանրահայտ ամերիկացի երգչուհի, նաև երգահան ու դերասանուհի։ 1977 թ. – ավարտվեց Եգիպտոսի և Լիբանանի միջև սկսված քառօրյա պատերազմը։ 2012 թ. – Լատվիայի Յուրմալա քաղաքում սկսվեց Նոր ալիք 2012 երգի միջազգային մրցույթը։
Հուլիսի 25 Վլադիմիր Վիսոցկի 373 թ. – մահացել է ամենայն հայոց կաթողիկոս Ներսես Ա Մեծ-ը, Հայ Առաքելական Եկեղեցու տոնելի սրբերից մեկը։ 1567 թ. – հիմնադրվեց Վենեսուելայի մայրաքաղաք Կարակասը։ 1897 թ. – Հայ Հեղափոխական Դաշնակցության կողմից կազմակերպվեց Խանասորի արշավանքը: Հայ ազատամարտիկները հարձակվեցին քրդական մազրիկ ցեղախմբի վրա և կոտորեցին նրանց: 1896-ին քուրդ մազրիկ ցեղախումբը, սուլթան Աբդուլ Համիդի հրամանով, Վանի հայոց ինքնապաշտպանության ժամանակ սպանել էր հայ մարտիկների։ 1922 թ. – Նեմեսիս գործողության շրջանակներում Թիֆլիսում Պետրոս Տեր-Պողոսյանը և Արտաշես Գևորգյանը սպանեցին Թուրքիայի ռազմածովային ուժերի նախկին նախարար Ջեմալ փաշային, որին դաժանության համար «մսագործ» էին անվանում: Այդ գործողությանը մասնակցել են նաև Ստեփան Ծաղիկյանը և Զարեհ Մելիք-Շահնազարյանցը։ 1975 թ. – ծնվել է Արմեն Աշոտյանը, հայ քաղաքական և հասարակական գործիչ, Հայաստանի Ազգային ժողովի պատգամավոր, Հայաստանի Հանրապետական Կուսակցության խորհրդի անդամ, Հայաստանի կրթության և գիտության նախարար (2009-2016)։ 1980 թ. – մահացել է Վլադիմիր Վիսոցկին, ռուս նշանավոր երգիչ, երգահան և դերասան (ծն. 1938)։ 1996 թ. – մահացել է Միքայել Թարիվերդիևը, ազգությամբ հայ խորհրդային նշանակավոր երգահան, Ռուսաստանի ժողովրդական արտիստ, բազմաթիվ ֆիլմերի երաժշտության հեղինակ (ծն. 1931)։ 2000 թ. – Փարիզի մերձակայքում Էյր Ֆրանս ավիաընկերության Կոնկորդ ինքնաթիռի վթարի հետևանքով մահացան ինքնաթիռում գտնվող բոլոր 109 մարդիկ։	Հուլիսի 26 Քիմ Բեքինսեյլ, 2011 թ. լուսանկար 1788 թ. – Նյու Յորք նահանգը մտավ ԱՄՆ-ի կազմի մեջ՝ դառնալով նրա 11-րդ նահանգը։ 1847 թ. – Լիբերիան առաջինն էր Աֆրիկյան գաղութներից, որ հռչակեց իր անկախությունը։ 1882 թ. – Գերմանիայում առաջին անգամ բեմադրվեց Ռիխարդ Վագների «Պարսիֆալ» օպերան։ 1887 թ. – Վարշավայում տպագրվեց էսպերանտո միջազգային լեզվի մեկնաբանության մասին առաջին գիրքը։ 1897 թ. – ծնվել է Կարո Հալաբյանը, հայ խորհրդային նշանավոր ճարտարապետ (մահ. 1959 թ.): 1905 թ. – ծնվել է Վախթանգ Անանյանը, հայ գրող, արձակագիր, լրագրող, հայ գրականության մեջ արկածային ժանրի հիմնադիրներից մեկը («Հովազաձորի գերիները», «Սևանի ափին», մահ. 1980 թ.): 1928 թ. – ծնվել է Սթենլի Կուբրիկը, ամերիկացի ճանաչված ռեժիսոր, նրա նկարահանած գրեթե բոլոր ֆիլմերը համարվում են կուլտային («Սպարտակ», մահ. 1990 թ.): 1973 թ. – ծնվել է Քեյթ Բեքինսեյլը, անգլիացի դերասանուհի։ 1999 թ. – ավարտվեց Կարգիլյան պատերազմը՝ Հնդկաստանի ու Պակիստանի միջև։
Հուլիսի 27 Միխայիլ Լերմոնտովի դիմանկար 1824 թ. – ծնվել է Ալեքսանդր Դյումա (որդի)ն, ֆրանսիացի նշանավոր գրող, Ֆրանսիական ակադեմիայի անդամ (մահ. 1895 թ.)։ 1841 թ. – մահացել է Միխայիլ Լերմոնտովը, ռուս նշանավոր բանաստեղծ, դրամատուրգ և արձակագիր (ծն. 1814 թ.)։ 1866 թ. – ավարտվեց Մեծ Բրիտանիան ԱՄՆ-ին միացնող Տրանսատլանտյան հեռախոսային մալուխի միացումը։ 1938 թ. – ծնվել է Հակոբ Իշխանյանը, հայ քանդակագործ։ 1959 թ. – ծնվել է Վահրամ Մարտիրոսյանը, հայ գրող, կինոսցենարիստ, լրագրող։ 1981 թ. – ծնվել է Էդվարդ Մանուկյանը, հայ դասական երաժշտության կոմպոզիտոր։ 1989 թ. – ներկայիս Ադրբեջանի տարածքում գտնվող Դաշկեսանի շրջանի Բանանց գյուղի վերջին բնակիչները բռնագաղթվեցին։ 1995 թ. – հիմնվեց Հայաստանի բանկերի ասոցիացիան։ 2002 թ. – Ուկրաինայի Լվով քաղաքի մերձակայքում կազմակերպված ավիացիոն շոուի ժամանակ վթարված ինքնաթիռը ընկավ հանդիսատեսների վրա, ինչի հետևանքով մահացավ մոտ 80 մարդ։ 2012 թ. – Մեծ Բրիտանիայի մայրաքաղաք Լոնդոնում սկսվեցին Ամառային Օլիմպիական խաղեր 2012-ը։	Հուլիսի 28 դրվագներ Առաջին համաշխարհային պատերազմից 1741 թ. – մահացել է Անտոնիո Վիվալդին, իտալացի նշանավոր երգահան, ջութակահար, մանկավարժ (ծն. 1678 թ.): 1821 թ. – Պերուն հռչակեց իր անկախությունը Իսպանիայից: 1896 թ. – ԱՄՆ-ի Ֆլորիդա նահանգում հիմնվեց Մայամի քաղաքը: 1914 թ. – սկսվեց Առաջին համաշխարհային պատերազմը: 1937 թ. – ծնվել է Ֆրանսիս Վեբերը, ծագումով հայ, ֆրանսիացի հայտնի կինոռժիսոր: 1954 թ. – ծնվել է Ուգո Չավեսը, Վենեսուելայի նախկին նախագահը (մահ. 2013 թ.): 1976 թ. – Չինաստանում տեղի ունեցած ավերիչ երկրաշարժի հետևանքով մահացավ մոտ 655,000 մարդ: 1992 թ. – Աֆղանստանում արգելվեց կանանց ցուցադրել հեռուստատեսությամբ:
Հուլիսի 29 Հովհաննես Այվազովսկու «9-րդ ալիք» կտավը, 1850 թ. 1817 թ. – ծնվել է Հովհաննես Այվազովսկին, հայազգի աշխարհահռչակ ծովանկարիչ (մահ. 1900): 1845 թ. – գերմանացի երկրաբան Հերման Աբիխը թարգմանիչ Պ. Շարոյանի և երկու այլ հայերի ուղեկցությամբ բարձրացավ Արարատի գագաթը: 1907 թ. – Մեծ Բրիտանիայի բանակի Գեներալ-լեյտենանտ Ռոբերտ Բեյդըն Փաուելը ստեղծեց առաջին սկաուտական կազմակերպությունը: 1927 թ. – ծնվել է Հարի Մուլիշը, հոլանդացի ականավոր գրող, դրամատուրգ, բանաստեղծ (մահ. 2010 թ.): 1928 թ. – ծնվել է Կոնստանտին Օրբելյանը, հայ նշանավոր երգահան, դաշնակահար, դիրիժոր (մահ. 2014): 1929 թ. – ծնվել է Ավետ Տերտերյանը, հայ երգահան (մահ. 1994 թ.): 1958 թ. – ստեղծվեց ՆԱՍԱ-ն, ԱՄՆ-ի Օդագնացության և տիեզերական տարածության հետազոտությունների ազգային վարչությունը: 1981 թ. – տեղի ունեցավ Արքայազն Չարլզի և Դիաննա Սփենսերի հարսանիքը: 1983 թ. – մահացել է Լուիս Բունյուելը, իսպանացի նշանավոր ռեժիսոր, կինեմատոգրաֆի մեջ սյուրռեալիզմի խոշորագույն ներկայացուցիչներից մեկը (ծն. 1900 թ.): 2010 թ․ - Վագրի համաշխարհային օր	Հուլիսի 30 Առնոլդ Շվարցենեգերը, 2019 թ. լուսանկար 762 թ. – հիմնադրվեց Իրաքի մայրաքաղաք Բաղդադը։ 1818 թ. – ծնվել է Էմիլի Բրոնտեն, անգլիացի գրող, բանաստեղծուհի և վիպասան (մահ. 1848 թ.)։ 1863 թ. – ծնվել է Հենրի Ֆորդը, ամերիկացի հայտնի գործարար, մեծ ներդրում ունի ավտոմեքենաշինության մեջ (մահ. 1947)։ 1896 թ. – ծնվել է Սեդրակ Շարիմանյանը, հայ նշանավոր վիրաբույժ, Հայաստանում ժամանակակից վիրաբուժության հիմնադիրներից մեկը (մահ. 1989 թ.)։ 1923 թ. – ծնվել է Հրանտ Շահինյանը, հայ խորհրդային մարմնամարզիկ, ԽՍՀՄ սպորտի վաստակավոր վարպետ, ՀԽՍՀ վաստակավոր մարզիչ (մահ. 1996 թ.)։ 1938 թ. – հայտնաբերվեց Յուպիտեր մոլորակի անկանոն բնական արբանյակ Կարմեն։ 1947 թ. – ծնվել է Առնոլդ Շվարցենեգերը, ծագումով ավստրիացի, ամերիկյան հռչակավոր դերասան, բոդիբիլդինգի մարզիկ, քաղաքական գործիչ, Կալիֆորնիայի նախկին նահանգապետ, իր նահանագապետ եղած ժամանակում Կալիֆորնիա նահանգը ճանաչել է Հայոց Ցեղասպանությունը։ 1948 թ. – ծնվել է Ժան Ռենոն, ծագումով իսպանացի, ֆրանսիացի ճանաչված դերասան։ 1980 թ. – Վանուատուն անկախացավ Ֆրանսիայից և Մեծ Բրիտանիայից։ 1984 թ. – NBC հեռուստաընկերությամբ սկսվեց «Սանտա Բարբարա» հեռուստասերիալի առաջին ցուցադրությունը։
Հուլիսի 31 Լոուջան Հատլուլ 904 թ. – Արաբները գրավեցին Բյուզանդական կայսրության երկրորդ ամենամեծ քաղաքը՝ Սալոնիկը (նախկինում Թեսաղոնիկե)։ 1784 թ. – մահացել է Դենի Դիդրոն, ֆրանսիացի նշանավոր փիլիսոփա, մատերիալիստ, գրող, արվեստաբան (ծն. 1713 թ.)։ 1498 թ. – Քրիստափոր Կոլումբոսը իր երրորդ ճանապարհորդության ժամանակ հայտնաբերեց Տրինիդադ կղզին։ 1815 թ. – Անգլիայի Դարհեմյան կոմսության Ֆիլադելֆիա գյուղի մոտ շոգեքարշի ցուցադրության ժամանակ տեղի ունեցած վթարի հետևանքով մահացավ 16 մարդ, այն պատմության առաջին գնացքների հետ կապված վթարն էր։ 1886 թ. – մահացել է Ֆերենց Լիստը, հունգարացի մեծանուն երգահան, դիրիժոր, դաշնակահար, երաժշտական ռոմանտիզմի խոշորագույն ներկայացուցիչներից մեկը (ծն. 1811 թ.)։ 1914 թ. – ծնվել է Լուի դը Ֆյունեսը, ֆրանսիացի աշխարհահռչակ կատակերգակ դերասան (մահ. 1983 թ.)։ 1947 թ. – մահացել է Համո Օհանջանյանը, հայ քաղաքական, պետական գործիչ ՀՅԴ անդամ (ծն. 1873 թ.)։ 1965 թ. – ծնվել է Ջոան Ռոուլինգը, անգլիացի կին գրող, հայտնի է դարձել Հարի Փոթերի մասին վիպաշարից։ 1988 թ. ֊ ծնվել է Լոուջան Հատլուլը՝ Սաուդյան Արաբիայի բնակչուհի, հասարակական գործիչ, այլադավան, կանանց իրավունքների պաշտպանության և սոցիալական մեդիայի շարժման ակտիվիստ: 2005 թ. – վաճառքի հանվեց առաջին եռաչափ հայկական համակարգչային խաղը՝ Երևան Դրայվը։ 2008 թ. – ՆԱՍԱ-ի «Ֆենիքս» սարքի միջոցով Մարս մոլորակի վրա հայտնաբերվեց սառույցի վիճակում ջուր։