Բոինգ 757
Բոինգ 757 | |
---|---|
Տեսակ | թռչող ապարատների ընտանիք |
Ենթատեսակ | narrow-body jet airliner with 2 engines? |
Օգտագործվում է ինչպես | առևտրային ավիացիա |
Արտադրող | Boeing Commercial Airplanes |
Առաջին թռիչք | 1982 թ. փետրվարի 19 |
Շահագործման սկիզբ | 1983 |
Կարգավիճակ | շահագործվող |
Շահագործողներ | American Airlines (143) Delta Air Lines (121) United Airlines (97) United Parcel Service (75) |
Արտադրման թվականներ | 1982 - 2004 |
Միավոր արտադրված | 1 050 |
Միավորի արժեք | 757-200` $65 մլն. (2002) 757-300` $80 մլն. (2002) |
Boeing 757` ամերիկյան Բոինգ ընկերության արտադրության միջին հեռավորության օդանավ է։
Ընդհանուր տեղեկություններ
[խմբագրել | խմբագրել կոդը]Արտադրության դրվելու սկզբում նախատեսված է եղել British Airways և Eastern Air Lines ընկերությունների հնացող Boeing 727-ներին փոխարինելու համար։ Հետագայում սկսել է լայնորեն օգտագործվել Միացյալ Նահանգների քաղաքների, ինչպես նաև` Հյուսիսային Ամերիկայի արևելյան ափի և ևրոպայի միջև իրականացվող տրանսատլանտյան ծանրաբեռնված երթուղիներում։ Ընդհանուր առմամբ, 757-ը համարվում է Բոինգ-ի առավել հաջողված կոմերցիոն նախագծերից մեկը[1]։
Boeing 757-ը միջին չափսերի, նեղ մարմնով երկու շարժիչանի օդանավ է։ Ընդունակ է փոխադրելու 200-ից 295 ուղևոր 5830-ից 7590 կիլոմետրի վրա։ Արտադրվել է 1982-ից սկսած։ Արտադրությունը դադարեցվել է 2004 թ. հոկտեմբերի 28-ին 1050 հատ արտադրելուց հետո[2]։ Այս տեսակի վերջին օդանավը 2005 թ. նոյեմբերի 28-ին փոխանցվել է Shanghai Airlines ընկերությանը։ Ենթարկվել է ութ կործանարար վթարների, որոնցից յոթը՝ զոհերով։
Ստեղծման պատմությունը
[խմբագրել | խմբագրել կոդը]70-ականների սկզբին 747-ի արձակումից հետո Boeing-ն սկսեց զարգացնել նեղ մարմնով 727-ը[3]։ Ստեղծված լինելով կարճ և միջին չվուղիների համար, երեք շարժիչանի 727-ը 1960-ականների ամենալավ վաճառվող օդանավն էր և միացյալ նահանգների ներքին օդուղիների շուկայի հիմնասյունը[3][4]։ Աշխատանքները կենտրոնացան 727-ի ամենահաջողված 189 տեղանոց 727-200-ը զարգացնելու վրա։ Կար երկու մոտեցում՝ զարգացրած 727-300 և բոլորովին նոր օդանավ՝ 7N7 անունով[5]։ Առաջին տարբերակն ավելի էժան էր արժենալու, քանի որ պետք է օգտագործվեր 727-ի գոյություն ունեցող տեխնոլոգիան՝ նոր նյութերով։
Չափանիշները
[խմբագրել | խմբագրել կոդը]757-200 | 757-200PF | 757-300 | |
---|---|---|---|
Անձնակազմը | Երկու | ||
Նստատեղեր | 200 (երկրորդ կարգի) 239 (առաջին կարգի) |
N/A | 243 (երկրորդ կարգի) 295[6] (առաջին կարգի, առավելագույնը) |
Բեռնախցի ծավալը | 43.3 մ3 | ||
Երկարությունը | 47.32մ | 54.47մ | |
Թևերի բացվածքը | 38.05մ | ||
Պոչի բարձրությունը | 13.56մ | ||
Դատարկ քաշը | 57 840կգ | 64 590կգ | |
Առավելագույն բեռնված քաշը | 115 680կգ | 123 600կգ) | |
Ճախրելու արագությունը | 530կմ/ժ, 850կմ/ժ 10.66կմ բարձրության վրա | ||
Առավելագույն արագությունը | 567կմ/ժ, 913կմ/ժ | ||
Վառելիքի պաշարը | 43 490լ | 42 680լ | 43 400լ |
Թռիչքայի բարձրությունը | 12,800մ | ||
Շարժիչները (×2) | Rolls-Royce RB211 Pratt & Whitney PW2037 Pratt & Whitney PW2000 |
Rolls-Royce RB211 Pratt & Whitney PW2037 Pratt & Whitney PW2000 Pratt & Whitney PW2000 |
Վթարներ և պատահարներ
[խմբագրել | խմբագրել կոդը]Նավի համարը | Ամսաթիվ | Վայրը | Նկարագրությունը | Զոհեր | Նավում եղածներ |
---|---|---|---|---|---|
1990 թ. հոկտեմբերի 2 | Գուանչժոու | Թռիչքի սպասելիս բախվել է վազքուղու վրա ընկած B737-ի հետ | 46 | 122 | |
1995 թ. դեկտեմբերի 20 | Բուգա (Կոլումբիա) | Կործանվել է լեռներում անձնակազմի սխալից | 159 | 163 | |
1996 թ. փետրվարի 6 | Ատլանտյան օվկիանոս | Արագության ցուցիչը բաց է եղել թռիչքից առաջ մի քանի օր և տվել է սխալ ցուցմունք | 189 | 189 | |
1996 թ. հոկտեմբերի 2 | Խաղաղ օվկիանոս | Լվացման ժամանակ կպչուն ժապավենով փակել են Պիտոյի խողովակը և մոռացել են հանեն | 70 | 70 | |
1999 թ. սեպտեմբերի 14 | Ժիրոնա, Իսպանիա | Հեղեղի ժամանակ կատարված կոշտ վայրէջքից դուրս է գլորվել վազքուղուց և ջարդվել է երեք մասերի[7] | 0 | 245 | |
2001 թ. սեպտեմբերի 11 | Վաշինգտոն | Բռնագրավել են ահաբեկիչները և ուղղել են Պենտագոնի շենքի վրա | 125+64 | 64 | |
2001 թ. սեպտեմբերի 11 | Փենսիլվանիա, Միացյալ Նահանգներ | Կործանվել է այն բանից հետո, երբ ահաբեկիչները պայքարի մեջ են մտել ահաբեկիչների հետ | 44 | 44 | |
2002 թ. հուլիսի 1 | Բոդենի լճի վերևում, Գերմանիա | Կարգավարի սխալից օդում բախվել է Տու 154-ի հետ | 69+2 | 2 |
Ծանոթագրություններ
[խմբագրել | խմբագրել կոդը]- ↑ McMillin, Molly (2004 թ․ օգոստոսի 10). «Wichita's final 757 to take a bow». Wichita Eagle. Արխիվացված օրիգինալից 2005 թ․ ապրիլի 27-ին. Վերցված է 2012 թ․ ապրիլի 10-ին.
- ↑ «Boeing Marks Completion of its 757 Commercial Airplane Program»
- ↑ 3,0 3,1 Norris & Wagner 1998, էջեր. 143–45.
- ↑ Norris & Wagner 1999, էջ. 12.
- ↑ Norris & Wagner 1998, էջ. 144.
- ↑ FAA Type Certificate Data Sheet http://rgl.faa.gov/Regulatory_and_Guidance_Library/rgMakeModel.nsf/0/76f1b4b597ac25cf86257d430062f219/$FILE/A2NM_Rev_31.pdf Արխիվացված 2016-01-03 Wayback Machine
- ↑ «Accident Database: Accident Synopsis 09141999». Արխիվացված է օրիգինալից 2014 թ․ մարտի 1-ին. Վերցված է 2015 թ․ հունվարի 3-ին.
Վիքիպահեստն ունի նյութեր, որոնք վերաբերում են «Բոինգ 757» հոդվածին։ |
|
|