Perimetro

Perimetro es le distantia circa un figura de duo dimensiones, o le mensuration del distantia circa alicun; le longitude del frontiera.

Un perimetro es un linea que circumfere un area. Le parola proveni del grec περί- (peri- circa) e μετρος (metros mesura). Le termino pote usar se pro le sentiero o su longitude; pote esser pensate a como le longitude del frontiera de un figura. Le perimetro de un circulo se appella circumferentia.

Usos practical

Quando le radio de un circulo es 1, su perimetro es 2π, le qual etiam es le distantia que illo se volve in un revolution.

Calculation del perimetro ha applicationes practical considerabile. Le perimetro poter esser usate pro calcular le longitude de un barriera que se require pro circumferer un corte o jardin. Le perimetro de un rota (su circumferentia) describe le distantia que volve in un revolution. Similarmente, le amonto de corda bobinate circa un bobina es connexe con le perimetro del bobina.

Formulas

figura	formula	variabiles
circulo	$2\pi r\,$	ubi $r$ es le radio.
triangulo	$a+b+c\,$	ubi $a$, $b$, e $c$ es le longitudes del lateres del triangulo.
quadrato/rhombo	$4l$	ubi $l$ es le longitude de un latere.
rectangulo	$2(l+a)$	ubi $l$ es le longitude e $a$ es le amplitude.
polygono equilateral	$n\times a\,$	ubi $n$ en le numero de lateres e $a$ es le longitude de un del lateres.
polygono regular	$2nb\sin({\frac {\pi }{n}})$	ubi $n$ es le numero de lateres e $b$ es le distantia inter le centro del polygono e un del vertices del polygon.
polygon general	$a_{1}+a_{2}+a_{3}+\ldots +a_{n}=\sum _{i=1}^{n}a_{i}$	ubi $a_{i}$ es le longitude del $i$-sime (1me, 2nde, 3tie ... n-esime) latere de un polygono de n lateres.

Perimetro es le distantia circa omne de un figura. Perimetros pro figuras plus general pote calcula se como alicun sentiero con $\int _{0}^{L}\mathrm {d} s$ ubi $L$ es le longitude del sentiero e $ds$ es un elemento linear infinitessime. Ambes de istos debe reimplaciar se con formas algebraic altere pro se solver: un notion avantiate de perimetro, que include hypersuperficies que circumfere volumines in spatios euclidean $n$-dimensional pote trovar se in le theoria de ensembles Caccioppoli.

Vide etiam

• Circumferentia
• Area
• Volumine

Nota

Iste pagina contine material traducite ab Wikipedia in anglese. Le articulo original se trova a en:Perimeter, e es usate secundo le mandatos del licentia de Wikipedia.