Lingsat San Bernardino
Ti Lingsat San Bernardino (Filipino: Kipot ng San Bernardino) ket ti maysa a lingsat iti Filipinas, a mangikapet iti Baybay Samar iti Baybay Filipinas. Daytoy ket mangisina iti Peninsula ti Bicol iti isla ti Luzon manipud iti Samar iti abagatan.[1]
Lingsat San Bernardino | |
---|---|
Ti lingsat nga agraman iti Is-isla San Bernardino iti adayo | |
Lokasion | |
Nagsasabtan | 12°35′15″N 124°11′47″E / 12.58750°N 124.19639°ENagsasabtan: 12°35′15″N 124°11′47″E / 12.58750°N 124.19639°E |
Kita | lingsat |
Etimolohia | Is-isla San Bernardino |
Pakasaritaan
urnosenTi immuna a repernsia iti kadagiti Espaniol ken ti Lingsat San Bernardino ket idi las-ud ti ekspedision ti 1543–1545 ni Ruy Gomez de Villalobos, nga isu ket inpatulod babaen ti Birrey ti Mehiko babaen kadagiti bilin ti Nasantuan a Romano nga Emperador Carlos V tapno mangpundar iti kolonia ti Espaniol iti asideg ti sinakop ti Portuges nga Is-isla Rekado ti Maluku.[2]
Idi las-ud ti di nagballigi nga ekspedision, ti kaikaisuna a barko, ti bassit a San Juan de Letran nga agraman laeng iti bassit a bilang dagiti aglaylayag iti 20 a lallaki, ket naglayagda kadagiti ad-adu ngem 5,000 a kilometro kadagiti danum ti Filipinas, a mairaman ti Lingsat ti San Bernardino, ken ti Lingsat San Juanico iti pagbaetan ti Samar ken Leyte.[2]
Ti San Juan ket kompleto pay a naglayag a nanglikmut iti isla ti Mindanao, ken pinadasna nga inabot ti Mehiko ngem naipasubli idiay Marianas babaen ti bagio idiay Amianan a Pasipiko. Daytoy ket nakasubli met idiay Filipinas (kas iti Samar ken Leyte a ninaganan babaen ni Villalobos), ken idi Enero 3, 1544 naisaradsad kadagiti nagulib nga anod ti Lingsat San Bernardino "ken kasla met dagitinaaramid kadagiti sangadosena a bapor ti Espaniol kadagiti simmaruno a tallo a siglo".[2]
Maikadua a Gubat ti Sangalubongan
urnosenIdi las-ud ti Gubat ti Golpo ti Leyte, inpan ni Admiral Kurita ti maysa nga Imperial a Hapon ti kangrunaan a puersa dagiti barporna babaen ti lingsat tapno maabotanna dagiti nakaangkla a bapor dagiti Amerikano idiay Golpo Leyte, ngem nagsanod met kalpasan ti Gubat ti Samar.
Dagiti nagibasaran
urnosen- ^ "San Bernardino Strait, Philippines". World gazetteer and geographical information. Collins Maps. Naiyarkibo manipud iti kasisigud idi 29 Oktubre 2013. Naala idi 28 Oktubre 2013.
- ^ a b c Wiliam Henry Scott (1985) Cracks in the parchment curtain and other essays in Philippine history. New Day Publishers. ISBN 971-10-0074-1, p 49–52
Dagiti akinruar a silpo
urnosen Dagiti midia a mainaig iti Lingsat San Bernardino iti Wikimedia Commons