Panangidakamat ti mannurat (botanika)
Iti botaniko a nomenklatura, ti panangidakamat ti mannurat ket mangibagbaga ti panangidakamat ti tao (wenno grupo ti tattao) nga umiso a nangipablaak ti botaniko a nagan, kasla ti immuna a nangipablaak ti nagan bayat a nangtungpal kadagiti pormal a kammasapulan a kas inkeddeng babaen ti Internsional a Kodigo ti Botaniko a Nomenklatura (ICBN).[1] Iti botanika, kadawyan daytoy (ngem saan a nasken) ti panangiyababa ti nagnagan ti mannurat segun ti mabigbig a listaan dagiti alagaden a pangyababaan. Kadagiti kaso no dagiti sebbangan ket saaen nga adda iti kasisigudna a heneriko a puesto (kasla ti baro a kombinasion iti henero ken ti naisangayan nga epiteto), maited dagiti mannurat ti kasisigud a puesto ken dagiti baro a kombinasion (ti dati iti parentesis).
Adda met dagiti paggiddiatan a nagbaetan ti botaniko a Kodigo ken ti kadawyan a panagsanay iti soolohia. Kas pagarigan, iti soolohia ti tawen a pannakaipablaak ket maited kalpasan ti nagan wenno nagnagan ti mannurat ken ti nagsurat ti baro a kombinasion ket kadawyan a saan a mainayon. Ti bassit met a bilang kadagiti ad-adu nga espesialisado a panagsanay ket agdumaduma pay iti pagbaetan kadagiti singasing kadagit kodigo ti botaniko ken soolohiko.
Dagiti nagibasaran
Bibliograpia
- McNeill, John; Barrie, F.R.; Burdet, H.M. & Demoulin, V., dagiti ed. (2006), International code of botanical nomenclature (Vienna Code) adopted by the seventeenth International Botanical Congress, Vienna, Austria, Hulio 2005 (eletroniko nga ed.), Vienna: International Association for Plant Taxonomy, naala idi 2011-02-20
Dagiti akinruar a silpo
 | Daytoy nga artikulo ket pungol. Makatulongka iti Wikipedia babaen ti panagnayon iti daytoy. |