Wp/rif/Arrif
Arrif (niɣ Idurar n Arrif) d ijjt n temnaḍt deg Ugafa n Lmeɣrib. Imezdaγ nnes d Irifiyen, nitni d imaziɣen am isusiyen d iqbayliyen n Dzayar. Ssawalen Tarifit (maca nitnin tutlayt ay issawalen qqaren as Tmaziɣt).
Timeddan n Arrif
Talgamt a tettwagg dayes timdinin n Arrif ay di zeddγen ujar i 10.000 n imezdaɣ:
Nnaḍur, tamdint a ay illan d tameqrant qaε di Arrif.
Lḥusima, tamdint wis sin s imezdaγ nnes. Isem nnes s Trifit qqaren as Biya.
Imzuren
Aεarwi
Miḍar
Ayt Buεeyyac
Azɣenɣan
Driwc
Ajḍir
Dcurat niḍḍen: Ajḍir, Tafarsit, Ayt Tayyeb, Aknul, Tiẓḍuḍin, Arekman, Budinar, Tazaɣin, Taddart Ukebdan d Tara Zuhra.
Amezruy
Deg 1912 Arrif yudef it id Uspanyu s mamek ksent Fransa d Spanya jarasen di Umiru n Lxuzirat (Le Pacte d'Algesiras). Aḥewwes n n Spanya lexdenni ay d ibda. Maca ur xsen ad yili di tmurt nseni. Yekkar d Ɛabdkrim Lxattabi (Di Arrif isem nnes: Mulay Muḥend) ismun tiqebal n Arrif marra ḥuma ad ggen amenɣi aked Uspanyu, ad t ssufγen zi temmurt nsen. Zi 1921 ar 1926 lbaṛuḍ ur ibedd. Di zman nni tuɣa Irifyen ggin tanbaḍt i ixf nsen di Tegduda n Arrif, di tmura ay ṭṭfen d ay ittwakksen i uḥewwas aspanyu. Spanya d Fransa ggint agraw jarasent maḥend ad ḥarben irifiyyen. Deg umenɣi nsen aked Irifiyen ɣelben xafsen. Ṭtfen Mulay Muḥend, ssekken t γar La Reunion. Spanya tesdurri xef Arrif ar useggwas n 1956. Lexdenni tasimant n Lmeɣrib tedwel ura xef Arrif.
Tussna
Ca zi tqebbal n Arrif
- Ayt Yetteft - Ibeqquyen - Ayt Waryaγel - Ayt Ɛammart - Igzennayen - Ayt Tuzin - Ayt Temssaman - Ayt Uricek - Ayt Tafersit - Ayt Sεid - Ibḍarsen - Ayt Buyehyi - Iqelεiyen - Ikebdanen...