პეტერ ჰუხელი

ჰუხელი, პეტერ (Huchel)(* 3 აპრილი. 1903, ბერლინ-ლიხტერფელდე, ― † 30 აპრილი . 1981, ტაუფენბადენი), გერმანელი მწერალი. 1971-მდე ცხოვრობდა გდრ-ში, შემდეგ იტალიასა და გფრ-ში. თავდაპირველად იყენებდა ტრადიციულ, კონვენციურ ფორმასა და გამოსახვის საშუალებებს, თანდათანობით გადავიდა ურითმო, შინაგან რიტმზე დაფუძნებულ ლექსებზე. მისმა ლირიკამ ფილოსოფიური ხასიათი მიიღო, ყურადღების ცენტრში დააყენა ადამიანის ეგზისტენციური შეჭირვება (კრებ. "ლექსები", 1948; "შარაგზები, შარაგზები", 1963; "დათვლილი დღეები", 1972). ჰუხელს მიღებული აქვს რამდენიმე ლიტ.პრემია, იყო რამდენიმე აკად.წევრი.