Бирлешген Миллетлени Организациясы: Версияланы арасында башхалыкъ
| Тизгин 132: | Тизгин 132: | ||
Бютеу дуниялада ишлеген халкъларасы персоналды, ала организацияны тюрлю-тюрлю кюнлюк ишлерин тындырадыла. БМО-ну башха органларыны ишлерин баджарады. Секретариятны бёлеклери БМО-ну Нью Йоркдагъы штабында, эмда башха джерледе орналгъан штабларында ишлейди, аладан эм уллу Женева бла Венадагъы штабладыла. |
Бютеу дуниялада ишлеген халкъларасы персоналды, ала организацияны тюрлю-тюрлю кюнлюк ишлерин тындырадыла. БМО-ну башха органларыны ишлерин баджарады. Секретариятны бёлеклери БМО-ну Нью Йоркдагъы штабында, эмда башха джерледе орналгъан штабларында ишлейди, аладан эм уллу Женева бла Венадагъы штабладыла. |
||
Секретарият БМО-ну органларыны ишлерини бардырылыууну баджарады, дагъан болады. Башчысы БМО-ну Генерал Секретарыды. 2006 джылдан башлаб Корея Республикадан |
Секретарият БМО-ну органларыны ишлерини бардырылыууну баджарады, дагъан болады. Башчысы БМО-ну Генерал Секретарыды. 2006 джылдан башлаб Корея Республикадан Пан Ги Мун башчылыкъ этеди. |
||
===Бирлешген Миллетлени Организациясыны Генерал Секретарлары (1945 джылдан башлаб)=== |
===Бирлешген Миллетлени Организациясыны Генерал Секретарлары (1945 джылдан башлаб)=== |
||
23:07, 1 ноябрь 2009 версиясы
| |||
| Типи | Политика ортакълыкъ | ||
| Къуралгъаны | 1945 джылны 24 октябры | ||
| Бошалыуу | ...... | ||
| Официал тил | Араб тил, Къытай тил, Француз тил Ингилиз тил, Испан тил, Орус тил | ||
| Аралыкъ | Нью Йорк | ||
| Тамадалыкъ органы | Генерал секретарлыкъ | ||
| Генерал секретары: | Пан Ги Мун | ||
| къошулгъанланы саны: | 192 кърал | ||
Бирлешген Миллетлени Организациясы (къысхасыча — БМО) 1945 джылны 24 октябрында къурулгъан дунияны мамырылгъын, къоркъуусузлугъун сакълар ючюн эмда халкъла арасында экономика, джамагъат эмда маданият ишбирликни бегитир ючюн къуралгъан халкъларасы организацияды. БМО кесин «адиллик эм къоркъуусузлукъну, экономика айныуну эм социал тенгликни халкъларасында бютеу къраллада сакълауну нюзюр салгъан бир глобал къурулушду» деб танытады.
Организацияны къуралгъан джылда 51 члени, бюгюнде Черногорияны къошулуу бла 192 членнген дери ёсгенди. Организацияны оноуу, Нью Йоркда орналгъан аралыгъындан этиледи эмда къошулгъан къралла бла хар джыл бардырырлгъан олтуруулада мында бардырыладыла.
Организация талай органнга юлешинеди: Генерал Ассамблея, Къорукъуусузлукъну Кенгеши, Секретарият эмда Генерал Секретарь. Бирлешген Миллетлени Организациясыны къураргъа мадар Экинчи дуния къазауат битгенден сора келгенди.
БМО-ну аллында тамалын салгъан Биринчи дуния къазауатдан сора къуралгъан Миллетлени Лигасыды, алай а БМО-ча болмай ол салгъан нюзюрлерин тындыралмагъанды, Экинчи дуния къазауатны башланыууна тыйгъыч болалмагъанды.
«Бирлешген Миллетле» атны АБШ-ны президенти Франклин Делано Рузвельт теджегенди. Эмда биринчи кере Бирлешген Миллетлени Декларациясында 1942 джыл хайырланнганды, бу декларациягъа кёре 26 къралны келечиси кеслерини правительстволарыны атындан Фашист къралланы блогуна къаршчы кюреш бардырыргъа борчланнгандыла.
БМО-ну Уставыны ахыр тексти Сан-Францискода бардырылгъан конференицяда 1945 джылны 26 июнунда къабыл этилгенди. Ол уставха 50 къралны келечиси къол салгъанды, кючге 1945 джылны 24 октябрында, Польшаны да къошулуу бла киргенди. Бу кюн Бирлешген Миллетлени Кюню кибик байрамланады.
Организацияны къурамы
Генерал Ассамблея
Организацияда баш орунну алады, баш кенгешиу, оноулашыу, эмда келечилик органына саналады. Генарал Ассамблея халкъларасы мамырлыкъны эмда къоркъуусузлукъну юсюнде ишбирликни принциплерине къарайды, БМО-ну Къоркъуусузлукъ Кенгешини болджаллы членлерин, Экономика эмда Социал Советни членлерин сайлайды, Къоркъуусузлукъну Кенгешини теджеую бла БМО-ну Генерал Секретарын сайлайды, Къоркъуусузлукъну Кенгеши бла бирге БМО-ну Халкъларасы сюдюне сюдюлени сайлайды. Экономика, социал, маданият эмда гуманитар сфералада халкъларасы ишбирликни координация этеди; БМО-ну уставында белгиленнген башха полномочияланыда бардырады.
Генерал Ассамблея сессия халда хар джыл сайын сентябрны ючюнчю гюрге кюнюнде джыйылады. Генерал Ассамблеяны башчылыгъы бла (неда 21 заместителини бирини башчылыгъы) пленум олтуруулада, неда баш комитетледе сорууну бошалгъынчы дери олтурады.
Генерал Ассамблеяны, 1993 джылны 17 августунда алыннган оноууна кёре къурумунда 6 комитети барды:
- Сауутсузланыу бла халкъларасы къоркъуусузлукъну комитети
- Экономика бла финанс сорууладан комитет
- Социал, гуманитар эмда маданият сорууладан комитет
- Деколонизация бла айры политика сорууладан комитет
- Административ эмда бюджет сорууладан комитет
- Хакъ сорууладан комитет
- Генерал комитет — БМО-ну Генерал Ассамблеясыны ишин джюрютеди.
БМО-ну Генерал Ассамблеясыны айры сессиясы, Къоркъуусузлукъну Кенгешини излеми бла, 15 кюнню ичинде джыйылыргъа керекди.
Къуугъунлу айры сессияла, Къоркъуусузлукъну Кенгешини, неда БМО-ну членлерини асламысыны излеми бла 24 сагъатны ичинде джыйылыргъа керекди.
Къоркъуусузлукъну Кеннгеши
Дунияда мамырлыкъны эмда къоркъуусузлукъну тутууда баш джууаблыды, аны оноууна бютеу БМО-ну членлери бойсунургъа керекдиле. Беш хамандагъы члени (Эресей Федерация, АБШ, Уллу Британия, Франция, Къытай) вето салыргъа хакълары барды.
Къоркъуусузлукъну Кенгеши 15 членден къуралады - хамандагъы ( Эресей, АБШ, Уллу Британия, Франция эмда Къытай) , къалгъанлары Кенгешге сайланнган этедиле.
Генерал секретарь
Секретариятны башында Генерал Секретарь турады, ол Генерал Ассамблея бла, эмда 5 джылгъа джынгыдан сайланыр хакъы бла, сайланады.
Бирлешген Миллетлени Организациясына байламлы къурулушла
БМО-ну халкъларасы сюдю
БМО-ну баш сюд органыды. 15 бойсунмагъан сюдюден къуралады. Ала къралладан келечилик принципле сайланмайдыла. Башха ишледе ишлерге эркин тюлдюле. Кеслерини ишлерин тындыргъан заманда ала дипломтик иммунитет бла хайырланадыла.
Бу Сюдге тарыгъыу бла къуру къралла барыргъа боллукъдула, адамла неда организацияла бу Сюдге тарыгъыргъа эркин тюлдюле.
Экономика эмда социал кенгеш
БМО-ну экономика эмда социал халкъларасы ишбирлиги бла байламлы ишлени джюрютеди. 5 регионал комиссиядан къуралады:
Европа Экономика Комиссия (ЕЭК) Азия бла Шош океаннга экномика эм социал комиссия (АШОЭСК) Кюнбатыш Азия ючюн экономика эм социал комиссия (КАЭСК) Африка ючюн экономика комиссия (АЭК) Кариб бассейн бла Латин Америкагъа экномика комиссия (ЛАКЭК)
Дагъан кенгеш
БМО-гъа бойсуннган территорияланы экономика, социал, политика джанындан айнытыу соруулагъа къарайды. 1994 джылны 1 ноябырында ишин тохтатханды
Секретариаты
Бютеу дуниялада ишлеген халкъларасы персоналды, ала организацияны тюрлю-тюрлю кюнлюк ишлерин тындырадыла. БМО-ну башха органларыны ишлерин баджарады. Секретариятны бёлеклери БМО-ну Нью Йоркдагъы штабында, эмда башха джерледе орналгъан штабларында ишлейди, аладан эм уллу Женева бла Венадагъы штабладыла.
Секретарият БМО-ну органларыны ишлерини бардырылыууну баджарады, дагъан болады. Башчысы БМО-ну Генерал Секретарыды. 2006 джылдан башлаб Корея Республикадан Пан Ги Мун башчылыкъ этеди.
Бирлешген Миллетлени Организациясыны Генерал Секретарлары (1945 джылдан башлаб)
| № | Аты | Сураты | Къралы | Болджалыны башланыуу | Болджалыны бошалыуу |
|---|---|---|---|---|---|
| — | Глэдвин Джебб (ингил. Gladwyn Jebb, 1st Baron Gladwyn) |
 |
Уллу Британия (Кюнбатыш Европа) |
24 октябрь 1945 | 1 февраль 1946 |
| 1 | Трюгве Хальвдан Ли (норв. Trygve Halvdan Lie) |
 |
Норвегия (Кюнбатыш Европа) |
2 февраль 1946 | 10 ноябрь 1952 |
| 2 | Даг Хаммаршёльд (швед. Dag Hammarskjöld) |
Файл:Dag Hammarskjöld cropped.JPG | Швеция (Кюнбатыш Европа) |
10 апрель 1953 | 18 сентябрь 1961 |
| 3 | У Тан (бирм. ဦးသန့်) |
 |
Бирма (Азия) |
30 ноябрь 1961 | 1 январь 1972 |
| 4 | Курт Вальдхайм (нем. Kurt Waldheim) |
 |
Австрия (Кюнбатыш Европа) |
1 январь 1972 | 1 январь 1982 |
| 5 | Хавьер Перес де Куэльяр (исп. Javier Pérez de Cuéllar Guerra) |
 |
Перу (Къыбыла Америка) |
1 январь 1982 | 1 январь 1992 |
| 6 | Бутрос Бутрос-Гали (араб. بطرس بطرس غالي) |
 |
Мисир (Египет) (Африка) |
1 январь 1992 | 1 январь 1997 |
| 7 | Кофи Аннан (ингил. Kofi Annan) |
 |
Гана (Африка) |
1 январь 1997 | 1 январь 2007 |
| 8 | Пан Ги Мун (кор. 반기문) |
 |
Къыбыла Корея (Азия) |
1 январь 2007 | алкъын ишлейди Биринчи болджалыны бошалыуу: 1 январь 2012 |