Seleteya nexweşan

Seleteya nexweşan, seleteya kuvarkê, seleteya şîvê cure seleteyek ji pêjgeha kurd e.

Berkelî (bo çar kesan)

• 100 gr kuvark (karok, kakvîk)
• Kulmeke riz (birinc)
• Nîvê kulmê polik (baqilê xatûnî, latînî pisum sativum)
• 8 xiyarên tirşiyê
• Nîvê kulmê lazûtê (garisê) xaşandî yan konserveya wê
• 1 gizêr
• Nîvê stekanê (qedeh) rûnê zeytê
• Ava nîvê lîmonê
• Xwê
• Biharbêhn (biharat) (li ser daxwazê ye)

Çêkirin

• Rizê bişon, kevçiyek rûnê gulberojê tevlî bikin û bi ava germ bikelînin.
• Di binê ava sar de bidarivînin.
• Polik, lazût, gizêrê tîke bikin û berdin serê.
• Kuvarkên xwe di nava lîmonî de bixaşînin û bi tevî xiyarên tirşiyê tevlî bikin, tevdin.
• Di badiyekê de ava lîmonê, xwê û rûnê zeytê tevdin wekî çêncê (sosê) berdin ser seleteyê.
• Seleteya xwe bo xwarinê bînin ser destexaneyê.