Lingua Hibernica

Lingua Hibernica Gaeilge
IPA:	[ ˈgeːlʲɟə ]
Taxinomia:	Lingua Celtica e familia Indoeuropaea
Locutores:	1 800 000
Sigla:	1 ga, 2 gle, 3 gle
Status publicus
Officialis	Hibernia
Privata	—
Litterae:	Litterae Hibernicae
Scriptura:	Latina
Procuratio:	—
Huic imagini nondum est descriptio, quaesumus descriptionem addas. Familiae linguisticae coloribus Vicipaedicis pictae

Regiones Gaeltacht in Hibernia

Lingua Hibernica (Hibernice: Gaeilge, cf. nomen Latinum "Gadelica") est lingua Indoeuropaea e ramo Celtico. Cum Gadelica et Monensi grex linguarum Goedelicarum seu Gadelicarum constituit.

Hibernica fuit olim omnium insulae Hiberniae incolarum lingua materna; hodie permulti ut sermo nationalis recognoscunt sed paucissimi quotidie utuntur: e saeculo XVI inrepsit gradatim lingua Anglica. In parvis regionibus occidentalibus terrae, Gaeltachtaí appellatis, loquuntur homines Hibernice quotidie volubiliterque.

Secundum formam civitatis Irlandiae est lingua Hibernica lingua prima ex officio reipublicae; lingua secunda ex officio lingua Anglica est. Usque ab Kalendis Ianuariis anno 2007 lingua Hibernica est vicesima tertia lingua ex officio in Unione Europaea.

Dialecti

Lingua Hibernica in tres dialectos divisa est. Dialectus Momoniae in meridie in Comitatu Kerrensi, Waterfordiensi Corcagiensique auditur, dialectus Connaciae in occidente in Comitatu Gallivensi Maigonensique, et dialectus Ultoniae in septemtrionibus in Comitatu Dungalensi. Lingua scripta exemplaris Caighdeán Oifigiúil vocatur et in characteribus omnium trium fundatur.

Nexus externus

• Die araner mundart (descriptio phonologica dialecti Insularum Aran, anno 1899; Germanice)

Haec stipula ad linguam vel ad linguisticam spectat. Amplifica, si potes!