Katastroph vun Tschernobyl

De Reakter Nr. 4 mat sengem Bëtongsmantel ronderëm

Eng Delegatioun vun der BERD besicht Tschernobyl

Strahlenzertifikat, deen all Visiteur zu Tschernobyl kritt

Tschernobyl op der Landkaart

Tschernobyl ass eng Stad an der Ukrain, déi 1986 nach zur Sowjetunioun gehéiert huet. Tschernobyl ass doduerch an d'Schlagzeile vun der Weltpress koum, well de 26. Abrëll 1986 d'Atomkraaftwierk vun do havaréiert ass, an d'Stralen déi bei där Explosioun ausgetratt sinn zu enger Katastroph gefouert hunn, déi d'Welt deemools an Otem gehal huet.

Wéi ass den Accident passéiert?

Den Accident vun Tschernobyl hat verschidden Ursaachen. Et ass fir d'éischt op de Reakter no russescher Bauart vum Typ RBMK zeréckzeféieren, ee Reaktertyp, deen de westleche Sécherheetstandarden net entsprécht an allgemeng als geféierlech ugesi gëtt. Bei de westleche Reakteren wierkt nämlech d'Killwaasser als Moderator. Wann et verdämpt kënnt et nämlech net, wéi beim RBMK-Typ, zu enger Erhéijung vun der Reaktivitéit vum Reakter, mee seng Reaktivitéit hëlt of. Ausserdeem war den Tschernobyl-Reakter am Géigesaz zu de moderne Reakteren net an e Sécherheetsbehälter agebett, wat d'Explosiounsgefor erhéicht, respektiv net méi kleng gemaach huet. D'Experte ginn dovunner aus, datt et dem Betribspersonal u Kompetenz gefeelt huet a si hir Betribsvirschrëften net agehalen haten.

D'Konsequenzen

An der Sowjetunioun

Vun alle Katastrophen an nukleare Kraaftwierker hat d'Katastroph vun Tschernobyl déi schrooste Konsequenzen an huet déi meeschten Affer gefuerdert. Wéi vill et der waren ass nach net definitiv gekläert. D'UN-Atomenergieautoritéit IEAO gëtt d'Zuel vun den onmëttelbaren Affer, meeschtens Membere vun de Rettungsmannschaften, mat manner wéi 50 un an huet an hirem Rapport vum September 2005 d'Zuel vun deenen déi méi spéit ëmkomm sinn oder nach ëmkommen, op bis zu 4.000 Mënsche geschat. Dës Zuele géifen d'Realitéit verharmlosen, geheit Greenpeace der IEAO vir. Opgrond vun hiren Nofuerschungen, un deene 60 Experten aus der ganzer Welt bedeelegt waren, muss mat bis zu 93.000 Doudege gerechent ginn, wann och d'Folge fir déi Generatiounen déi kommen a Betruecht gezu ginn. Greenpeace weist drop hin, datt aleng a Russland, der Ukraine an a Wäissrussland 270.000 Kriibskranker enregistréiert goufen.
200 000 Mann goufen agesat fir opzeraumen a goufen héije Stralendosen ausgesat, besonnesch déi déi onmëttelbar nom Accident do geschafft hunn. Am Fréijoer a Summer 1986 goufen 116.000 Persounen aus enger Zon vun 30 km rondrëm Tschernobyl evacuéiert, spéider nach 240.000 Persounen zousätzlech. Trotz allem sinn awer verschidde Leit nees dohinner zréckwunne komm, well si hir Uertschaft net wollte verloossen, an déi Leit déi erniere sech vun alles wat de Buedem hinnen ze bidden huet sou wéi Gromperen,asw. déi natierlech och verstralt sinn.

An den anere Länner

An Europa, besonnesch an de Länner am Osten an am Norden gouf eng stark erhéicht Stralenawierkung gemooss. Déi éischt Wäerter goufen a Schweden an a Finnland gemooss a ware scho 4 mol sou héich wei normal. Schweden huet aver am Ufank näischt weider gesoot, well si duechten ee vun hiren U-Booter oder eent vun hire Kernkraftwierker wier futti. Schlussendlech goufen och a Westeuropa erhéicht Stralunge gemooss.

D'Atomkraftwierk haut

Am Interessi vun der Sécherheet hunn d'europäesch Länner drop gedrängt fir, niewent dem havaréierte Block 4 och déi aner Blëck 1, 2 an 3, ofzeschalten. D'Ukrain, déi Schwieregkeete mat der Energieversuergung huet, huet sech laang dergéint gewiert. De Block 2 ass am November 1991 no engem Feier an der Turbinnenhal zougemaach ginn, Block 1 am November 1996 an de Block 3 de 15. Dezember 2000. D'Europäesch Unioun huet dat duerch Finanzhëllefen un d'Ukraine méiglech gemaach.

Am accidentéierte Block 4, deen an engem sougenannte Sarkophag zoubëtonnéiert gouf, sinn d'Brennstief nach ëmmer dran, an säi Käer ass nach net zur Rou komm. Well sech Rëss am onstabile Bëtongsblock bemierkbar gemaach hunn, dränge sech dréngend Moossnamen op fir neie Katastrophe virzebauen.

Et ass virgesinn am Kader vun engem „Shelter Implementation Plan“ en neie Sarkophag iwwer deen alen ze bauen, deen dann ze suppriméieen, a gläichzäiteg d'Brennelementer am Kär ouni Fräisetze vu radioaktive Stralen auszebauen. Eng aner Léisung géif doranner bestoe fir een 1.000 m déift Lach ze gruewen, an dorann de ganzen havaréierte Block 4 verschwannen ze loossen.

E Sarkophag ronderëm ze baue gouf mat ongeféier 650 Milliounen Dollar geschat. E Beitrag vun den USA a vun der Europäescher Unioun wier noutwendeg. D'BERD ass och schonn an deem Zesummenhank ugesprach ginn. Si kënnt sou eng Léisung allerdéngs nëmme matfinanzéieren, souwäit wéi et e Sécherheetsproblem bleift, a keen Ausbau vun atomaren Energiekapazitéite geplangt ass.

De Sarkophag soll tëschent 2006 an 2016 gebaut ginn.

Literatur

• Chernobyl’s Legacy: Health, Environmental and Socio-Economic Impacts and Recommendations to the Governments of Belarus, the Russian Federation and Ukraine; Abrëll 2006 (PDF-Dokument)
• Igor Kostin/T. Johnson (Mitarbeit)/Übers. C. Kalscheuer: Tschernobyl - Nahaufnahme. München: Verlag Antje Kunstmann, 2006. 240 Seiten. ISBN 3-88897-435-6 (Fotoband, Reportage; Auszug, Bespreechung: in der Süddeutschen Ztg. vom 24. März 2006 (hgn) mit ca. 10 Abbi.Beispielen)
• Environmental Consequences of the Chernobyl Accident and Their Remediation: Twenty Years of Experience; Report of the UN Chernobyl Forum Expert Group “Environment” (EGE), August 2005 (PDF-Dokument)
• World Health Organization: Health Effects of the Chernobyl Accident and Special Health Care Programms. Report of the UN Chernobyl Forum Expert Group “Health” (EGH) April 2006, Download: [1] (PDF 1,6 MB)
• IAEA (Hrsg.): Chernobyl's Legacy: Health, Environmental and Socio-economic Impacts (...). September 2005 (PDF-Dokument)
• Oda Becker, Helmut Hirsch: Tschernobyl: Sanierung des Sarkophags - Wettlauf mit der Zeit. Hamburg/Hannover: Greenpeace, 2004 (PDF-Dokument)
• H. Dederichs, E. Konoplya, P. Hill, R. Hille: Systemtische Differenzierung kontaminierter und nicht kontaminierter Nutzflächen in der Region Korma., Schriftenreihe Reaktorsicherheit und Strahlenschutz; BMU-2002-613, 2002. Bundesministerium für Umwelt, Naturschutz und Reaktorsicherheit.
• A. Bayer, A. Kaul, C. Reiners: Zehn Jahre nach Tschernobyl, eine Bilanz. München: Gustav Fischer Verlag, 1996. - ISBN 3-437-25198-8
• Karl-Heinz Karisch/Joachim Wille (Hg.): Der Tschernobyl-Schock. Zehn Jahre nach dem Super-GAU. Frankfurt am Main: Fischer Taschenbuch Verlag, 1996. - ISBN 3-596-13301-7
• Grigori Medwedew: Verbrannte Seelen - Die Katastrophe von Tschernobyl, Carl Hanser Verlag München Wien, 1991. - ISBN 3-446-16116-3
• V. M. Chernousenko: Chernobyl. Insight from the Inside. Berlin, Heidelberg, New York: Springer-Verlag, 1991. - ISBN 3-540-53698-1
• Antje Hilliges/Irina Wachidowa: Als wir Tschernobyl überlebten. - ISBN 3-453-64508-1
• Swetlana Alexijewitsch Stimmen aus Tschernobyl in: 20 Jahre Tschernobyl Themenheft Aus Politik und Zeitgeschichte Beilage zur Wochenzeitung das Parlament, 27.3.2006 (weitere Beiträge von Sahm, Jochum und Pfaffenberger, Mojib Latif, Jens Ivo Engel), online lesbar: [2]
• Zhores Medwedjew: Das Vermächtnis von Tschernobyl, Münster: Daedalus Verlag Joachim Herbst, 1991, ISBN 3-89126-030-X

Linken

Kuckt och

• Katastrophen an nukleare Kraaftwierker

Um Spaweck

Commons: Tschernobyl – Biller, Videoen oder Audiodateien

• Säit vun der franséischer Greenpeace
• Slide show of a visit to Chernobyl and Prypiat in April 2006 by a German TV team joint by Reserch Center Juelich