Port Waikato
Port Waikato er ein busetnad på sørbreidda til Waikatoelva der ho renn ut i Tasmanhavet, på vestkysten til Nordøya på New Zealand. Dette er no ein liten busetnad med eit folketal på under 300 menneske,[3][4] men staden var ei viktig hamn under Newzealandkrigane på 1800-talet. Hamna har eit handelshus som vart oppretta i 1893, ein restaurant, bibliotek, samfunnshus, brannstasjon, surfeklubb, båtklubb og ein aktiv fiskeklubb.
Port Waikato | |||
Land | New Zealand | ||
---|---|---|---|
Folketal | 528 (6. mars 2018)[1] | ||
Port Waikato 37°23′10″S 174°43′52″E / 37.386°S 174.731°E | |||
Wikimedia Commons: Port Waikato |
Port Waikato er ein kjend stad for surfing og fiske, og ein populær fritidsstad. Det kan fiskast frå klipper og frå stranda og utanfor sanddynene i elvemunningen. Flyndre og multefisk kan ein få rikeleg av med slepenot.
Like sør for byen ligg eindel særprega sandsteinsutløparar der ein del av scenene i filmtriologien Lord of the Rings vart tekne opp.
Nær byen vart det skipa ein leirskule i 1920-åra.
Kjelder
endre- ↑ 1,0 1,1 1,2 1,3 http://nzdotstat.stats.govt.nz/wbos/Index.aspx?DataSetCode=TABLECODE8318.
- ↑ 2,0 2,1 2,2 http://nzdotstat.stats.govt.nz/wbos/Index.aspx?DataSetCode=TABLECODE7981.
- ↑ Staden omfattar tre meshblock-einingar med folketala 51, 228 og 162 i 2013. «2013 Census map – QuickStats about a place». www.stats.govt.nz. Henta 5. juni 2016.
- ↑ «Port Waikato». www.waikatodistrict.govt.nz. Henta 6. juni 2016.
- Denne artikkelen bygger på «Port Waikato» frå Wikipedia på engelsk, den 11. april 2008.