Elva Dordogne
Dordogne (oksitansk Dordonha) er ei elv i sørvestlege og sentrale delar av Frankrike
Dordogne | |||
elv | |||
Dordogne i Périgord.
| |||
Land | |||
---|---|---|---|
Nedslagsfelt | 23 870 km² | ||
Lengd | 490 km | ||
Middelvassføring | 450 m³/s | ||
Kjelde | Massif Central | ||
• høgd | 1 720 moh. | ||
Munning | Garonne | ||
Elva Dordogne 45°02′42″N 0°36′22″W / 45.045°N 0.60611111°W | |||
Wikimedia Commons: Dordogne River |
Geografi
endreElva har sitt utspring i fjellsida av Puy de Sancy (1 885 m) i fjella i Auvergne, der to små fjellelvar renn i hop: Dore og Dogne. Ho renn hovudsakleg vestover om lag 500 km gjennom regionane Limousin og Périgord før ho munnar ut i Gironde, elvemunningen som ho delar med Garonne, nord for byen Bordeaux.
Etymologi
endreDordogne kjem av det antikke ordet Durānius, som igjen har sitt opphav i den urkeltiske rotadur-, dor- (som i Durance).
I mellomalderen fekk namnet på elva den doble endinga -ononia, påverka av endinga -onna, som ein finn i namnet til mange andre elvar i Frankrike. På 500-talet var namnet Dorononia fluvius, på 700-talet Dornonia, som utvikla seg til Dordonia (800-talet).
Natur
endreDordogne er ei av få elvar i verda der store tidvassbølgjer brer seg langt oppover elva. Dordognedalen vert rekna som ein vakker dal, og er med på å trekke turistar til regionen. Turistsesongen varer stort sett frå juni til september, der juli og august er høgsesong.
Elveleiet
endreDordogne renn gjennom følgjande departement og byar:
- Puy-de-Dôme - Mont-Dore (nær kjelda), La Bourboule
- Corrèze - Argentat, Bort-les-Orgues
- Lot - Souillac
- Dordogne - Beynac-et-Cazenac, Sarlat, Saint-Cyprien og Bergerac
- Gironde - Sainte-Foy-la-Grande og Libourne
Sideelvar
endreDei største sideelvane til Dordogne frå kjelda til munningen (H=høgre, V=venstre)
Kjelder
endre- Denne artikkelen bygger på «Dordogne River» frå Wikipedia på engelsk, den 25. april 2007.